ნიკოლოზ ხომასურიძე ქართული იარაღის მუზეუმში
„ფოლკლორის საერთაშორისო ფესტივალი – საქართველო“ 20 – 23 სექტემბერს გაიმართება
საქართველო ტრადიციული მუსიკის შეხვედრის ადგილი – ამ სლოგანით ფოლკლორის საერთაშორისო ფესტივალი წელს მეხუთედ იმართება. „ფოლკლორის საერთაშორისო ფესტივალი – საქართველო“ 20 – 23 სექტემბერს გაიმართება. ინფორმაციას ანზორ ერქომაიშვილის სახელობის ფოლკლორის სახელმწიფო ცენტრი ავრცელებს.
,,ფოლკლორის საერთაშორისო ფესტივალი – საქართველო“ 20-23 სექტემბერს ამბროლაურში, სოფელ ქორენიშსა (ლეჩხუმი) და თბილისში ჩატარდება.
ანზორ ერქომაიშვილის სახელობის ფოლკლორის სახელმწიფო ცენტრის ორგანიზებით და კულტურისა და სპორტის სამინისტროს მხარდაჭერით, საქართველო ევროპისა და ამერიკის ქვეყნების წარმომადგენლებს უმასპინძლებს. ფესტივალი მოიცავს, როგორც საკონცერტო, სამეცნიერო და კულტურულ-შემეცნებით პროგრამას, ასევე ქართული ხალხური სიმღერისა და ლეჩხუმური სამზარეულოს მასტერკლასებს.
ფესტივალში მონაწილეობას მიიღებს 8 ქვეყნის: საქართველოს, აშშ-ის, კანადის, გერმანიის, საფრანგეთის, უელსის, ლატვიისა და შოტლანდიის ფოლკლორული ჯგუფები და ინდივიდუალური შემსრულებლები.
ფესტივალში მონაწილე ქართული ანსამბლები (ძირიანი, ლალხორ, მთიები, სათანაო, ნანინა) გამოირჩევიან მუსიკალური მონაცემებით, რეპერტუარის მრავალფეროვნებითა და სირთულით.
ტრადიციული მუსიკის უცხოელი შემსრულებლები წარმოადგენენ იმ ქვეყნებს, რომლებიც გამოირჩევიან მდიდარი ხალხური ტრადიციებითა და კულტურით; ფესტივალზე სტუმრები შეასრულებენ ქართულ ხალხურ სიმღერებსა და თავიანთი ტრადიციული მუსიკის ნიმუშებს. მასპინძლები და სტუმრები ერთობლივი კონცერტით მსმენელის წინაშე რუსთაველის ეროვნულ თეატრში წარსდგებიან.
უცხოელი შესრულებლები:
1. კიტკა (აშშ)
2. ორი შალვა (კანადა-საქართველო)
3. მრავალო (გერმანია)
4. ალილო (საფრანგეთი)
5. სამაია (უელსი)
6. საუსეიას (ლატვია)
7. მარჯერი ბრეი (შოტლანდია)
8. ფრანსუაზ დემირი (საფრანგეთი)
„ყველაზე მეტი შემთხვევა ბავშვებში ფიქსირდება“ – ექიმები მოსახლეობას რეკომენდაციების დაცვისა და ვაქცინაციისკენ მოუწოდებენ
„გრიპის ვირუსის შემთხვევები გახშირდა. მომატებულია მიმართვიანობა კლინიკებშიც, ყველაზე მეტი შემთხვევა ბავშვებში ფიქსირდება. ექიმები მოსახლეობას რეკომენდაციების დაცვისა და ვაქცინაციისკენ მოუწოდებენ.
ექიმების ინფორმაციით, ძირითადად H1N1 და H1N3 ვირუსები ცირკულირებს, რომლის სიმპტომებია მაღალი ტემპერატურა, თავის და სახსრების ტკივილი და გამოხატული სისუსტე.
იაშვილის კლინიკის პედიატრიული განყოფილების ხელმძღვანელის, სოფიო ცერცვაძის განცხადებით, პაციენტები, ძირითადად, 5 წლამდე ასაკის ბავშვები არიან.
„ვირუსის დაწყებიდან, დაახლოებით, 7 დღის განმავლობაში შეიძლება მიმდინარეობდეს აქტიური სიმპტომატიკა. უმჯობესია, მცირეწლოვნები იყვნენ პედიატრის მეთვალყურეობის ქვეშ,” – აცხადებს სოფიო ცერცვაძე
„ძირითადი ჩივილები არის არის მაღალი ცხელება, ხველა, ცხვირიდან გამონადენი და შეუპოვარი ცხელება, რომელიც ზოგიერთი ვირუსის შემთხვევაში, გრძელდება 6-7 დღე. მთელი ავადობის 25%, ამ ეტაპზე უჭირავს H1N1 ტიპის გრიპს, A ტიპის ვირუსს. ამჟამად გვიწევს 6 დადასტურებული A ტიპის გრიპი, 8 პნევმონია. როდესაც ბავშვს აქვს გამოხატული ცხელება და სხვა სიმპტომები, არ გავიდეს სკოლაში, ბაღში, საზოგადოების თავშეყრის ადგილებში.
უნდა მიიღონ დიდი რაოდენობით სითხეები, სიცხის დამწევი საშუალებები მხოლოდ ექიმის რეკომენდაციით,” – აცხადებს ციციშვილის ბავშვთა ახალი კლინიკის სამედიცინო დირექტორი მაია ჩხაიძე.
„ვირუსის სიმპტომები, ხველა ან ტემპერატურა თუ გვაქვს, თავი უნდა შევიკავოთ სხვა ადამიანებთან კონტაქტისგან“, – ამის შესახებ ინფექციონისტმა ალექსანდრე გოგინავამ „ქრონიკას“ განუცხადა.
მისი თქმით, ვირუსის გავრცელების პრევენციისთვის საჭიროა ჰიგიენური ნორმების დაცვა, დახურული სივრცეების ხშირი განიავება.
„თუ ტემპერატურა ხუთ დღეზე მეტ ხანს ხანგრძლივდება, ან გამოხატულია ცნობიერების დაბინდვა, ძლიერი სისუსტე, ან სუნთქვის გაძნელება, ეს არის ნიშნები, რომ შეიძლება გართულებულ შემთხვევასთან გვქონდეს საქმე. ასეთ დროს აუცილებელია ნებისმიერი ასაკისა და იმუნური სტატუსის ადამიანმა დროულად მიმართოს სამედიცინო დაწესებულებას. პრევენციას რაც შეეხება, უნდა მოხდეს ჰიგიენური ნორმების დაცვა, დახურული სივრცეების ხშირი განიავება. თუ ვირუსის სიმპტომები, ხველა ან ტემპერატურა გვაქვს, თავი შევიკავოთ სხვა ადამიანებთან კონტაქტისგან“, – აღნიშნა ალექსანდრე გოგინავამ.
ქვეყანაში რესპირატორული ვირუსების შემთხვევები იზრდება. მომატებულია მიმართვიანობა კლინიკებშიც. ექიმების ინფორმაციით, ძირითადად H1N1 და H1N3 ვირუსები ცირკულირებს, რომლის სიმპტომებია მაღალი ტემპერატურა, თავის და სახსრების ტკივილი და გამოხატული სისუსტე.
#datashvil #drpkhakadze #sheniganatleba #sheniambebi #sheniekimi
„ციმციმას“ უცნობი ისტორია – სუხიშვილების სოლისტი, რომლის ვიდეოსაც მილიონობით ნახვა აქვს
სრულიად ქართული მედია საუბრობს იური, იგივე „ციმციმა“ ცინცაძის ცეკვის ამსახველ უნიკალურ კადრებზე, რომელიც სოციალური ქსელებით რამდენიმე დღის წინ გავრცელდა. შეუძლებელია „ციმციმას“ აჭარული ნახო და გულგრილი დარჩე.
მილიონობით ნახვა აქვს „იუთუბზე“ და ბევრმა სუხიშვილების სოლისტის, იური ცინცაძის შესახებ არაფერი იცოდა, რომ არა ის შავ-თეთრი ფირი, რომლის წყალობითაც „ციმციმა“ სრულიად საქართველომ თავიდან გაიცნო.
ქართული გენის ღირსეული მატარებელი – ბიჭი, რომელმაც იცეკვა ისე, რომ ნახევარი საუკუნის შემდეგ სრულიად საქართველომ თავიდან დაუკრა ტაში.
იყალთოს მონასტერი — ქართული ხუროთმოძღვრების ულამაზესი ძეგლი
იყალთოს მონასტერი — ქართული ხუროთმოძღვრების ძეგლი, მდებარეობს თელავის მუნიციპალიტეტში.
მონასტერი VI საუკუნეში დააარსა ერთ-ერთმა ასურელმა მამათაგანმა ზენონმა, რომლის წმინდა ნაწილებიც ამავე მონასტერში განისვენებს.
სამონასტრო კომპლექსის ტერიტორიაზე შემოჩერნილია 3 ეკლესია და სხვადასხვა დანიშნულების ნაგებობათა, აკადემიისა და სატრაპეზოს ნანგრევები.
იყალთოს აკადემია XI-XII საუკუნეებში საქართველოში უმაღლესი სასწავლებელი იყო. ამას ადასტურებს მონასტრის ეზოში შემორჩენილი შენობის ნანგრევები, რომლებიც საერო დანიშნულების ნაგებობას უფრო ჰგავს, ვიდრე სამონასტროსი. ნანგრევებში ჩანს კათედრის ფუძე, დამახასიათებელი თახჩა-ფანჯრები. შენობა მონუმენტური უნდა ყოფილიყო, გელათის აკადემიის შენობის მსგავსი, იმ განსხვავებით, რომ იყალთოს აკადემიის შენობა ორსართულიანია.
9 თვეში საქართველოს თითქმის 6 მილიონი საერთაშორისო მოგზაური ეწვია
საქართველოს ტურიზმის ეროვნული ადმინისტრაცია 2024 წლია I-III კვარტლის სტატისტიკურ მონაცემებს აქვეყნებს. იანვარი-სექტემბრის პერიოდში საქართველოში 5,794,661 საერთაშორისო მოგზაურის ვიზიტი შედგა, ზრდა 2023 წლის ანალოგიურ პერიოდთან შედარებით +4.1%-ია.
2024 წლის 9 თვეში საქართველოში 3,992,842 საერთაშორისო ტურისტული ვიზიტი შედგა, გასული წლის ანალოგიურ პერიოდთან შედარებით ზრდა +9.2%-ია.
საერთაშორისო მოგზაურთა და ტურისტთა ზრდა ფიქსირდება 2024 წლის მესამე კვარტალშიც.
ივლისი-სექტემბრის პერიოდში, საქართველოში 2,773,594 საერთაშორისო მოგზაურის ვიზიტი შედგა, 2023 წლის ანალოგიურ პერიოდთან შედარებით ზრდა +2.5%-ია.
ივლისი-სექტემბრის პერიოდში ქვეყანაში 1,869,026 საერთაშორისო ტურისტული ვიზიტი შედგა, ზრდა +8.3%-ით მეტია გასული წლის ანალოგიურ პერიოდთან შედარებით.
საქართველოს ტურიზმის ეროვნულმა ადმინისტრაციამ და კერძო კომპანიებმა შანხაიში, საერთაშორისო ტურისტულ გამოფენაში – ITB China 2024 მიიღეს მონაწილეობა
ჩინეთში, შანხაიში საერთაშორისო ტურისტულ გამოფენაზე – ITB China 2024 საქართველოს ტურიზმის ეროვნულ ადმინისტრაციასთან ერთად 10-მდე კერძო კომპანია იყო წარმოდგენილი. ინფორმაციას ტურიზმის ეროვნული ადმინისტრაცია ავრცელებს.
ერთ-ერთ ყველაზე მასშტაბურ საერთაშორისო ტურისტულ გამოფენაზე საქართველოს სტენდთან დამთვალიერებლებს საშუალება ჰქონდათ, გასცნობოდნენ საქართველოს ტურისტულ პროდუქტებსა და საიმიჯო ვიდეორგოლებს.
გამოფენის ფარგლებში საქართველოს ტურიზმის სექტორის წარმომადგენლებმა შეხვედრები გამართეს პოტენციურ პარტნიორებთან. ტურიზმის ინდუსტრიის წარმომადგენლებმა აღნიშნეს, რომ საქართველოსა და ჩინეთს შორის უვიზო მიმოსვლის დაწყება მნიშვნელოვნად გაამარტივებს ჩინეთიდან ტურისტული ნაკადების მოზიდვას.
„პირველად ვმონაწილეობთ ამ გამოფენაში და ჩვენთვის ძალიან მნიშვნელოვანია ITB China 2024-ზე წარდგენა, რადგან ბოლო პერიოდში, ჩვენს სასტუმროში, აქტიურად შეინიშნება ჩინეთიდან ტურისტული ნაკადები. ამას ხელს უწყობს უვიზო რეჟიმის გააქტიურება და ველოდებით უფრო მეტ ტურისტს ჩინეთიდან, რაც ქვეყანას ძალიან წაადგება“, – ამბობს სასტუმრო “პულმანის” წარმომადგენელი ანა ჩოხელი.
„ძალიან მნიშვნელოვანია საერთაშორისო ტურისტულ გამოფენებში მონაწილეობა, გამოვარჩევდი ITB Belin-სა და ITB China-ს გამოფენებს. უკვე დაიწყო უვიზო მიმოსვლა და პირდაპირი ფრენები სრულდება ურუმჩიდან თბილისკენ და როგორც ვიცი იგეგმება სიხშირეების ზრდა. რაც ძალიან მნიშვნელოვანია ჩვენი ტურისტული ბაზრისთვის. ჩინეთის მოსახლეობა მილიარდ ნახევარია და დიდი ტურისტული ბაზარია, ვცდილობთ მეტი კონტაქტი გვქონდეს და მეტი ურთიერთობა დავამყაროთ“,-აცხადებს კომპანია “ვიესის” დამფუძნებელი გერმანე ჭელიძე.
„დიდი მადლობა ტურიზმის ეროვნულ ადმინისტრაციას ამ შესაძლებლობისთვის, საქართველოსა და ჩინეთს შორის ურთიერთობები ძალიან მნიშვნელოვანია, მეტი ტურისტია საჭირო საქართველოში და ამ ქვეყანას ძალიან დიდი რესურსი აქვს. უვიზო რეჟიმი უმნიშვნელოვანესია და ჩვენ ტურიზმის ეროვნულ ადმინისტრაციასთან ერთად შევეცდებით ეს ურთიერთობები გავაღრმაოთ“, – განაცხადა “ჯორჯიან ჰოლიდეის” წარმომადგენელმა ლალი გიგაურმა.
„ჩინური ბაზარი ძალიან საინტერესოა და პოტენციურად მზარდია საქართველოსთვის. ეს გამოფენა ერთ-ერთი უმნიშვნელოვანესია, სადაც შეიძლება საქართველოს წარდგენა, სერვისებისა და პროდუქტების რეკლამირება, რასაც საქართველო სთავაზობს სტუმრებს. უვიზო მიმოსვლა კარგი შესაძლებლობაა, ჩინელმა ტურისტებმა იმოგზაურონ საქართველოში. იმედი მაქვს, ეს გამოფენა წარმატებული იქნება და ჩვენ დიდ ტურისტულ ნაკადებს მივიღებთ საქართველოში“,- ამბობს “კავკასუს თრეველის” წარმომადგენელი გვანცა რაზმაძე.
„პირველად ვიღებთ მონაწილეობას ITB China 2024-ზე. პანდემიამდე აქტიურად ვთანამშრომლობდით ჩინეთის ბაზართან და გვსურს განახლდეს ეს ურთიერთობები და დაუბრუნდეს იმ ნიშნულს. საინტერესო შეხვედრები გვქონდა, იმედი გვაქვს ნელ-ნელა კიდევ უფრო გააქტიურდება თანამშრომლობა. ხელს გვიწყობს ის ფაქტი, რომ პირდაპირი ფრენები გვაქვს, ამოქმედდა უვიზო მიმოსვლა. იმედი გვაქვს წარმატებული გამოფენა გამოდგება“, – აცხადებს სასტუმრო “ბილტმორის” წარმომადგენელი ქეთევან რეხვიაშვილი.
„ჩინეთთან უვიზო მიმოსვლა ძალიან მნიშვნელოვანია, ეს გამოფენა ხელს შეუწყობს საქართველოს პოპულარიზაციას. მნიშვნელოვანია, რომ გაიზარდა ფრენების სიხშირე საქართველოსა და ჩინეთს შორის. ვფიქრობ, ეს პლატფორმა დაგვეხმარება ტურისტების მოზიდვაში“, – განაცხადა “ჯორჯიან დესთინეიშენ” მენეჯმენტის წარმომადგენელმა ნინო ჭილაძემ.
„უვიზო მიმოსვლა მოტივაციას აძლევს ჩინელ ტურისტებს საქართველოს ეწვიონ, ბევრ ქვეყანაში სჭირდებათ ვიზა და ჩვენს შემთხვევაში ეს დიდი პლუსია. ასევე პირდაპირი ფრენები ურუმჩიდან, რომელიც ყოველდღე სრულდება ძალიან მნიშვნელოვანია, ეს ნიშნავს, რომ ჩინეთის ყველაზე შორი წერტილიდან საქართველო ტურისტი 8-9 საათშია, ესეც კარგი პირობაა საქართველოში მოვიზიდოთ ტურისტები ჩინეთიდან“, – განაცხადა “ჯორჯიან ბასის” წარმომადგენელმა შალვა ხუციშვილმა.
შანხაის სამ დღიან ტურისტულ გამოფენაზე 80-ზე მეტი ქვეყნიდან 1600-ზე მეტი ორგანიზაცია და კომპანია იყო წარმოდგენილი.
აშშ-ში TEXSOM-ის ღვინის საერთაშორისო კონკურსში ქართულმა ღვინოებმა უმაღლესი ჯილდოები მოიპოვეს
აშშ-ში TEXSOM-ის ღვინის საერთაშორისო კონკურსში ქართულმა ღვინოებმა უმაღლესი ჯილდოები მოიპოვეს.
TEXSOM-ის კონკურსზე წარდგენილი იყო 50 ქართული კომპანიის სხვადასხვა სახეობის ქართული ღვინოები, რომლებიც უკვე იყიდება აშშ-ის ბაზარზე.
გამარჯვებული 25 ღვინიდან ერთმა ღვინომ მოიპოვა პლატინის, ხუთმა ოქროს, ათმა ვერცხლის და ცხრამ ბრინჯაოს მედალი.
გამარჯვებული ღვინოები იხილეთ ბმულზე: https://texsom.com/results/…
ქართული ღვინის წარმატება მსგავს საერთაშორისო პრესტიჟულ კონკურსში მიანიშნებს მის მაღალ ხარისხზე და, ამავე დროს, ხელს უწყობს მსოფლიო მასშტაბით პოპულარიზაციას და გაყიდვების ზრდას.
დატკბეთ ნოსტეს ჩანჩქერისა და მისი შემოგარენის საოცარი ბუნებით…
ნოსტე — სოფელი აღმოსავლეთ საქართველოში, შიდა ქართლის მხარის კასპის მუნიციპალიტეტში, ახალციხის თემში. მდებარეობს თრიალეთის ქედის ჩრდილოეთ კალთაზე. ზღვის დონიდან 920 მეტრზე. სოფლის მახლობლად ძველი ნასახლარია — გიორგი სააკაძის ყოფილი ციხე-დარბაზი, სოფლის სამხრეთ-დასავლეთით ორი ეკლესიაა სამება და ღვთისმშობელი.
ჩანჩქერი სიმწვანეშია ჩაფლული. სოფელ ნოსტეში ასევე შეგიძლიათ მოინახულოთ გიორგი სააკაძის კოშკი, სააკაძეების ნასახლარი და წმ. გიორგისა და სამების ეკლესიები.
დატკბეთ ნოსტეს ჩანჩქერისა და მისი შემოგარენის საოცარი ბუნებით…