შაბათი, მაისი 2, 2026

Instagram

- Advertisement -

მთავარი
სიახლეები
სხვა-ამბები
სამინისტრო
საქართველოს კუთხეები
კულტურა
მუზეუმები
ბლოგი
სასტუმროები
მეცნიერება & განათლება
აკრედიტაცია
ინტერვიუ

მთავარი
სიახლეები
სხვა-ამბები
სამინისტრო
საქართველოს კუთხეები
კულტურა
მუზეუმები
ბლოგი
სასტუმროები
მეცნიერება & განათლება
აკრედიტაცია
ინტერვიუ

მთავარი წაკითხვა გვერდი 8

აჭარის ხარიტონ ახვლედიანის სახელობის მუზეუმი – ძირითადი მიზნები და აქტივობები:

მიერ

SheniDasvemeba.ge

თებერვალი 14, 2026

აჭარის ხარიტონ ახვლედიანის სახელობის მუზეუმი – ისტორიული მუზეუმი.

მუზეუმის ისტორია

აჭარის ხარიტონ ახვლედიანის სახელობის მუზეუმი დაარსდა 1908 წელს – მასწავლებელთა ჯგუფის ინიციატივითა და ბათუმის საზოგადო მოღვაწეთა თაოსნობით როგორც სასკოლო მუზეუმი. 1908 წელს 19 მარტს 28 ხმოსნის მონაწილეობით გამართულ სხდომაზე საქალაქო საბჭომ მოიწონა თავისი გამგეობისა და საფინანსო კომისიის ერთობლივი დასკვნა პუშკინის სახელობის საქალაქო სასწავლებელთან საბავშვო მუზეუმის გახსნის შესახებ, რაც მალე კიდეც შეასრულეს.

მუზეუმი მდებარეობდა ვოზნესენსკისა და ოლღას (ამჟამად მელიქიშვილისა და ვახტანგ გორგასალის ქუჩების კუთხე) ქუჩების კუთხეში. მუზეუმის გამგედ 1908 წლის 1 ოქტომბრიდან დაინიშნა პუშკინის სახელობის საქალაქო სასწავლებლის ხელგარჯილობის მასწავლებელი ნიკოლოზ გომანი.

1910 წლის 9 მაისიდან გაფართოების გამო გადაიტანეს საქალაქო საბჭოს შენობის პირველ სართულზე და ერთი ოთახი დაუთმეს. 1912 წლის 15 ოქტომბერს საქალაქო საბჭოს დადგენილებით იგი გადააკეთეს საქალაქო მუზეუმად. 1924 წლამდე მუზეუმი შერეული ტიპისა იყო, ხოლო 1925 წლიდან გადააკეთეს აჭარის მხარეთმცოდნეობის მუზეუმად. იმავე წელს გადაიტანეს ყოფილ სამხედრო ტაძარში, სადაც იყო 1930 წლამდე. სინესტის გამო ამ ტაძარში ბევრი ექსპონატი გაფუჭდა, ამიტომ 1930 წლის 25 იანვრიდან მუზეუმი ხაზინის შენობაში მოათავსეს.

ნიკოლოზ გომანის შემდეგ 1938 წლის თებერვლიდან და 1989 წლის მაისამდე მუზეუმის დირექტორი იყო გამოჩენილი მეცნიერი და საზოგადო მოღვაწე ხარიტონ ახვლედიანი. მის სახელთანაა დაკავშირებული მუზეუმის, როგორც სამხარეთმცოდნეო სამეცნიერო-საგანმანათლებლო დაწესებულების განვითარება-განმტკიცება.

1957 წელს მუზეუმის ძველ შენობაზე დაშენდა მე-2 სართული.აჭარის მუზეუმი ერთ-ერთი უძველესი სამეცნიერო-საგანმანათლებლო დაწესებულებაა საქართველოში. აქ დაცულია 180 000-მდე ექსპონატი: უნიკალური ნივთები, კოლექციები, ფოტოები, ხელოვნების ნიმუშები,ხელნაწერთა ფონდში დაცულია 2 000-ზე მეტი იშვიათი ხელნაწერი ქართულ, რუსულ, სომხურ, არაბულ, თურქულ, სპარსულ და სხვა ენებზე, მუზეუმის ბიბლიოთეკაში ინახება 63 000 წიგნი სხვადასხვა ენაზე. მათ შორის ბევრი ბიბლიოგრაფიული იშვიათობაა.

აჭარის ხარიტონ ახვლედიანის სახელობის მუზეუმში 2015 წელს ჩატარდა სრული რეაბილიტაცია. მუზეუმის ეზოში აშენდა ახალი, სამსართულიანი კორპუსი-ბუნების, ისტორიის, სამეცნიერო-საგანმანათლებლო განყოფილების თანამშრომელთათვის და მხატვრული ტილოების საცავი.

მუზეუმის საექსპოზიციო ფართი გაიზარდა 40 კვ.მ-ით, ინტერიერის შესაბამისი დიზაინით გამოცალკევდა განსაკუთრებული ექსპონატის სტატუსით ანტიკური კრატერი.მუზეუმის ექსპოზიცია კონცეპტუალურად განახლებულია. ბუნების განყოფილებაში წარმოდგენილია აჭარის გეოლოგიური წარსული, ფლორა, ფაუნა; ისტორიის განყოფილება აჩვენებს მხარის ისტორიულ წარსულს, ეთნოგრაფიულ განსხვავებულობას.

საგამოფენო დარბაზში ექსპონირებულია ხელოვნების ნიმუშები, მხატვრული ტილოები, სკულპტურები,სამკაულები და ანტიკვარული ნივთები.კეთილმოწყობილია მუზეუმის ეზო, სადაც განთავსებულია ვეშაპის ჩონჩხი, აჭარაში პირველი ტრაქტორი, მატერიალური კულტურის ძეგლების ორნამენტიანი ფრაგმენტები ძველი წარწერებით.

მუზეუმის ძირითადი მიზნები და აქტივობები:
• კულტურულ–საგანმანათლებლო და სამეცნიერო–კვლევითი საქმიანობის წარმართვა თანამედროვე მოთხოვნათა შესაბამისად.
* საგანმანათლებლო პროგრამების განხორციელება.
• ეროვნული საგანძურის მოძიება, მეცნიერული შესწავლა, რეგისტრაცია, დაცვა, ექსპონირება.
• სამუზეუმო კოლექციების ოპტიმიზაცია, რესტავრაცია, პოპულარიზაცია.
• ახალი ტექნოლოგიების გამოყენებით ექსპოზიციების განახლება.
• ბეჭდვითი პროდუქციის გამოცემა.
• ვიზიტორთა მომსახურება.

მუზეუმი დაარსდა 1908 წელს. მასწავლებელთა ჯგუფის ინიციატივითა და ბათუმის საზოგადო მოღვაწეთა თაოსნობით როგორც სასკოლო მუზეუმი. 1908 წელს 19 მარტს 28 ხმოსნის მონაწილეობით გამართულ სხდომაზე საქალაქო საბჭომ მოიწონა თავისი გამგეობისა და საფინანსო კომისიის ერთობლივი დასკვნა პუშკინის სახელობის საქალაქო სასწავლებელთან საბავშვო მუზეუმის გახსნის შესახებ, რაც მალე შეასრულეს კიდეც.
ნიკოლოზ გომონის შემდეგ მუზეუმის დირექტორი იყო მეცნიერი და საზოგადო მოღვაწე, ხარიტონ ახვლედიანი. მის სახელთანაა დაკავშირებული მუზეუმის, როგორც სამხარეთმცოდნეო სამეცნიერო-საგანმანათლებლო დაწესებულების განვითარება-განმტკიცება.
მუზეუმში დაცულია 180 000 მეტი სხვადასხვა სახის ექსპონატი ასევე ხელნაწერთა ფონდში დაცულია 2000-ზე მეტი იშვიათი ხელნაწერი ქართულ, რუსულ, სომხურ, არაბულ, თურქულ, სპარსულ და სხვა ენებზე, ხარიტონ ახვლედიანის სამეცნიერო ბიბლიოთეკა 1937 წელს დაარსდა და მასში ინახება 63000 ბეჭდური წიგნი და ჟურნალი სხვადასხვა ენებზე, მათ შორის, ბევრი ბიბლიოგრაფიული იშვიათობაა.

მუზეუმის მუშაობის განრიგი: ყოველდღე, 10.00 – 18.00.
მუზეუმში შესასვლელი ბილეთის ფასი: სტანდარტული – 6 ლარი
საექსკურსიო ინდივიდუალური – 15 ლარი
საექსკურსიო ჯგუფური (6 დან – 30 მდე ვიზიტორი) – 10 ლარი

აუდიო (ქართულენოვანი / ინგლისურენოვანი / რუსულენოვანი) QR გიდი
გიდები (ქართულენოვანი / ინლისურენოვანი / რუსულენოვანი)

უფასო ვიზიტი: 6 წლამდე ასაკის ბავშვები; საქართველოს და უცხოეთის მუზეუმების თანამშრომლები, ICOM-ის წევრები (შესაბამისი დოკუმენტის და ID ბარათის წარდგენით); სპეციალური საჭიროების მქონე პირები (შესაბამისი დოკუმენტის წარდგენით); იძულებით გადაადგილებული პირები.

მუზეუმის შენობის სტატუსი: კულტურული მემკვიდრეობის უძრავი ძეგლი.

მუზეუმის მისამართი: ბათუმი, ხარიტონ ახვლედიანის ქ. 4

მუზეუმის ექსპონატების რაოდენობა: 180 000

#datashvil #drpkhakadze #sheniambebi #shenidasveneba

გამოფენა „ბენქსი: ლეგენდის დაბადება“ 4 დღით გაგრძელდება

მიერ

SheniDasvemeba.ge

თებერვალი 14, 2026

ქართული სახვითი ხელოვნების მუზეუმის მე-5 დაბადების დღესთან დაკავშირებით გამართული საერთაშორისო გამოფენა „ბენქსი: ლეგენდის დაბადება“ სტივ ლაზარიდისის კურატორობით ოფიციალურად 14 თებერვლის ნაცვლად 18 თებერვალს დაიხურება. პროექტის მხარდამჭერია SOLO X და Visa.

გამოფენის მიმართ საზოგადოების დიდი ინტერესის გამო, ქართული სახვითი ხელოვნების მუზეუმის გუნდის გადაწყვეტილებით, 15 თებერვლიდან 18 თებერვლის ჩათვლით საქართველოს მოქალაქეებისთვის გამოფენაზე შესვლა თავისუფალი იქნება.

მასშტაბური გამოფენა ოთხი თვის განმავლობაში მასპინძლობდა დამთვალიერებელს და ის 40 000-მდე ვიზიტორმა იხილა. მუზეუმმა მომხმარებელს არაერთი აქცია შესთავაზა, რომლის ფარგლებშიც, მოსწავლეებისთვის, სტუდენტებისთვის, პენსიონერებისა და სხვადასხვა ჯგუფის წევრებისთვის გამოფენაზე შესვლა თავისუფალი იყო. ექსპოზიციაზე წარმოდგენილია გამოფენის კურატორის, ბენქსის ფოტოგრაფის და საქმიანი პარტნიორის, სტივ ლაზარიდისის ექსკლუზიური ფოტო და ვიდეომასალა, ამასთან, ბენქსის ორიგინალი ნამუშევრები ბრიტანელი ლორდის – ედვარდ ჩერჩილის კერძო კოლექციიდან. ასევე, ექსპონატებს შორისაა სხვადასხვა მასალით შესრულებული ნამუშევრები: სკულპტურა, ტილო, ავთენტური ქუჩის ჟალუზი და სხვა.

ერთ-ერთ დარბაზში ბენქსის ორიგინალებთან ერთად წარმოდგენილია ქართველი ქუჩის ხელოვანების მიერ მუზეუმის კედელზე შესრულებული ნამუშევრებიც. ქართველი სტრიტ არტისტების მიერ მოხატული კედლის გამოფენის კურატორია ელენე კაპანაძე. მონაწილე არტისტები არიან გაგოშა, მიშიკო სულაკაური, სემიჩკა, კოსკა, Sick’nTired.

მუზეუმი მუშაობს ყოველ დღე, 10 : 00 – 21 : 00, ორშაბათის გარდა.

მისამართი: რუსთაველის გამზირი #7.

გამოფენის მხარდამჭერები არიან: SOLO X, Visa. პარტნიორები: HUGE TV, კაპაროლი, ტურიზმის ეროვნული ადმინისტრაცია.

„15-18 თებერვალს საქართველოს მოქალაქეებისთვის შესვლა თავისუფალი იქნება“

#datashvil #drpkhakadze #sheniambebi #shenidasveneba

ლაზური ნავის სამშენებლო ტრადიცია არამატერიალური კულტურული მემკვიდრეობის ძეგლის სტატუსის მინიჭებაზეა წარდგენილი

მიერ

SheniDasvemeba.ge

თებერვალი 13, 2026

აჭარის კულტურული მემკვიდრეობის დაცვის სააგენტოში არამეტერიალური კულტურული მემკვიდრეობის მიმართულებით მიმდინარეობს ლაზური ნავთმშენებლობის სამშენებლო ტრადიციების კვლევა.

იგი სპეციალურ ლიტერატურაში არსებული წყაროების პარალელურად, საველე-ეთნოგრაფიულ მასალებზე დაყრდნობითაც ხორციელდება. ნავმშენებლობა, ნაოსნობა და მეთევზეობა ისტორიულად ლაზების ერთ-ერთი ძირითადი საქმიანობა იყო და როგორც „ზღვაზე მცხოვრებმა ხალხმა“, ნაოსნობისა და ნავის კეთების მდიდარი ტრადიციები შემოინახა.

„ლაზები კაცნი არიან ხელოსანნი ხის მუშაკობითა და შენებითა ნავთათა დიდთა და მცირეთა“ ვახუშტი ბატონიშვილის ეს ჩანაწერი ლაკონურად აღწერს და ლაზური ტრადიციული ყოფის ძირითად თავისებურებებზეც ნათლად მიუთითებს. ლაზური ნავის ფართოდ გავრცელებულ სახელწოდებად შემოინახა „ფელუკა“. ეს სიტყვა, გარდა ლაზურისა ჩანს იტალიურში, არაბულში, ასევე სვანურში.

ისტორიკოს თამაზ ბერაძის გამოკვლევით ფელუკას თავდაპირველად ქართული სახელი „ორჩხომელი“ ერქვა. ლაზური ნავის კონსტრუქციის შესახებ საინტერესო დაკვირვება და ჩანაწერი დაგვიტოვა ტაციტუსმა. მას შეუნიშნავს, რომ ძველი კოლხები საჭიროების შემთხვევაში – დიდი დატვირთვის დროს ფელუკას დაბალ გვერდებს სპეციალური ფიცრებით ამაღლებდნენ, რაც ტაციტუსის ცნობით კოლხი მენავეების უძველესი ხერხი ყოფილა.

ლაზური ფელუკების აგებულების ძირითად თავისებურებას წარმოადგენდა: ოდნავ ოვალური მოყვანილობა, მომრგვალო ძირი, წინ და უკან აწეული ცხვირი, ხოლო შუა ნაწილში შედარებით დაბალი გვერდები. ამგვარი აგებულება განპირობებული იყო შავი ზღვის სანაპირო ზოლის თავისებურებებით, რაც ადგილობრივი ნავმშენებლებს სპეციფიურ სანაოსნო პირობებს უწესებდა. ლაზური ფელუკები მეტად მოსახერხებელ საზღვაო ტრანსპორტს წარმოადგენდა და სწორედ, ზემოთ აღნიშნული კონსტრუქციული აგებულება და მასთან დაკავშირებული სამშენებლო ტრადიციები წარმოადგენს ლაზური ნავის სამშენებლო ტრადიციების ძირითად სახასიათო ნიშანთვისებას.

აღნიშნული ნავის ფორმის სახასიათო ლაზური ტერმინია „მამალიწი“. თანამედროვეობაში ფელუკას სამშენებლო ტრადიციები საქართველოში თანდათანობით მივიწყებას ეძლევა. სწორედ ეს გარემოება გახდა აჭარის კულტურული მემკვიდრეობის დაცვის სააგენტოს მხრიდან აღნიშული საკითხით დაინტერესების მიზეზი. თემაზე მუშაობს აჭარის კულტურული მემკვიდრეობის დაცვის სააგენტოს მეცნიერ – თანამშრომელი, თემურ ტუნაძე.

#datashvil #drpkhakadze #sheniambebi #shenidasveneba

World of Statistics: საქართველო ევროპაში მე-4 ადგილზეა იმ ქვეყნებს შორის, სადაც ტურისტებისთვის ღამით უსაფრთხოდ გადაადგილებაა უზრუნველყოფილი

მიერ

SheniDasvemeba.ge

თებერვალი 12, 2026

სოციალურ ქსელ X-ზე, ორგანიზაცია Numbeo.com-ის მონაცემებზე დაყრდნობით გამოქვეყნდა სტატისტიკა, რომლის თანახმად, ევროპის ქვეყნებს შორის, საქართველო ერთ-ერთი ყველაზე უსაფრთხო ქვეყანაა ტურისტებისთვის ღამის საათებში გადასაადგილებლად.

გვერდზე World of Statics გამოქვეყნებული მონაცემების მიხედვით, საქართველო მე-4 ადგილზეა და ჩამორჩება მხოლოდ ხორვატიას, სლოვენიას და ისლანდიას. ასევე ჩანს, რომ საქართველო ტურისტების ღამით უსაფრთხოდ გადაადგილების მაჩვენებლით უსწრებს ევროკავშირის 25 წევრ და ყველა კანდიდატ სახელმწიფოს.

Numbeo.com-ზე გამოქვეყნებული კვლევები და მონაცემები არ არის რომელიმე სამთავრობო ორგანიზაციის გავლენით მომზადებული. ორგანიზაციის მონაცემები გამოყენებული იქნა ისეთი საერთაშორისო გამოცემების მიერ, როგორებიცაა BBC, Time, The Week, Forbes, The Economist, Business Insider, New York Times, The Telegraph და სხვა.

#datashvil #drpkhakadze #sheniambebi #shenidasveneba

ლაო ჯინ ჯაოს სააგარაკე სახლის ახალი სიცოცხლე

მიერ

SheniDasvemeba.ge

თებერვალი 7, 2026

ლაო ჯინ ჯაოს სააგარაკე სახლის ახალი სიცოცხლე

#datashvil #drpkhakadze #sheniambebi #shenidasveneba

10 ისტორიული ძეგლი ახმეტაში

მიერ

SheniDasvemeba.ge

თებერვალი 7, 2026

10 ისტორიული ძეგლი ახმეტაში — #image_title

კახეთის რეგიონში, ახმეტის მუნიციპალიტეტში უამრავი ისტორიული ძეგლია, რომლის სანახავადაც მისვლა თავისუფლად შეგიძლიათ, ყოველგვარი საგზაო დაბრკოლების გარეშე.

ამ ბლოგში იხილავთ ახმეტის მუნიციპალიტეტის 10 ისტორიულ ძეგლს და მცირე ისტორიულ ცნობებს მათ შესახებ.

წაიკითხეთ სრულად

გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!

მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.

iPhone: https://apps.apple.com/fr/app/sheni/id6746877342?l=en-GB

Android: https://play.google.com/store/apps/details…

Telegram არხი: https://t.me/SheniEkimi

შენი ექიმი – ცოდნა ჯანმრთელობისთვის.

#შენიექიმი #sheniekimi #

გიორგიფხაკაძე #ჯანმრთელობა #აქხარისხია #drpkhakadze

ინწრას ჩანჩქერი და კანიონი ჩაფლულია ხავსებისა და ბზის კორომების წალკოტში

მიერ

SheniDasvemeba.ge

თებერვალი 7, 2026

ჩანჩქერი ინწირა (ინწრა) მდებარეობს სამეგრელოში, წალენხჯისი მუნიციპალიტეტის სოფელ ჩქვალერში. ჩანჩქერი გადმოედინაება მდინარე ინწირას კანიონში. ჩანჩქერი და კანიონი ჩაფლულია ხავსებისა და ბზის კორომების წალკოტში.

ჩანჩქერთან ახლოს მდებარეობს ასევე ინწირას მღვიმე. მღვიმიდან მილით გამოყვანილია სასმელი წყალი, რომელიც მიუყვება ბილიკს მთელ სიგრძეზე.

#datashvil #drpkhakadze #sheniambebi #shenidasveneba

ჩვენი თუშეთი – ომალო

მიერ

SheniDasvemeba.ge

თებერვალი 6, 2026

ომალო

სოფელი ომალო (42°22′44″ ჩ. გ. 45°37′48″ ა. გ.) მდებარეობს საქართველოში, კახეთის მხარეში, ახმეტის მუნიციპალიტეტში, ისტორიულ მხარე თუშეთში, ისტორიულ პირიქითა (ჩაღმა) თემში, ახმეტიდან 90 კმ–ში, მდინარე პირიქითა ალაზნის მარჯვენა ნაპირზე და წარმოადგენს თუშეთის მხარის ადმინისტრაციულ ცენტრს. ომალო შედგება 3 ნაწილისაგან: ზედა ომალო (2070 მ. სიმაღლეზე), მის თავზე არსებული კესელოს ციხე (2084 მ. სიმაღლეზე) და ქვედა ომალო (1898 მ. სიმაღლეზე). ძველი ომალოდან, რომელიც აშენებულია XVIII საუკუნეში, ომალოს მოსახლეობა კესელოს ციხესთან ყოფილა შეჯგუფული, შემდეგ კი სოფელი თანდათანობით დაბლა, დღევანდელ ომალოს (ახალ) ვაკეზე ჩასულა.
ხალხის გადმოცემის მიხედვით შამილისა და ლეკიანობის დროს სოფელი ამ ციხეში იხიზნებოდა და იბრძოდა. სოფელი დიდი კავკასიონისა და პირიქითა ქედებს შორის მდებარეობს. უგზოობის გამო ნახევარი წელიწადი დანარჩენი საქართველოსგან მოწყვეტილია.
სოფელი ომალო თუშეთის დაცული ლანდშაფტის ტერიტორიაზე მდებარეობს და იგი საქართველოს გარემოს დაცვისა და ბუნებრივი რესურსების სამინისტროს დაქვემდებარებაშია. ძველი ომალო საქართველოს პრეზიდენტის 2006 წლის 7 ნოებრის N665 ბრძანებულებით შევიდა ეროვნული მნიშვნელობის კატეგორიის კულტურის უძრავი ძეგლების სიაში.
თავის მხრივ სოფელში 11 კულტურუილი მემკვიდრეობის უძრავი ძეგლია.
სოფელი არცერთი მხრიდან არ ჩანს გარშემორტყმული მთების გამო, რაც ქმნის საოცარ სიმყუდროვეს. ესეთი კრატერისებური განლაგება მნიშვნელოვანი დამახასიათებელი ნიშანია ზედა ომალოსთვის. აქედან ჩრდილოეთით განლაგებულია სოფლის ყველაზე განვითარებული ნაწილი, რომელიც გვირგვინდება ომალოს მთავარი დომინანტით კესელოს ციხით, რომელიც განლაგებულია დამრეც ფერდობიან მთაზე და შედგება ცალკეული კოშკებისა და ციხე-სახლების ერთიანი ანსამბლისგან. უბანში სახლები შეფენილია ბორცვზე ერთმანეთის მიყოლებით. აღნიშნული მხრიდან, კესელოს ციხეზე ასასვლელი წარმოადგენს ორღობეებსა და ბილიკებს. ზედა ომალოში იზრდება 5-6 მუხის ხე, რომელიც განუმეორებელ ელფერს სძენს სოფლის ლანდშაფტს.
საყურადღებია სოფ. ომალოში, მიწის სამუშაოების დროს აღმოჩენილი არქეოლოგიური მასალა, რის საფუძველზეც იკვეთება სამი არქეოლოგიური ძეგლი: ნამოსახლარი სოფლის სამხრეთით, ე. წ. ნამწვარი ციხის გორა, სალოცავი ამავე მხარეს _ “სამნათეო” და სამაროვანი სოფლის აღმოსავლეთით.

ქვემო ომალო შედარებით ახალი გეგმარებითი წარმონაქმნია, რომლის ძირითადი განვითარება, როგორც თუშეთის ცენტრის, მოხდა საბჭოთა პერიოდში. ამის გამო სხვა სოფლებთან შედარებით ქვემო ომალომ ყველაზე მეტად შეიცვალა იერსახე. სოფელი წარმოადგენს სხვადასხვა სტილისა და ეპოქის სახლების ერ- თობლიობას. მიუხედავად ამისა, ცალკეულ შენობაში შეიძლება ამოვიცნოთ ისტორიული სამოსახლოები, რაც მიგვანიშნებს იმას, რომ თავის დროზე, ამ ადგილას განლაგებული უნდა ყოფილიყო ომალოს საზამთრო ტერიტორიები – ბოსლები.
სოციალური ინფრასტრუქტურის თვალსაზრისით ომალოში გახსნილია დაცული ტერიტორიების ვიზიტორთა ცენტრი.
ელექტრომომარაგებისა და გაზმომარაგების ქსელი არ არსებობს. მოსახლეობა ძირითადად იყენებს მზის ენერგიას.
დღესასწაული „თუშეთობა“ თუში ხალხის უძველეს პროფესიას, მეცხვარეობას უკავშირდება და გასული საუკუნის 70-იანი წლებიდან, ივლისის ან აგვისტოს თვეში, ყოველწლიურად აღინიშნება სოფელ ომალოში. კესელოს ციხეში მუშაობს ომალოს ეთნოგრაფიული მუზეუმი.

გამოყენებული ლიტერატურა: ახმეტის მუნიციპალიტეტისა და თუშეთის სივრცით-ტერიტორიული დაგეგვა. სტუდია 21

წყარო:

#datashvil #drpkhakadze #sheniambebi #shenidasveneba

🏔 ნიამორები თუშეთის ეროვნულ პარკში

მიერ

SheniDasvemeba.ge

თებერვალი 6, 2026

🏔 ნიამორები თუშეთის ეროვნულ პარკში

„ისეთი ცხოველისათვის, როგორიც ნიამორია, სიფრთხილეს, თავდაცვისათვის მუდმივ მზაობას და სწორად შერჩეულ საბინადრო ტერიტორიას გადარჩენისათვის გადამწყვეტი მნიშვნელობა აქვს. მით უფრო, როცა შენთან ახლოს ჯიქი ბინადრობს, მის მოულოდნელ გამოჩენას კი, ყოველ წამს და ყველა მხრიდან ელოდები“, – აღნიშნავს ორგანიზაცია ნაკრესი.

📷 NACRES/ნაკრესი

#datashvil #drpkhakadze #sheniambebi #shenidasveneba