7 სექტემბერს თელავში ღვინის ფესტივალი სახელწოდებით „სთველი“ გაიმართება.

საქართველოში, ბევრმა შეიძლება არ იცოდეს, რომ პატარა კახში მეფის საყვარელი ღვინის მზადება სპეციალური მეთოდით ხდებოდა, რომელშიც ოთხი კახური ჯიშის შეზავება გამოიყენებოდა.

ზუსტად ამ ჯიშის ღვინოებს წარმოადგენენ და შეაზავებენ 7 სექტემბერს თელავში დაგეგმილ ფესტივალზე, სახელწოდებით – „სთველი“.

ფესტივალზე სომელიეები კულტურის პალატასთან და ღვინის სააგენტოსთან თანამშრომლობით გამართავენ კონკურსს, რის შედეგადაც გაჩნდება ახალი ბრენდი „ერეკლეს ღვინო“.

 ხელოვნური ინტელექტის მიერ გენერირებული ფოტოების კონკურსში რეალურმა სურათმა გაიმარჯვა. ღონისძიების მიზანი AI-ს მიერ გენერირებული საუკეთესო ფოტოს გამოვლენა იყო, თუმცა საბოლოოდ აღმოჩნდა, რომ ტიტულის მფლობელი ხელოვანი გახდა, რომელმაც ობიექტივში სანაპიროზე მყოფი ფლამინგო ასახა.

ფოტოგრაფის ფსევდონიმი მაილს ასტრაია. მან ფოტო ნიდერლანდებში, არუბაში გადაიღო. როგორც თავად ამბობს, კონკურსში მონაწილეობით სურდა, დაემტკიცებინა, რომ ადამიანის ხედვა და შესაძლებლობები უნიკალურია და მას ხელოვნური ინტელექტის მიერ გენერირებული ნამუშევარი ვერ გადაწონის.

თუმცა ეს ყოველთვის ასე არაა. 2023 წლის აპრილში ფოტოკონკურსში გამარჯვებულმა აღიარა, რომ სურათი ხელოვნურმა ინტელექტმა შექმნა და პრიზზე უარი თქვა. გერმანელი ფოტოგრაფი, ბორის ელდაგსენი ერთ-ერთი ყველაზე პრესტიჟული კონკურსის, Sony World Photography Award-ის მონაწილე იყო. მისი თქმით, ხელოვნური ინტელექტის მიერ გენერირებული ფოტო მან ფოტოგრაფიის მომავლის შესახებ დისკუსიის წამოსაწყებად გამოიყენა და მსოფლიოს დაანახა, რომ რეალურ სურათსა და AI-ის მიერ დამუშავებულს შორის სხვაობა, ფაქტობრივად, აღარ არსებობს.

რადგანაც ფოტოკონკურსში მონაწილეობა ელდაგსენისათვის ერთგვარად ექსპერიმენტული იყო, გამარჯვების შემდეგ მან თავადვე გაამხილა სიმართლე. “AI და ნამდვილი ფოტოგრაფია ერთმანეთს უკვე ეჯიბრება, მაგრამ ხელოვნური ინტელექტი ჯილდოს მფლობელი არ უნდა გახდეს, ამიტომ მე უარს ვამბობ პრიზზე”, – თქვა მან.

საზოგადოების ნაწილი ფიქრობს, რომ ხელოვნური ინტელექტი შემოქმედებით პროცესში მხოლოდ დამხმარე ინსტრუმენტი უნდა იყოს და არა ადამიანის ჩამნაცვლებელი. მათთვის AI-ის მიერ გენერირებული ნამუშევრები ღირებული არაა. ამასთან, უკვე დაწყებულია მსჯელობა საავტორო უფლებების საკითხზეც – თუ რამდენად სამართლიანია AI-ის გაწვრთნა ადამიანის მიერ შექმნილი მოდელებით და უქმნის თუ არა ეს ყველაფერი საფრთხეს ჩვენს კრეატიულობასა და შემოქმედებითობას.

საქართველოს კულტურული მემკვიდრეობის დაცვის ეროვნული სააგენტო ალავერდის სამონასტრო კომპლექსში განვითარებულ სტიქიურ მოვლენასთან დაკავშირებით განცხადებას ავრცელებს.

„ალავერდის სამონასტრო კომპლექსის ტერიტორიაზე იმყოფებიან სსიპ საქართველოს კულტურული მემკვიდრეობის დაცვის ეროვნული სააგენტოს წარმომადგენლები, რომლებიც ეცნობიან შექმნილ მდგომარეობას.

სტიქიის შედეგად გადახდილია გუმბათის თუნუქის საფარი, ტაძრის სამხრეთ კალთაზე დაზიანებულია ლორფინის სახურავი, ჩამსხვრეულია ტაძრის დასავლეთი მხარის და გუმბათის სარკმლები, დაზიანებულია სამრეკლოს თუნუქის სახურავი და საეპისკოპოსო სასახლის კრამიტის სახურავი, ჩამოშლილია სასახლის აივანი, ტაძრის გუმბათიდან ჩამოვარდნილია ჯვარი და დაზიანებულია მიმდებარე ტერიტორიის ინფრასტრუქტურა.

ამჟამად მიმდინარეობს დაზიანებათა სიმძიმის განსაზღვრა და უახლოეს დღეებში ადგილობრივ ეპარქიასა და მის მმართველ აბბა ალავერდელ მიტროპოლიტ დავითთან ერთად დაიგეგმება ტაძრის დაზიანებების აღმოსაფხვრელი ღონისძიებები“, – აღნიშნულია ინფორმაციაში.

„თურქეთმა მოიგო მატჩი, საქართველომ კი ჩვენი გული”, „მამაცი ქართველები”, „საუკეთესო თამაში ამ დროისთვის” – ეს კომენტარები უცხოელ გულშემატკივრებს ეკუთვნით. ისინი აღნიშნულ კომენტარებს ევრო 2024-ის ფეისბუკის გვერდზე, საქართველო-თურქეთის თამაშის შემდეგ გამოქვეყნებული პოსტების ქვეშ წერენ. ასობით კომენტარი მოწმობს, რომ საქართველოს ეროვნულ ნაკრებს უამრავი გულშემატკივარი ჰყავს.

საქართველოს საფეხბურთო ნაკრებმა ევროპის ჩემპიონატზე პირველი მატჩი გამართა და მძიმე ბრძოლაში თურქეთთან დამარცხდა. 25-ე წუთზე ანგარიში თურქებმა გახსნეს, ხოლო საქართველოს ნაკრებიდან გიორგი მიქაუტაძემ პირველი, ისტორიული გოლი 31-ე წუთზე გაიტანა და პირველი ტაიმი ფრედ 1:1 დასრულდა. თურქებმა ორი გოლის გატანა მატჩის მეორე ნახევარში შეძლეს, საბოლოოდ კი შეხვედრა ანგარიშით 3:1 დასრულდა. ევროპის ჩემპიონატზე მომდევნო შეხვედრას „ჯვაროსნები“ 22 ივნისს, ჰამბურგში გამართავენ, სადაც ჩეხეთს დაუპირისპირდებიან.