#datashvil  #drpkhakadze #sheniambebi #shenidasveneba

კორცხელის ღვთისმშობლის ეკლესია სამეგრელოში, ზუგდიდის მუნიციპალიტეტში, სოფელ კორცხელში მდებარეობს. ის X საუკუნის ძეგლია, რომელიც სამეგრელოს მთავარს – ლევან II დადიანს აღუდგენია XVII– საუკუნის პირველ ნახევარში. ლევან II დადიანის მიერ ტაძრის აღდგენას წალენჯიხის ეკლესიის ფრესკა ადასტურებს, სადაც ლევან II დადიანი და დედოფალი ნესტან–დარეჯანი არიან გამოსახული კორცხელის ეკლესიის მაკეტით ხელში. 1815 წელს კი ტაძარი მსაჯულთუხუცესს – დიდ ნიკო დადიანს განუახლებია, რომელიც კორცხელის ეკლესიაშია დაკრძალული. ეკლესიის ისტორიის შესახებ საინტერესო ცნობებს იძლევა სხვადასხვა დროის ჭედური ხატები, რომელთა ნაწილი დადიანების მუზეუმში ინახება, სამი ხატი თბილისის ხელოვნების მუზეუმშია დაცული.

კორცხელის ყოვლადწმიდა ღმრთის­მშობლის სახელობის ეკლესია მდებარეობს ზუგდიდიდან მერვე კილომეტრზე – მის ჩრდილო-აღმოსავლეთით, ზუგდიდ-წალენჯიხის გზის მარცხნივ მცირე შემაღლებაზე (ზღვის დონიდან სიმაღლე უდრის 200 მეტრს). ეკლესიის მიდამოებიდან შორს მოჩანს სვანეთ-აფხაზეთისა და სამეგრელოს მთიან-ბორცვიანი და ვაკე ადგილები, კოლხეთის დაბლობის ვრცელი ტერიტორია და შავი ზღვა. ასეთი ხელსაყრელი ბუნებრივ-გეოგრაფიული პირობები ჩვენს წინაპრებს შეუმჩნეველი არ დარჩენიათ და აქვე ეკლესია აუშენებიათ.

კორცხელში ლევან II დადიანის (1611-1657) მიერ შეწირულ მაცხოვრის ხატს აქვს 1640 წლით დათარიღებული წარწერა, რომელშიც საკმაოდ ვრცელი შესავლის შემდეგ ნათქვამია: „კოცხერისა ღთის მშობელო, რომელთა სასოებითა და სურვილითა აღგიშენეთ ჩვენ ორთავე, ტაძარი ესე ყოვლად პატიოსანი სახელისა თქვენისა, დავახატვინეთ და შევამკევით. ხოლო სოფლისა ჟამთა ვითარებისაგან ჯერეთ სრულად ვერ ხელვყავით საყდრისა ამის აშენებისა და დახატვისა მეტი, ამა ვითარებასა შინა… მიიცვალა… თანა­მეცხედრე ჩვენი დედოფალთ დედოფალი ნესტან-დარეჯან. ჩვენ მას უკან, რაცა წმიდასა ეკლესიასა მოუნდების გავაწყვეთ და გავარიგეთ… შევსწირეთ ჯვარსა წმიდასა გოლგოთას…”წყაროები კორცხელის ეკლესიის „აღშენებას” და მის მოხატვას ლევან II დადიანს მიაწერენ. კორცხელის ღმრთისმშობლის ეკლესია შეწირული ყოფილა იერუსალიმის ჯვრის მონასტრისათვის. ცნობილია, რომ ლევან II დადიანი ამ ძველ ქართულ მონასტერზე ზრუნავდა. განსაკუთრებით აღსანიშნავია ის ფაქტი, რომ მან ვალებიდან გამოიხსნა იერუსალიმის ჯვრის მონასტერი და მისი რესტავრაციისათვის საჭირო თანხებიც გაიღო (ი. ანთელავა). მისივე თაოსნობით 1643 წელს ნიკოლოზ ირუ­ბაქიძე-ჩოლოყაშვილს საფუძვლიანად განუახლებია ჯვრის მონასტრის მხატვრობა, სადაც მთავრის, მისი მეუღლის – ნესტან-დარეჯანისა და მათი შვილის პორტრეტები ყოფილა წარმოდგენილი (შ. ამირანაშვილი).

#datashvil #drpkhakadze #sheniambebi #shenidasveneba

ლომისის მონასტერი ქსნისა და არაგვის წყალგამყოფ ქედზე მდებარეობს. ძეგლი ერთმანეთთან მიდგმული სამი დარბაზული ეკლესიისგან შედგება. ირგვლივ  აკლდამებია. ყველაზე უკეთ დასავლეთით მდებარე ერთი აკლდამაა შემონახული, რომელსაც კარი და სარკმელი აქვს და კამარითაა გადახურული.

ლომისა წინარექრისტიანული ღვთაება იყო მთიულეთში. სახელწოდებას ხალხურ გადმოცემათა ტრადიცია ლომა ხარს უკავშირებს. მოგვიანებით, ეს კულტი მთვარის ღვთაებას დაუკავშირდა. ამას მოწმობს ის ფაქტი, რომ ხარის საკულტო გამოსახულებებს (რქებს) ხშირად ახალი მთვარის მოყვანილობა აქვს. ლეგენდებისა და რიტუალების თანახმად, ლომისა მონადირე, მხედარი ღვთაება იყო.

ლომისის მუხის კარს რკინა აქვს გადაკრული, რომელზეც თვრამეტსტრიქონიანი ხუცური წარწერა ამოუჭრიათ. ამ წარწერიდან ირკვევა კარის შემჭედი ოსტატების, პურისა და რკინის შემომწირველთა ვინაობა. წარწერა XVI-XVII საუკუნეებს უნდა ეკუთვნოდეს. კარს ოთხ მწკრივად რგოლები დაუყვება.

ლომისის კარის შესახებ ასეთ ამბავს ჰყვებიან: ერთხელ მთაზე მეფის ჯარს შეუსვენია. მოშიებულ მოლაშქრეებს კერძის მოსახარშად შეშა ვერ უპოვიათ, მეთაურის ბრძანებით ლომისის კარი ჩამოუხსნიათ, დაუპიათ და იმით დაუნთიათ ცეცხლი. უჭამიათ თუ არა, ყველა დაბრმავებულა. მეთაური ლომისას შევედრებია, თვალის ჩინი დაგვიბრუნე და ტაძარს რკინის კარს შევაბამო. ჯარს თვალი ახელია და სარდალს მადლობის ნიშნად ეს კარი შეუბამს.

ტაძარში ახლაც ინახება საყელურიანი დიდი რკინის ჯაჭვი. ვისაც აღთქმა აქვს დადებული ან აღთქმის დადება უნდა, ანდა რაიმეს ევედრება წმინდანს, ამ ჯაჭვს კისერზე იდებს და ტაძარს სამგზის შემოუვლის ლოცვით. ზოგს ეს წარმართობის გადმონაშთი ჰგონია, მაგრამ ეს ასე არ არის. ჯაჭვის კისერზე დადებით წმინდა გიორგისთვის ყმობის გამოცხადების ტრადიცია საქართველოში სხვაგანაც ყოფილა გავრცელებული (მაგალითად, აწყურში). საინტერესოა, რომ პალესტინაში წმინდა გიორგის ტაძრის მოლოცვისას თანამედროვე პილიგრიმებს სწორედ ასეთი საყელურიანი რკინის ჯაჭვი უნახავთ.

ხალხური გადმოცემით, ლომისის ჯაჭვი ბარიდან კისრით ამოუტანია დიდად ცოდვილ დადიანის ქალს. სხვა ვარიანტით, წმინდა გიორგის სასწაულებრივად უხსნია ერთი ქართველი ტყვე და მასაც მადლობის ნიშნად ჯაჭვი, რომელიც ტყვეობაში კისერზე ედო, ლომისის მთაზე ამოუტანია.

ლომისის მთავარმოწამეს შესთხოვდნენ ადამიანისა და საქონლის გამრავლებას, უშვილონი – წილიანობას (შვილიერებას); ვისაც ძუძუში რძე არ ედგა, დეკანოზი (ასე უწოდებენ მთიულეთში ხევისბერს) ტაძრის კედლიდან კირს ჩამოფხვნიდა, წყალში გახსნიდა და მაწოვარ დედაკაცს შეასმევდა. ბავშვსაც თმას პირველად აქ შეკრეჭდა დეკანოზი.

„დიდება დიდ ლომისასაო“, – დაილოცებიან ხოლმე სალოცავში ღამის სათევად მისული მლოცველები. დამხვდურთ ასე მიესალმებიან: „ხალხო, წყალობა ხატისაო“. „თქვენი მწყალობელიც იქნებაო“, – უპასუხებენ ისინი… შუაღამისას კი, როცა რძისფერი ნისლი დაჰფარავს ქსნისა და არაგვის ხეობას, ერთი მთიული ვერ მოითმენს და, თითქოს ნისლის გაფანტვა სურსო, ცისა და მიწის გასაგონად შესძახებს:

„საქართველოვ, ჩემო სამშობლოვ, წყალობა ხატისა! შეგეწიოს საქრისტიანოს გამჩენი“.

ტურისტებისთვის საინტერესო  და ულამაზესი ადგილები კახეთში – 18 ულამაზესი ადგილი, რომელიც აუცილებლად უნდა მოინახულოთ

კახეთი საქართველოში ერთ-ერთი ყველაზე პოპულარული რეგიონია, რომელიც გამოირჩევა თავისი მდიდარი ისტორიული მემკვიდრეობით, შთამბეჭდავი ბუნებით და ადგილობრივი ღვინის კულტურით. თუ ტურისტები ეძებენ განსაზღვრულ, სილამაზით გამორჩეულ ადგილებს, მონახულეთ კახეთი. ტურისტებისთვის საინტერესო  და ულამაზესი ადგილები კახეთში

წარმოგიდგენთ იმ ულამაზეს ადგილებს, რომლებიც აუცილებლად უნდა დაათვალიეროთ:

სიღნაღი

პატარა ქალაქი მომხიბვლელი ადგილია. სიღნაღი ცნობილია, როგორც სიყვარულის ქალაქი, ესაა ტურისტებში პოპულარული ადგილი თავისი სილამაზისა და პეიზაჟის გამო. სიღნაღი სახეტიალოდ კარგი ადგილია. სიღნაღს გარს არტყავს გალავანი, რომელიც მსოფლიოში ჩინეთის დიდი კედლის შემდეგ მეორეა სიდიდით. თავისი ადგილმდებარეობით ქალაქი გადაჰყურებს სივრცეში გაშლილ ალაზნის ველს და კავკასიონს.

სიღნაღშიყოველ ქუჩასა და ქვას თავისი ისტორია აქვს. ქალაქის ღირსშესანიშნაობები აქაური კულტურისა და ცხოვრების თავისებურებების გამომხატველია.

ისტორიულად, საქართველოს ეს მხარე მუდამ მტრის სამიზნე იყო. ამიტომ სიღნაღს გარს ციხე-გალავანი შემოარტყეს, რაც დღესდღეობით ქალაქის მთავარი ღირსშესანიშნაობაა. სიღნაღშირამდენიმე მნიშვნელოვანი ტაძარია, მათ შორის ბოდბისა და ხირსის წმინდა სტეფანეს მონასტრები.

ბოდბის მონასტერი

ტაძარი IV საუკუნეში აშენდა, წმ. ნინოს საფლავზე, რომელმაც საქართველოში ქრისტიანობა გაავრცელა. წმ. ნინოს მონასტერი მე-9 საუკუნეში აშენდა. ბოდბის მონასტერი საქართველოს მეფეების მიერ მრავალჯერ აღდგა. ახლა მონასტერი ფუნქციონირებს, როგორც დედათა მონასტერი. ბოდბეში ადვილად შეიძლება მოხვდეთ სიღნაღიდან. მონასტრის ტერიტორიაზე წმ. ნინოს წყაროა, რომელსაც ადგილობრივი ლეგენდის მიხედვით განკურნების ძალა აქვს. ხედი იშლება ალაზნის ველზე და კავკასიონზე.

თელავი

თელავი გამორჩეულია სხვადასხვა ეპოქის კულტურული ძეგლების სიმრავლით. ქალაქში ნახავთ ბრინჯაოს ხანის ნამოსახლარებს, შუა საუკუნეების, უდიდესი კულტურული მნიშვნელობის მქონე ტაძრებს, სასახლეებისა და ციხესიმაგრეების ნანგრევებს, რომლებიც მრავალი საინტერესო ისტორიისა და გმირობის მომსწრენი არიან.

გამორჩეულია იყალთოს მონასტერი, სადაც არსენ იყალთოელს იყალთოს აკადემია დაუარსებია. იგი XI-XII საუკუნეებში უმაღლესი სასწავლებელი იყო. ასევე უმნიშვნელოვანესი ძეგლებია ძველი და ახალი შუამთა, ვანთის სასახლის კომპლექსი, კისისხევის ღვთისმშობლის ეკლესია და სხვა.

ქალაქ თელავში მდებარე ერეკლე II-ის სასახლეში განთავსებულია თელავის ისტორიულ-ეთნოგრაფიული მუზეუმი, სადაც მრავალი საინტერესო ექსპონატია წარმოდგენილი: ნუმიზმატიკური მასალა, ადრეფეოდალური ხანის სარკოფაგი, გვიანი შუა საუკუნეების აბჯარი, XVII-XIX სსის სპილენძის საოჯახო ნივთების, საბრძოლო იარაღის, ხევსურული სამოსელის კოლექციები, ტექსტილის, ხელნაწერთა და ფერწერული ტილოების კოლექციები, სამეცნიერო ბიბლიოთეკა, ფოტოფონდი და სხვა.

განსაკუთრებულად პოპულარული ადგილია წინანდლის ალექსანდრეჭავჭავაძის სახლ-მუზეუმი უმშვენიერესი ბაღით.

ალავერდი — საკათედრო ტაძარი და მონასტერი, ახმეტის მუნიციპალიტეტში, ალაზნის ველზე სოფელ ალავერდთან, თელავიდან 20 კმ-ზე.

ალავერდის მონასტერი VI საუკუნის შუა ხანებში დააარსა იოსებ ალავერდელმა, ერთ-ერთი ასურელ მამათაგანმა VI საუკუნეში დააარსა, ერთ-ერთმა 12 ასურელ მამათაგანმა. მდებარეობს ალაზნის ველზე, კავკასიონის ქედის თოვლიანი მთების ფონზე, თელავიდან 20 კმ-ში. დღეს არსებული წმ. გიორგის ტაძარი XI ს-ის პირველ მეოთხედში ააგო კვირიკე კახთა მეფემ ძველი პატარა ეკლესიის ადგილას. საქართველოში ერთ-ერთი უდიდესი საკათედრო ტაძარი (41,7 მ X 26,4 მ) სიმაღლით 50 მეტრზე მეტია.

ალავერდი XI საუკუნიდან საეპისკოპოსო ცენტრი და ეპარქიის მღვდელმთავართა რეზიდენცია იყო. ამავე საუკუნიდან ალავერდის ტაძარი კახეთის სამეფო სახლის საძვლედაც იქცა.

წინანდლის ალექსანდრე ჭავჭავაძის სახლ-მუზეუმი

 სასახლეში ცხოვრობდა გარსევან ჭავჭავაძე, რომელიც მსახურობდა მეფე ერეკლე II–ის კარზე და საქართველოს სრულუფლებიან ელჩს წარმოადგენდა რუსეთში.

წინანდლის სამუზეუმო კომპლექსი – ალექსანდრე ჭავჭავაძის სახლ-მუზეუმი, წინანდლის ულამაზესი ბაღი და მე-19 საუკუნის უნიკალური ღვინის მარანი.

წინანდლის ჭავჭავაძეების სასახლის დღემდე შემონახული შენობა 1886 წელს აშენდა და ამჟამად ალექსანდრე ჭავჭავაძის სახლ-მუზეუმს წარმოადგენს. იქ დაცულია ჭავჭავაძეების ოჯახის წევრების პირადი ნივთები, მე-19 საუკუნის სხვადასხვა სახის გამოცემები, მე-18 საუკუნის ხელნაწერები, დიმიტრი ერმაკოვის ფოტოები, ფერწერული და ლითოგრაფიული ნიმუშები, მე-18-მე-19 საუკუნეების ქართული, რუსული და ფრანგული ავეჯი და სხვადასხვა საყოფაცხოვრებო ნივთები, მათ შორის – ჩინური, იაპონური, ფრანგული, გერმანული, იტალიური, ქართული და რუსული ჭურჭელი მუსიკალურ ინსტრუმენტებთან ერთად.

წინანდლის დეკორატიული ბაღი საქართველოში პირველი ევროპული ტიპის სარეკრეაციო ზონაა, პარკი 18 ჰექტარს იკავებს.

ნეკრესი

აბიბოს ნეკრესელის (ერთ-ერთი ცამეტ ასურელ მამათაგან) დაარსებული მონასტერი, მე-4-16 საუკუნეები.

დააარსა მეფე ფარნაჯომმა (ძვ. წ. II-I სს.). IV საუკუნეში იბერიის მეფე თრდატმა აქ ააგო ეკლესია, სადაც VI საუკუნეში დამკვიდრდა ერთი ასურელი მამათგანი – აბიბოსი. მის დროს დაარსდა ნეკრესის საეპისკოპოსო (იარსება XIX საუკუნამდე).

გრემი

ციხე-ქალაქი, მე-15 საუკუნე.

შემაღლებულ ადგილზეა აგებული, საიდანაც ალაზნის ველის ფერად-ფერადი პეიზაჟები იშლება. ულამაზესი სანახავია მთა­ვა­რან­გე­ლოზ­თა ტაძრის მოღერებული გუმბათის ყელი, კოშკები, გალავანი და კახეთის უძველესი დედაქალაქის ცხოვრების ამსახველი არტეფაქტები.

დავით გარეჯის მონასტერი

დავით გარეჯის კომპლექსი 13 მონასტრისგან შედგება, რომლებიც განფენილია ნახევრად-უდაბნო ტერიტორიის ფერდობზე. ეს ადგილი ძალიან ბუნებრივია, შენობები ნატურალურად ერწყმის პეიზაჟს.

გადაჭიმულია გარეჯის მთის ნახევრად უდაბურ კალთებზე 25 კილომეტრის მანძილზე და 22 მცირე მონასტერ-კომპლექსს მოიცავს, მათგან 3 სადავო (აზერბაიჯანის საზღვარზე) მონაკვეთზეა მოქცეული.

 ყვარელი

ყვარლის მუნიციპალიტეტის ტერიტორია მოფენილია მეტად საინტერესო და უძველესი წარსულის მქონე ისტორიული ძეგლებით. მათ შორის უმნიშვნელოვანესია ნეკრესის მონასტერი (IV-XVII საუკუნეები), სადაც დღემდე შემორჩენილია საქართველოში ერთ-ერთი უძველესი, IV საუკუნის ქრისტიანული სალოცავი. ნეკრესი, როგორც კულტურული და რელიგიური ცენტრი, უმნიშვნელოვანეს როლს თამაშობდა ადრეულ და შუა საუკუნეების ეპოქაში.

ერთ-ერთი უნიკალური სიძველის ძეგლია შუა საუკუნეების კახეთის სატახტო ქალაქის, გრემის ისტორიული ნაქალაქრის ტერიტორია, დღემდე შემორჩენილი საკულტო ნაგებობებითა და მთავარანგელოზთა ეკლესიის დიდებული ტაძრით. მუნიციპალიტეტი მდიდარია ტურისტული ადგილებით.

დღემდე კარგადაა შემონახული XVI-XVII საუკუნეების ციხე-გალავანი. ყვარელშია ილია ჭავჭავაძისა და კოტე მარჯანიშვილის სახლ-მუზეუმები.

ყვარლის ტბა

ყვარლის ტბის კურორტი კახეთის რეგიონის შუაგულშია. ის გარშემორტყმულია ტყით, რომელიც ტბას სიმყუდროვეს სძენს. ადგილი ჯადოსნური და თვალისმომჭრელია. ყვარლის ტბის კურორტი გთავაზობთ ღია ცის ქვეშ აქტივობებსა და სასტუმროს მომსახურებას.

ილიას ტბა

მდებარეობს მდებარეობს ყვარელის რაიონში, მდინარე დურუჯის ხეობაში, ქინძმარაულის უნიკალურ მიკროზონაში. ტბას ორი წლის წინ გაკეთდა და სახელი დიდი ქართველი მწერალისა და საზოგადო მოღვაწის ილია ჭავჭავაძის საპატივცემლოდ დაარქვეს.

ახმეტა

ახმეტა მდებარეობს კახეთის მხარეში, მდინარე ალაზნის მარჯვენა მხარეს, მდინარე ილტოს ქვემო დინებასა და მდინარე ორვილს შორის გაშლილ ვაკეზე, პანკისის ხეობის შესასვლელთან. მუნიციპალიტეტში ხუროთმოძღვრების ბევრი ძეგლია, მათ შორის, თავდაცვითი მნიშვნელობისა: ბახტრიონის ციხე; კვეტერა; ალავერდის მონასტერი; მატნის ცხრაკარას მონასტერი; ცხრაკარას სასახლის კომპლექსი.

კვე­ტე­რა

იგი­ვე კვე­ტა­რი ან კუ­ე­ტე­რი ის­ტო­რი­უ­ლი ციხე-ქა­ლა­ქია კა­ხე­თის რე­გი­ონ­ში, ახ­მე­ტის მუ­ნი­ცი­პა­ლი­ტეტ­ში. ციხე-ქა­ლა­ქი მდი­ნა­რე ილ­ტოს მარ­ჯვე­ნა ნა­პირ­ზე, ახ­მე­ტა-თი­ა­ნე­თის და­მა­კავ­ში­რე­ბე­ლი მა­გის­ტრა­ლის მარ­ცხე­ნა მხა­რეს მდე­ბა­რე­ობს.

ბევ­რი შთამ­ბეჭ­და­ვი სა­ნა­ხა­ო­ბა გე­ლით – შიდა ციხე, ქვე­და ციხე, გა­ლა­ვა­ნი, სა­სახ­ლე, დარ­ბა­ზუ­ლი ეკ­ლე­სია და ყვე­ლა­ზე მნიშ­ვნე­ლო­ვა­ნი – გუმ­ბა­თო­ვა­ნი ეკ­ლე­სია

1968 წელს კვე­ტე­რა­ში ჩა­ტა­რე­ბულ­მა არ­ქე­ო­ლო­გი­ურ­მა გა­თხრებ­მა გა­მო­ავ­ლი­ნა დარ­ბა­ზუ­ლი ეკ­ლე­სი­ის ნაშ­თი, სა­მუ­შა­ო­ე­ბი­სას აღ­მო­ა­ჩი­ნეს შუა სა­უ­კუ­ნე­ე­ბის ჭურ­ჭე­ლი და სხვა არ­ტე­ფაქ­ტე­ბი, რომ­ლებ­საც დუ­შე­თის მუ­ზე­უმ­ში ნა­ხავთ. გამორჩეულია შთამ­ბეჭ­და­ვი ხე­დე­ბით.

2007 წლის 24 ოქ­ტომ­ბრი­დან კვე­ტე­რის ციხე-ქა­ლა­ქი იუ­ნეს­კოს მსოფ­ლიო მემ­კვიდ­რე­ო­ბის სი­ა­შია შე­ტა­ნი­ლი.

ზღაპრული თუშეთი

აქ ჯერ კიდევ შემორჩენილია ტრადიციები, რომლის მიხედვითაც თუშეთში ღორის ხორცის ნაწარმის ატანა და მითუმეტეს ჭამა, ხოლო ხატების ტერიტორიაზე ქალების შესვლა არ შეიძლება.დღეობები ყველა სოფელში ინდივიდუალური, უნიკალური ტრაციდიის მიხედვით იმართება.

თუშეთი გამორჩეულია ულამაზესი მწვერვალებით – ტებულო, დიკლო და ბორბალო. თუშეთში ჯერ კიდევ შენარჩუნებულია კულტურული მემკვიდრეობის უნიკალური ძეგლები, უძველესი ნასოფლარები, ხალხური ხელსაქმის ნიმუშები, ყოფითი კულტურის ნივთები. აქ გარემომცველ ისტორიულ-კულტურულ ლანდშაფტებთან ერთად დაცულია ტრადიციები და მოსახლეობის ყოფითი წეს-ჩვეულებები.

თუშეთში მოხვედრა საქართველოში ყველაზე მაღალი, აბანოს უღელტეხილის გავლითაა შესაძლებელი. თუშეთისკენ მიმავალი გზა ძალიან რთულია, მასზე გადაადგილება მხოლოდ მაღალი გამავლობის მანქანითაა შესაძლებელი.

თუშეთში სეზონი იხსნება გვიან ზაფხულში და მთავრდება ადრე შემოდგომაზე. დანარჩენ დროს გზა ჩაკეტილია დიდთოვლობის, საზვავე საფრთხისა და მეწყრისგან დაზიანებული გზის გამო.

გურჯაანი

გურჯაანი – რაიონი და ქალაქი აღმოსავლეთ საქართველოში, მეღვინეობის ერთ-ერთი მთავარი ცენტრი. თბილისიდან 120 კმ-ით არის დაშორებული და ზღვის დონიდან 400 მ სიმაღლეზეა განთავსებული.

გურჯაანში მდებარეობს კურორტი ახტალა, რომლის სამკურნალო ტალახი რეკომენდირებულია საყრდენ-მამოძრავებელი და პერიფერიული ნერვული სისტემის დაავადებების სამკურნალოდ. რაიონში 400-ზე მეტი ისტორიული არქიტექტურული ძეგლია. შეგვიძლია ვიხილოთ ქართული მხედრული ისტორიის მუზეუმი, დიდი სამამულო ომის მემორიალი და სხვა ღირსშესანიშნაობები. მაგრამ ამ რეგიონში უცხოელ ტურისტებს ძირითადად ქართული მეღვინეობის კულტურისა და ტრადიციების გაცნობის სურვილი იზიდავს.

ლაგოდეხი

ლაგოდეხი კახეთის მხარეში მდებარე მუნიციპალიტეტია. ლაგოდეხი გამოირჩევა ბუნების სილამაზითა და მნიშვნელოვანი კულტურული ძეგლებით. რაიონის ტერიტორიაზეა ლაგოდეხის სახელმწიფო ნაკრძალი, რომელიც მდიდარია ფლორისა და ფაუნის მრავალფეროვნებით, ჩანჩქერებით, ულამაზესი ტბებითა და საოცარი ხედებით. ლაგოდეხში მრავალ მხატვრული და ისტორიული კუთხით საინტერესო ტაძარსა და ციხე-სიმაგრეს ვხვდებით. ეს რაიონი თავისი ბუნებრივი თუ კულტურული რესურსებით უამრავ ტურისტს იზიდავს.

შავი კლდე­ე­ბის ტბა

ტე­რი­ტო­რია მო­ი­ცავს ფარ­თო­ფოთ­ლო­ვან ტყეს, რომ­ლის სიგ­რი­ლე ცხელ ზა­ფხულ­ში დიდ სი­ა­მოვ­ნე­ბას მო­გა­ნი­ჭებთ. ასე­ვე, და­ცულ ტე­რი­ტო­რი­ა­ზე შეგ­ხვდე­ბათ რცხილ­ნა­რი­სა და წმინ­და წიფლნა­რის კო­რო­მი, მდი­ნა­რე ლა­გო­დე­ხის ხევი, პა­ტარ-პა­ტა­რა ჭა­ო­ბე­ბი შეგ­ხვდე­ბათ, ამ გზის გავ­ლის შემ­დეგ კი ულა­მა­ზეს შავი კლდე­ე­ბის ტბას მი­ად­გე­ბით.

ტე­რი­ტო­რია კავ­კა­სი­ო­ნის მთე­ბი ულა­მა­ზე­სი ხე­დე­ბით გა­მო­ირ­ჩე­ვა.

ღვი­ნის სა­ცა­ვი „გვი­რა­ბი“

„გვი­რა­ბი“ ყვა­რელ­ში მდე­ბა­რე­ობს. ის ალაზ­ნის ვე­ლის გა­ნა­პი­რა­საა აშე­ნე­ბუ­ლი და უნი­კა­ლუ­რი ღვი­ნის სა­ცავს წარ­მო­ად­გენს. სა­ცა­ვი შთამ­ბეჭ­დავ სა­ნა­ხა­ო­ბას წარ­მო­ად­გენს, რად­გან გვი­რა­ბი სრუ­ლად კლდის მა­სივ­შია გა­მოკ­ვე­თი­ლი.

#datashvil  #drpkhakadze #sheniambebi #shenidasveneba