#datashvil  #drpkhakadze #sheniambebi #shenidasveneba

საქართველოში მოგზაურობას რომ გადაწყვეტ, აუცილებლად სანახავ ადგილებში ასურეთი მოინიშნე.

სოფელი ასურეთი ქვემო ქართლის მხარეში, თეთრიწყაროს მუნიციპალიტეტში მდებარეობს, ზღვის დონიდან 760-800 მეტრზე.

 XVIII საუკუნეში მტრის შემოსევების გამო გაუკაცრიელდა. XIX საუკუნის 20–იან წლებში ცარისტულმა რუსეთმა აქ გერმანელი კოლონისტები ჩამოასახლა და გერმანული კოლონია – ელიზაბეტალი შექმნა, როგორც საკუთარი პოლიტიკის ერთგვარი დასაყრდენი.

ელიზაბეტალი სოფელს XX საუკუნის 10–იან წლებამდე ერქვა, შემდეგ კვლავ ძირძველი სახელი – ასურეთი დაუბრუნდა. სოფელში გვხვდება გერმანული არქიტექტურა. შემორჩენილია გერმანული ეკლესია.

#datashvil #drpkhakadze #sheniambebi #shenidasveneba

შოთა არაბულმა საკუთარი დიზაინითა და პროექტით შექმნა საოჯახო სასტუმრო „კორშა”. აქვს თავისი მეურნეობა, ძროხები ყავთ, ბოსტანი აქვთ, ფუტკრის სკებიც აქვთ. ამზადებენ ნატურალურ საკვებს. ლუდსაც ძველი ტექნოლოგიით ხარშავენ. ამზადებენ ტრადიციულ კერძებს, ყველაფერი ნატურალურია.

ტრადიციული სამზარეულო, ხევსურული ლუდი და ხეზე კვეთის მასტერკლასი.

ლუდს, როგორც ხევსურები ამზადებდნენ, ძველი ტექნოლოგიით ამზადებენ. ჭურჭელიც ძველი და ტრადიციული აქვთ. სვია, საფუარი, ალაო- ამ პროდუქტებით ხარშავენ.

შოთა არაბული მხატვარია. ყველაფერი მისი გაკეთებულია. ხის სახლი ქონდა, ის დაშალა და მასალისგან სახლი ააწყო. ხისგან ცხოველების ფიგურები აქვს გაკეთებული.

სახელოსნო აქვს, მის ნამუშევრებსა და სამხატვრო ატელიეს სიამოვნებით ათვალიერებენ ტურისტები.

სასტუმრო „კორშა  მყუდრო, საინტერესო, სასიამოვნო გარემო ჯანსაღი დასვენებისათვის.
სასტუმრო “კორშა“ და მთლიანად ხევსურეთი დაუვიწყარ წუთებს გპირდებათ.

 ოქროპილაურის ციხე მდებარეობს შუახევის მუნიციპალიტეტში. აგებულია მდინარეების ჩირუხისწყლისა  და ტბეთისწყლის შესართავთან, მარცხენა მხარეს, შემაღლებულ კლდოვან მასივზე, რომელიც მარეთისა და უჩამბის ხეობების საკმაოდ ვრცელი მონაკვეთის ვიზუალური კონტროლის შესაძლებლობას იძლეოდა.

დადგინდა, რომ ციხე დაუმუშავებელი ფილა ქვებითა და კირდუღაბითაა აგებული. მაქსიმალურადაა გამოყენებული პლატოს ტერიტორია და კედლები კლდის გარე კონტურზეა მორგებული. ციხე მცირე ზომისაა და წაგრძელებული ფორმა აქვს. სამი მხრიდან ციცაბო კლდეებითა და ფერდობებით თითქმის მიუდგომელია. მისასვლელი ჩრდილო-დასავლეთი მხრიდან უნდა ჰქონოდა.

გალავნის კედლებს შორის მოქცეული შიდა სივრცე სამ არათანაბარ ნაწილადაა გაყოფილი. კედლების წყობაში შემორჩენილი ოთხკუთხა და წრიული მოყვანილობის საკოჭბე ბუდეების მიხედვით ჩანს, რომ ნაგებობა სამი სართულის მაინც უნდა ყოფილიყო. სათვალთვალო ნიშები  ყველა სართულზე ყოფილა  დატანილი.

ციხე ხანძრის გაჩენის შედეგადაა დანგრეული. ჩაქცეული კედლისა და კერამიკის ფრაგმენტები ნაცრისა და ნახშირის მძლავრ ფენაში (40 სმ-დან 1 მ-მდე) იყო არეული. შემორჩენილ კედლებს აჩნია ძლიერი ცეცხლის კვალი. სამეთუნეო ნაკეთობების ერთი ნაწილი მაღალი ტემპერატურის შედეგად დაწიდებულია. ძეგლზე მხოლოდ განვითარებული შუა საუკუნეებისათვის დამახასიათებელი ქვევრების, ქოთნების, ჯამების სასმისების, კეცების ფრაგმენტებია აღმოჩენილი.

ციხის გარეთ  სამკუთხედისებურად  წაგრძელებულ კლდოვან  მასივზე გამართული ყოფილა წრიული მოყვანილობის თონე, რომლის კერამიკული კედლები  რამდენიმე რიგად განლაგებული წრეებით ყოფილა შემკული. არქეოლოგიური სამუშაოების შედეგად ამ მონაკვეთში  ნაგებობის კვალი არ დაფიქსირებულა. გათხრებისას  აღმოჩნდა ასევე სხვადასხვა თონის კედლის ფრაგმენტები, რომლებიც ვარდულებით, სამკუთხა ჭდეებით, გრძივი ხაზებითა და რომბული ორნამენტებითაა შემკული. ამ მონაპოვრების მიხედვით  ციხესა თუ მის გარეთ მინიმუმ სამი-ოთხი თონე მაინც უნდა ყოფილიყო. ამ მონაკვეთში ქვევრის, კეცის, ჯამისა და ქოთნის ფრაგმენტებიც იყო მიმობნეული.

ძეგლზე  არქეოლოგიური  სამუშაოები აჭარის კულტურული მემკვიდრეობის დაცვის სააგენტოს დაფინანსებით ჩატარდა (ექსპედიციის ხელმძღვანელი -ტარიელ ებრალიძე).