კოტეჯები რაჭაში, – სოფელ ბოსტანაში, ულამაზესი და მომნუსხველი ხედებით!
ბოსტანა — სოფელი საქართველოში, რაჭა-ლეჩხუმისა და ქვემო სვანეთის მხარის ამბროლაურის მუნიციპალიტეტში (სადმელის თემი). კოტეჯები რაჭაში, სოფელ ბოსტანაში.
ზღვის დონიდან 700 მეტრი.
კურორტი კვერეთი – სამკურნალოდ მსოფლიოს სხვადასხვა ქვეყნიდან ჩამოდიოდნენ
კიდევ ერთი მიტოვებული კურორტი კვერეთი.
კურორტი კვერეთი ჯერ კიდევ XX საუკუნიდან ყოფილა ცნობილი. აქ სამკურნალოდ მსოფლიოს სხვადასხვა ქვეყნიდან ჩამოდიოდნენ, პირველი სანატორიუმის მშენებლობა კი მეორე მსოფლიო ომის დასრულების შემდეგ დაწყებულა.
კვერეთის გოგირდის წყლები კუჭ-ნაწლავის, ნერვული სისტემისა და სახსრების სხვადასხვა დაავადების მკურნალია. აქაური გოგირდის წყალი, დალევის გარდა, აბაზანებისთვისაც უნიკალურია. როგორც ადგილობრივები ამბობენ, კვერეთის გოგირდის წყლებს, სამკურნალოს გარდა, გამაახალგაზრდავებელი ეფექტიც აქვს.კიდევ ერთი მიტოვებული კურორტი კვერეთი.
კურორტი კვერეთი ჯერ კიდევ XX საუკუნიდან ყოფილა ცნობილი. აქ სამკურნალოდ მსოფლიოს სხვადასხვა ქვეყნიდან ჩამოდიოდნენ, პირველი სანატორიუმის მშენებლობა კი მეორე მსოფლიო ომის დასრულების შემდეგ დაწყებულა.
კვერეთის გოგირდის წყლები კუჭ-ნაწლავის, ნერვული სისტემისა და სახსრების სხვადასხვა დაავადების მკურნალია. აქაური გოგირდის წყალი, დალევის გარდა, აბაზანებისთვისაც უნიკალურია. როგორც ადგილობრივები ამბობენ, კვერეთის გოგირდის წყლებს, სამკურნალოს გარდა, გამაახალგაზრდავებელი ეფექტიც აქვს.
ნია ხარაძე
გიყვართ ფეხით ან ცხენით მოგზაურობა? – ლაგოდეხის დაცული ტერიტორიები ტურისტული აქტივობების ფართო არჩევანს გთავაზობთ
ლაგოდეხის ეროვნული პარკი…
გიყვართ ფეხით ან ცხენით მოგზაურობა?
ლაგოდეხის დაცული ტერიტორიები ტურისტული აქტივობების ფართო არჩევანს გთავაზობთ, მათ შორის, სხვადასხვა ტიპის ლაშქრობებს ულამაზესი ჩანჩქერებისა თუ უძველესი ციხე-სიმაგრეების სანახავად. თუ თქვენ ხართ ამბიციური და სპორტული მოლაშქრე, აუცილებლად უნდა სცადოთ სამდღიანი ლაშქრობა შავი კლდეების ტბისკენ, რომლის ალპური ზონიდან კავკასიონის მთების ულამაზესი ხედი იშლება.
ლაგოდეხის დაცული ტერიტორიები საქართველოს უკიდურეს ჩრდილო-აღმოსავლეთ ნაწილში მდებარეობს და დიდი კავკასიონის მთავარი ქედის სამხრეთ კალთებზეა განფენილი. მისი განსაკუთრებული ბიომრავალფეროვნება არ არის გასაკვირი. სიმაღლეების დიდი ამპლიტუდა (სიმაღლებრივი ზონალურობა, ჰავისა თუ ლანდშაფტური ზონების სრული სპექტრით) 3,428 მეტრს აღწევს. ჰაბიტატის (საცხოვრებელი გარემოს) დიფერენციაცია ჭალის ტყეებით დაწყებული და ერთი შეხედვით უსიცოცხლო ციცაბო კლდეების კალთებით დამთავრებული, ბუნებრივად იწვევს იმგვარ ბიომრავალფეროვნებას, რომლის მსგავსიც საქართველოს სხვა არც ერთ დაცულ ტერიტორიაზე არ გვხვდება.
ტურისტული თვალსაზრისით ტერიტორია საკმაოდ კეთილმოწყობილია. დღეისათვის ადმინისტრაცია ვიზიტორებს სთავაზობს საერთაშორისო სტანდარტების შესაბამისად მარკირებულ ბილიკებს, კერძოდ: ,,როჭოს ჩანჩქერი“, „ნინოსხევის ჩანჩქერი,“ მაჭის ციხე“, ,,შავი კლდეების ტბა“ და ბუნების შემეცნებით ბილიკი.
კანიონში არსებულ ციცაბო ფერდობებზე შეფენილი მცენარეულობა, თვალწარმტაცი ჩანჩქერები, სრულიად განსხვავებულ მიკროლანდშაფტს ქმნის
წალკის კანიონი, ბუნების ძეგლი წარმოადგენს მდ. ქციის (ხრამის) მიერ დაშბაშის ლავურ მაღლობზე, ვულკანოგენურ ქანებში ჩაჭრილ კალაპოტში გამომუშავებულ იშვიათი და ბიომრავლფეროვნებით გამორჩეულ კანიონისებურ ხეობას.
კანიონის ირგვლივ არსებული ეკოსისტემებს არ ახასიათებს მრავალფეროვანი მცენარეული საფარი, კანიონში არსებულ ციცაბო ფერდობებზე შეფენილი მცენარეულობა, თვალწარმტაცი ჩანჩქერები, სრულიად განსხვავებულ მიკროლანდშაფტს ქმნის მისთვის დამახასიათებელი მიკრო კლიმატით, თავისებური ფაუნით და ა.შ. წალკის კანიონზე ხორციელდება ყველაზე მრავალფეროვანი ტურისტული სივრცის მოწყობა, რომელსაც კომპანი „კასს ლენდი“ უზრუნველყოფს.
დამატებითი ინფორმაციისთვის ეწვიეთ ვებ-გვერდს www.kassland.com ატრაქცია ბაიკ-ლაინი – 120 ლარი საქანელა 1 ადამიანი – 80 ლარი საქანელა 3 ადამიანი – 150 ლარი ბილეთის შეძენისას გაითვალისწინეთ!
წალკის კანიონის ბუნების ძეგლის ბილიკზე გასავლელად ვიზიტორის სიმაღლე უნდა აღემატებოდეს 1.20 მ-ს.
ვიზიტორთა უსაფრთხოების მიზნით, წალკის კანიონის ბილიკი დაკეტილია წვიმის, ძლიერი ნისლისა და თოვლის დროს. კანიონში ჩასასვლელი ბილიკის სიგრძე შეადგენს 1.8 კმ ბილეთი დაბრუნებას არ ექვემდებარება ღამისთევა: ღამის თევა შესაძლებელია კომპლექსის ტერიტორიაზე არსებულ სასტუმროს ტიპის ვილებში (თითოეულ მათგანში შესაძლებელია მაქსიმუმ 5 პერსონის განთავსება).
19 ივლისს, ქობულეთი ზაფხულის ფესტივალს უმასპინძლებს
ბათუმის შემდეგ ზაფხულის ფესტივალს უკვე ქობულეთი უმასპინძლებს. ამის შესახებ ინფორმაციას აჭარის ავტონომიური რესპუბლიკის ტურიზმისა და კურორტების დეპარტამენტის პრესსამსახური ავრცელებს.
19 ივლისს, ყველაზე ფერადი და საინტერესო ფესტივალი საზაფხულო დეკორაციებით გაფორმებულ ქობულეთის ცენტრალურ პარკში გაიმართება და მასზე დასწრება ნებისმიერ მსურველს შეეძლება. ფესტივალის მუსიკალური პროგრამა საღამოს 6 საათზე ადგილობრივი ბენდების კონცერტით გაიხსნება. ფესტივალის მთავარი შემსრულებელი იქნება ბენდი „მგზავრები“, რომელიც ყველასათვის საყვარელ ჰიტებს შეასრულებს.
ფესტივალის ფარგლებში პარკშივე იფუნქციონირებს ღია კაფე-ბარები, სადაც სასმელების, ნაყინის, ხილისა და კერძების შეკვეთა იქნება შესაძლებელი. ქობულეთის ფესტივალი ტრადიციული, გრანდიოზული ფეიერვერკით დასრულდება. ის აჭარის ტურიზმის დეპარტამენტის ტურისტული პროდუქტების განვითარების სააგენტოს ორგანიზებით გაიმართება.
“იმდენი ადამიანი იყენებს ხელოვნური ინტელექტის შესაძლებლობებს, გაჩნდება კითხვები – ვისი გაკეთებულია საქმე”?
“იმდენი ადამიანი იყენებს ხელოვნური ინტელექტის შესაძლებლობებს, გაჩნდება კითხვები – ვისი გაკეთებულია საქმე”?
სრული გადაცემა იხ.ბმულზე:
ფრინველების წლის საუკეთესო ფოტოები გამოვლინდა 🐦⬛📷გალერეა
ფოტოკონკურსის The Bird Photographer of the Year („წლის ჩიტების ფოტოგრაფი“) გამარჯვებულები გამოვლინდნენ.
ფრინველების წლის საუკეთესო ფოტოები გამოვლინდა – მთავარი ჯილდო კანადელ ფოტოგრაფ პატრიშა ჰომონილოს ერგო, სურათისთვის სახელწოდებით „სამყაროების შეჯახება“. ტორონტოში გადაღებულ ფოტოზე 4 ათასზე მეტი ჩიტის ცხედარია, რომლებიც ქალაქის შენობებთან შეჯახების გამო დაიხოცნენ.
გამარჯვებულები და საპრიზო ადგილების მფლობელები 8 კატეგორიაშიც დასახელდნენ.
კატეგორია „ახალგაზრდა ფოტოგრაფი“/ოქრო – ანდრეს ლუის დომინგესი (ესპანეთი)
კატეგორია „ფრინველების ქცევა“/ვერცხლი – ჯეკ ჟი (აშშ)
კატეგორია „საუკეთესო პორტრეტი“/ბრინჯაო – მარკუს ვარესვუო (ფინეთი)
კატეგორია „ფრინველები ფრენის დროს“/ვერცხლი – ნიკოლა გროფალი (საფრანგეთი)
კატეგორია „ფრინველები გარემოში“/ოქრო – კეტ ჟუ (დიდი ბრიტანეთი)
კატეგორია „შავ-თეთრი“/ოქრო – დევიდ სტოვი (ავსტრალია)
კატეგორია „კომედია“/ბრინჯაო – გარი კოლიერი (სამხრეთ აფრიკა)
კატეგორია „ურბანული ფრინველები“/ოქრო – გრჟეგორჟ დლუგოში (პოლონეთი)
კატეგორია „კონსერვაცია“/ვერცხლი – ჩენ კანი (ინდონეზია)
კატეგორია „15-17 წლის ფოტოგრაფი“/ოქრო – ემილ ვაგნერი (გერმანია)
კატეგორია „11 წლამდე ფოტოგრაფი“/ოქრო – ჯულიან მენდლა (გერმანია)
ტერიტორიები მოიცავს ისპანი 1-ისა და ისპანი 2-ის სფაგნუმიან ტორფნარებს, რომლებზეც მოწყობილია ბილიკები საგანმანათლებლო და სამეცნიერო ტურებისთვის
ქობულეთის დაცულ ტერიტორიებზე სტუმრობისას, განსხვავებულ სამყაროში აღმოჩნდებით. დაცული ტერიტორიები ქობულეთის ზღვის სანაპიროდან 2 კმ-ში მდებარეობს.
ტერიტორიები მოიცავს ისპანი 1-ისა და ისპანი 2-ის სფაგნუმიან ტორფნარებს, რომლებზეც მოწყობილია ბილიკები საგანმანათლებლო და სამეცნიერო ტურებისთვის. ვიზიტორებს შეუძლიათ ჭაობის თხილამურების დაქირავება და სფაგნუმიან ტორფნარზე გასეირნება.
ტერიტორიები მნიშვნელოვანი საარსებო გარემოა გადამფრენი, მობუდარი და მოზამთრე წყლის ფრინველთა სახეობებისათვის. განსაკუთრებით საინტერესოა სფაგნუმი ანუ თეთრი ხავსი და მწერიჭამია დროზერა.
ქობულეთის დაცულ ტერიტორიებზე 3 მარტივი საფეხმავლო მარშრუტია: „ისპანი 2“, „თეთრი ხავსი“ და „დროზერა“. საფეხმავლო მარშრუტზე ფრინველებზე დაკვირვებისა და საგანმანათლებლო-სამეცნიერო ტურების დროს შესაძლებელია ყვითელი და თეთრი დუმფარების, თეთრი ხავსის 4-მეტრიანი გუმბათების, მწერიჭამია დროზერასა და ჭაობის კუს ნახვა.
ქობულეთის დაცული ტერიტორიები განსაკუთრებით პოპულარობით სარგებლობს ფრინველებზე დაკვირვების, ე.წ. birdwatching-ის მოყვარულებში. შესაძლებელია ჭოგრიტების ქირაობაც. გადამფრენ ფრინველებზე დაკვირვებისათვის საუკეთესო პერიოდია გაზაფხული და შემოდგომა.
დუშეთის ცენტრალურ, ისტორიულ უბანში კულტურული მემკვიდრეობის ძეგლების რეაბილიტაცია – ტურისტული ნაკადების მოზიდვას ურბანული განახლების ასეთი მასშტაბური პროექტები მნიშვნელოვნად შეუწყობს ხელს
დუშეთის ცენტრალურ, ისტორიულ უბანში კულტურული მემკვიდრეობის ძეგლების რეაბილიტაცია. ტურისტული ნაკადების მოზიდვას ურბანული განახლების ასეთი მასშტაბური პროექტები მნიშვნელოვნად შეუწყობს ხელს
ახალი ინფრასტრუქტურული პროექტები მთელი საქართველოს მასშტაბით
✨ ახალი ინფრასტრუქტურული პროექტები მთელი საქართველოს მასშტაბით
✨ირაკლი ქარსელაძე – საქართველოს რეგიონული განვითარებისა და ინფრასტრუქტურის მინისტრი:
„ერთ-ერთი გამორჩეული პროექტია, რასაც დუშეთში ვაკეთებთ. პარკის განახლება ეტაპობრივად განხორციელდა. შემდგომ 38 შენობის რესტავრაცია-რეაბილიტაცია-მშენებლობა განხორციელდა. აქედან 33 უკვე დასრულებულია.
ძალიან მაღალი დონის ნამუშევრები გახლავთ სარესტრავრაციო კუთხით. ძალიან ბევრი ისტორიული მასალა იქნა შესწავლილი. აუთენტურობა ყველა ელემენტში მაქსიმალურად იქნა დაცული. დანგრეული ან დანგრევის პირას მყოფი შენობების აღდგენა მოხდა.
ძალიან დიდი შრომა და ძალისხმევა იქნა გაწეული“, როგორც არქიტექტორების, რესტავრატორების, მშენებლების მხრიდან, ისე მუნიციპალური განვითარების ფონდის მიერ.
საინტერესოა და აღნიშნულ პროექტს კიდევ უფრო განსაკუთრებულს ხდის ის, რომ ჩვენს არეალში არის ილიასეული სასამართლო, რომლის სრული აღდგენა განხორციელდა. ასევე არის ილია ჭავჭავაძის სახლი, სადაც იგი ცხოვრობდა, როდესაც დუშეთში მოღვაწეობდა.
აქ არის როგორც არქიტექტურულად გამორჩეული, ისე შინაარსით მნიშვნელოვანი შენობები – ილიას დუშეთში მოღვაწეობის დროინდელი სასამართლო და საცხოვრებელი სახლი, ძველი აფთიაქის, ბანკის შენობები, ეგრეთწოდებული სამიკიტნოების უბანი. პროექტის განვითარების შედეგად, დუშეთის პოტენციალი ტურისტული თვალსაზრისით კიდევ უფრო გაიზრდება და მეტი განვითარების შესაძლებლობებს გააჩენს.
დუშეთის მუნიციპალიტეტი მდიდარია ღირსშესანიშნაობებით და მათი სრული სპექტრით გამოყენებას და ტურისტული ნაკადების მოზიდვას ურბანული განახლების ასეთი მასშტაბური პროექტები მნიშვნელოვნად შეუწყობს ხელს…“ – ამის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ განაცხადა.
