შემოდგომა ერთ-ერთი საუკეთესო დროა მოგზაურობისთვის. ეს სეზონი განთქმულია ბუნების საოცარი ფერებით, სუფთა ჰაერით და შედარებით ნაკლები ტურისტებით.

თუ ფიქრობთ სადღესასწაულო მოგზაურობაზე ან მცირე გაქცევაზე, შემოდგომა იდეალური დროა დასვენებისთვის

1. შესანიშნავი ამინდი
შემოდგომა გამოირჩევა ზომიერი ტემპერატურით, რაც მოგზაურობას განსაკუთრებით სასიამოვნოს ხდის. თუ ზაფხულის სიცხემ გადაგღალათ ან ზამთრის სიცივისთვის არ ხართ მზად, შემოდგომის სუფთა ჰაერი და ნაზი ამინდი იდეალური პირობებია ქალაქების ან ბუნების სამოგზაუროდ.

2. ფერწერული პეიზაჟები
შემოდგომა განთქმულია ბუნების ფერებით—მიწის ტონები, ოქროსფერი, წითელი და ნარინჯისფერი ფოთლები. მთები, ტყეები და პარკები გადაჰქცევენ საოცარ სურათებს, რაც იდეალური ფონია ფოტოსესიისთვის ან უბრალოდ ბუნებაში სასეირნოდ. ყველაზე ცნობილმა ტურისტულმა ადგილებმა, როგორიცაა ალპები, კანადა და იაპონია, განსაკუთრებული ხიბლი შემოდგომაზე იძენს.

3. ნაკლები ტურისტი
ზაფხულისგან განსხვავებით, შემოდგომაზე ტურისტული ნაკადები იკლებს, რაც მოგზაურებს საშუალებას აძლევს, უკეთესად და უფრო მშვიდად დატკბნენ პოპულარული ადგილებით. ეს საშუალებას გაძლევთ თავიდან აიცილოთ ხალხმრავალი ქუჩები და გრძელი რიგები მუზეუმებში, რესტორნებსა თუ პარკებში.

### 4. **დაბალი ფასები**
შემოდგომაზე ფასები ჩვეულებრივ იკლებს როგორც სასტუმროებში, ასევე ავიაბილეთებზე. ეს სეზონი ცნობილია “საშუალო სეზონის” ტარიფებით, რაც მოგზაურობას უფრო ხელმისაწვდომს ხდის. თუ ზაფხულში არ შეძელით დასვენება, შემოდგომა გთავაზობთ უფრო იაფ ვარიანტებს მაღალი დონის სერვისით.

5. კულინარიული სიამოვნება
შემოდგომა არის დრო, როცა ბევრ ქვეყანაში კულინარიული ფესტივალები ტარდება. ეს არის სეზონი, როცა ახალი მოსავალი იკრიფება და ბაზრები ივსება ნატურალური და ტრადიციული პროდუქციით. მოგზაურობის დროს შეგიძლიათ დააგემოვნოთ ადგილობრივი კერძები, რომლებიც სეზონურ ინგრედიენტებზეა დაფუძნებული—ვაშლი, ყურძენი, გოგრა და სხვა შემოდგომის პროდუქტები.

შემოდგომა შესანიშნავი დროა მოგზაურობისთვის, რადგან ის გაერთიანებს კომფორტულ ამინდს, საოცარ პეიზაჟებს, დაბალ ფასებს და ნაკლებ ტურისტს. თუ მოგზაურობისთვის იდეალურ დროს ეძებთ, ეს სეზონი სწორედ ის დროა, როცა შეგიძლიათ დაისვენოთ და გაიმდიდროთ თქვენი გამოცდილება.

ნეკრესის მონასტერი: საქართველოს ისტორიული და კულტურული ძეგლი

ნეკრესის მონასტერი მდებარეობს ყვარლის მუნიციპალიტეტის სოფელ შილდის მახლობლად, კახეთში, არის ერთ-ერთი ყველაზე მნიშვნელოვანი არქიტექტურული და ისტორიული ძეგლი საქართველოში. იგი მდებარეობს ნეკრესის ნაქალაქარის თავზე, ტყით შემოსილ ფერდობზე, ე. წ. ნაზვრევ გორაზე.

ნეკრესის მონასტერი: ისტორიული მიმოხილვა

ნეკრესის მონასტერი დაარსა მეფე ფარნაჯომმა ძვ. წ. II-I საუკუნეებში. IV საუკუნეში იბერიის მეფე თრდატმა აქ ააგო ეკლესია, რომელიც VI საუკუნეში აბიბოს ნეკრესელის მიერ იქნა დამკვიდრებული. აბიბოსი სირიიდან მოყვა იოანე ზედაზნელს და შემდგომი წლები ნეკრესის ეპარქიის მღვდელმთავრობაზე გაატარა. მისი მღვდელმთავრობა დაემთხვა საქართველოსთვის რთულ პერიოდს, როდესაც სპარსელები ცდილობდნენ მაზდიანობის გავრცელებას, რის წინააღმდეგაც აბიბოსი აქტიურად იბრძოდა.

ნეკრესის მონასტრის არქიტექტურული კომპლექსი

ნეკრესის მონასტერი მოიცავს შემდეგ ნაწილებს:

• უძველესი მცირე ეკლესია
• ღვთისმშობლის შობის სამეკლესიიანი ბაზილიკა
• მთავარანგელოზთა ეკლესია
• წმინდა გიორგის ეკლესია
• ეპისკოპოსის პალატი
• მარანი
• კოშკი
• სატრაპეზო
• მცირე სამლოცველოები
• ბერთა სენაკები
• საცხოვრებელი და სამეურნეო დანიშნულების შენობათა ნაშთები

მონასტრის გალავანი და მისი მნიშვნელობა ისტორიულად ძალიან დიდი იყო. ნეკრესიდან ვრცელდებოდა ქართლის პოლიტიკური და კულტურული გავლენა აღმოსავლეთ კავკასიონის მთიანეთზე.

ნეკრესის მონასტერი და კულტურული მემკვიდრეობა

ნეკრესის მონასტერი ცნობილი იყო თავისი კულტურულ-საგანმანათლებლო მოღვაწეობით. აქ იღვწოდნენ ცნობილი მღვდელმთავრები, როგორებიც იყვნენ დოსითეოს ჩერქეზიშვილი და ზაქარია მიქაძე. XIX საუკუნეში, პოეტ-დიაკონი მოსე და სხვა პიროვნებები ეწეოდნენ სამწერლო საქმიანობას ნეკრესში.

შენახვა და რეკონსტრუქცია

XX საუკუნის 20-იან წლებში დაიწყო ნეკრესის მონასტრის მეცნიერული შესწავლა. 1940-1950 წლებში ჩატარებულ იქნა კომპლექსზე დაცვითი და გამაგრებითი სამუშაოები, რაც იმ პერიოდში მნიშვნელოვანი იყო ძეგლის შენარჩუნებისა და დაცვისთვის.

ნეკრესობა: ტრადიციები და რიტუალები

ნეკრესის მონასტერში ყოველწლიურად 7 იანვარს, ქრისტეშობის ღამეს, იმართება სახალხო დღესასწაული ნეკრესობა. ეს დღესასწაული უნიკალურია იმით, რომ შესაწირ ცხოველთან და ფრინველებთან ერთად, ღორსაც სწირავდნენ. მოსახლეობაში გავრცელებული თქმულების თანახმად, ლეკების ერთ-ერთი შემოსევის დროს, მონასტერი ალყაში მოექცა, და მას შემდეგ, რაც მტერმა ალყა მოხსნა, ადგილის გათავისუფლების სიხარულისთვის ღორი შეწირეს.

ისტორიული მნიშვნელობა და დღევანდელობა

ნეკრესის მონასტერი დღემდე წარმოადგენს ქართული კულტურისა და ისტორიის მნიშვნელოვან ნაწილს. მისი არქიტექტურული კომპლექსი და ისტორიული მნიშვნელობა აუცილებლად უნდა იყოს დაცული და ცნობილი იყოს როგორც საქართველოში, ისე მის საზღვრებს გარეთ.

რიყე — ძველი თბილისის ერთ-ერთი უბანი მდინარე მტკვრის მარცხენა ნაპირზე, ავლაბარსა და ჩუღურეთს შორის – პოპულარობით სარგებლობს ადგილობრივებსა და ტურისტებს შორის

რიყე – მტკვრის მარცხენა ნაპირზე, დღევანდელი ბარათაშვილისა და მეტეხის ხიდებს შორის, არ იყო განაშენიანებული გასული საუკუნის 30–იან წლებამდე, რასაც თბილისის 1735, 1800 1828 წლების გეგმები ადასტურებენ. ამ ადგილზე გადიოდა ავლაბრის კარიდან ავჭალისკენ მიმავალი გზა. შემდგომში აქ მტკვრის მარცხენა ტოტი გამეჩხერდა, დაშრა და სახელდახელოდ გამაგრებული სანაპირო საცხოვრებელი სახლებით განაშენიანდა. მდინარის ადიდებისას რიყე იტბორებოდა, რასაც ზოგჯერ მსხვერპლიც მოსდევდა. აქ მრავლად იყო დუქნები და სხვადასხვა (ხარაზების, მჭედლების, მკალავების) სახელოსნოები. სამწუხაროდ რიყის უბანი 1973 წელს დაანგრიეს. ადგილს კი მაინც შერჩა ძველი სახელწოდება.

რიყის პარკი პოპულარობით სარგებლობს ადგილობრივებსა და ტურისტებს შორის. ის სხვა პარკებისგან იმით გამოირჩევა, რომ საქართველოს რუკის ფორმა.

აქ მოსასვლელი მეორე გზა მდებარეობს მტკვრის მარცხენა სანაპიროზე. ავლაბრიდან  ფეხით შეგიძლიათ მისვლა.

პარკიდან  საბაგიროს მგზავრები გადაჰყავს მტკვრის თავზე, ნარიყალას ციხესიმაგრესთან.

2012 წლის 23 ივნისს, თბილისის საზოგადოებრივ ტრანსპორტს რიყის პარკისა და ნარიყალას ციხე-სიმაგრის ერთმანეთთან დამაკავშირებელი საბაგირო გზა შეემატა.

საბაგირო საერთაშორისო სტანდარტებისა და ევროპული უსაფრთხოების ნორმების დაცვით დაპროექტდა და აშენდა. პროექტი იტალიურმა კომპანია LEITNER-მა განახორციელა.

რიყე-ნარიყალას საბაგირო გზის სიგრძე 500 მეტრია და მასზე მოძრაობს 7 გონდოლა. საბაგირო გზა სრულად ადაპტირებული შშმ პირთათვის.

რიყე-ნარიყალას საბაგირო გზა გახსნიდანვე გახდა პოპულარული, როგორც თბილისელებისთვის, ასევე, განსაკუთრებით ქალაქის სტუმრებისა და ტურისტებისთვის, რაც განაპირობა იმ გარემოებამ, რომ საბაგირო გზა მდებარეობს თბილისის ისტროულ, ტურისტებისთვის საყვარელ ადგილას და მისი გონდოლებიდან დედაქალაქის ულამაზესი ხედები იშლება.

გახსნის დღიდან დღემდე, რიყე-ნარიყალას საბაგირო სულ 12.5 მლნ მგზავრს მოემსახურა.

რიყის პარკში არიან მხატვრებიც, რომლებიც გთავაზობენ პორტრეტებსა და დროებით სვირინგებს. ზაფხულობით რიყის პარკში ხელოვნების ნიმუშთა გამოფენაც ეწყობა, სადაც შეგიძლიათ არა მხოლოდ დაათვალიეროთ ნამუშევრები, არამედ შეიძინოთ კიდეც. ოქტომბერში რიყის პარკში იმართება ყოველწლიური ფართომასშტაბიანი დღესასწაული თბილისობა, სადაც შეგიძლიათ დააგემოვნოთ სხვადასხვა ტრადიციული საკვები საქართველოს ყოველი კუთხიდან, რაც არა მხოლოდ გემრიელი, აგრეთვე ერთ-ერთი ულამაზესი ღონისძიებაა.

ნარიყალა  თბილისის ისტორიული ციტადელი, მთა­ვარი ციხეა. ქართულ წყაროებში იწოდება „დედა ციხედ“. ტერმინი ნარიყალა სპარსული წარმომავლო­ბისაა და ციხეს XVII ს-ში ეწოდა. ნარიყალას ემჩნევა IV-XVIII სს-ის არაერთი რეკონსტრუქციის კვალი. ბო­ლო რესტავრაცია ნარიყალას 2000 წ. ჩაუტარდა. აღად­გინეს წმ. ნიკოლოზის ტაძარი და ციხის გალავა­ნი. ნარიყალას ციხიდან ძველი და ახალი თბილისის ულამაზესი ხედები იშლება.

ყველაზე ლამაზი და არაორდინალური სასტუმროები საქართველოში, რომლებიც ნაკლებად ცნობილია, თუმცა ვიზიტორებს დაუვიწყარ შთაბეჭდილებებს უტოვებს.

ყველაზე ლამაზი და არაორდინალური სასტუმროები საქართველოში:

სასტუმრო ,,დუენდე’’ ლაგოდეხში

ტყიანი ეზო, ნომრები ტყეში და მდინარე ნინოს პირას მდგარი კოტეჯი დაუვიწყარ შეგრძნებებს დაგიტოვებთ.

კარავი სასტუმრო ამბროლაურში

რაჭაში, ამბროლაურის რაიონში, ტყეში ჩაფლული…

ჰეშკილის ქოხები

ზღვის დონიდან 1900 მეტრზე, სამეგრელო-ზემო სვანეთის სოფელ ჰეშკილში რამდენიმე ქოხია, რომელთაგანაც ერთ-ერთი პირდაპირ ხეზეა განთავსებული, ზუსტად ისე როგორც ზღაპრებში. ყველაზე მოთხოვნადი სწორედ ეს ნომერია.

მეხუთე სეზონი

სასტუმრო ჯუთაში, ზღვის დონიდან 2360 მეტრზე მდებარეობს. მისი შემქმნელი გელა არაბულია, რომელმაც სასტუმროს სახელი მეგობრის, ალუდა ქეთელაურის ხსოვნის საპატივცემულოდ დაარქვა.