ოთხშაბათი, იანვარი 21, 2026
- Advertisement -spot_img
მთავარი წაკითხვა გვერდი 63

თუშეთის ეროვნული პარკი – სასტუმროები და ღამის გასათევი ადგილები

მიერ
SheniDasvemeba.ge
-
0

თუშეთის ეროვნული პარკი

ალაზნისთავის ტურისტული თავშესაფარი

მისამართი: ალაზნისთავი
საკონტაქტოპირი: გიორგი ბაკურიძე, სოფო რაინაული;
ტელეფონი: +995 577 10 18 92, +995 577 10 18 91;

ფასიკვებისგარეშე: ღამისთევა 1 ადამიანი – 10 ლარი; მოსწავლეებისა და სტუდენტებისთვის – 7 ლარი;

ტურისტულ თავშესაფარში  ჯამში  12 ადამიანის განთავსებაა შესაძლებელი. მიმდებარე ტერიტორიაზე შეგიძლიათ ისარგებლოთ სპეციალურად მოწყობილი საპიკნიკე ადგილით და დაანთოთ  კოცონი. თან იქონიოთ საკვები, პარალონი და საძილე ტომარა.

თუშეთს ეროვნული პარკის ვიზიტორთა ცენტრი

მისამართი: სოფელი ქვემო ომალო, თუშეთი
საკონტაქტო პირი: მაყვალა მელაიძე
ტელეფონი: +995 599 10 45 90

ფასი კვების გარეშე: 30 ლარი

სასტუმრო სახლში ვიზიტორებს ეთმობა 7 საძინებელი ოთახი, სადაც ჯამში 15 ადამიანის განთავსებაა შესაძლებელი. სველი წერტილები კეთილმოწყობილია.

საოჯახო სასტუმრო ,,ლამატა”

საოჯახო სასტუმრო „ლამატა“
მისამართი: სოფელი ვერხოვანი
საკონტაქტო პირი:  ანზორ კირიტიული
ტელეფონი: +995 599 70 03 78; +995 599 70 03 78
ფასი საუზმით: 30 ლარი

სასტუმრო სახლში ვიზიტორებს ეთმობა 5 საძინებელი ოთახი, სადაც ჯამში 9 ადამიანის განთავსება არის შესაძლებელი. სველი წერტილი კეთილმოწყობილია.

საოჯახო სასტუმრო ,,სარგირი”

საოჯახო სასტუმროების ქსელი „სარგირი“
მისამართი: სოფელი ალისგორი
საკონტაქტო პირი:  ფატი მიშიძე; ვაჟა კარდლიძე.
ტელეფონი: +995 555 30 02 21; +995 555 30 02 21;
+995 599 77 55 43; +995 599 77 55 43
ფასი საუზმით: 30 ლარი

სასტუმრო სახლში ვიზიტორებს ეთმობა 4 საძინებელი ოთახი, სადაც ჯამში 8 ადამიანის განთავსება არის შესაძლებელი. სველი წერტილი კეთილმოწყობილია

საოჯახო სასტუმრო ,,კრიოსკარი”

საოჯახო სასტუმრო „კრუისკარი“
მისამართი: სოფელი დოჭუ
საკონტაქტო პირი:  უსუფი თორღვაიძე
ტელეფონი: +995 599 28 56 47; +995 599 28 56 47
ფასი საუზმით: 30 ლარი

სასტუმრო სახლში ვიზიტორებს ეთმობა 8 საძინებელი ოთახი, სადაც ჯამში 21 ადამიანის განთავსება არის შესაძლებელი. სველი წერტილი კეთილმოწყობილია.

საოჯახო სასტუმრო ,,სოსო ბაკურიძე”

სოსო ბაკურიძის საოჯახო სასტუმრო
მისამართი: სოფელი ჩიღო
საკონტაქტო პირი:  სოსო ბაკურიძე
ტელეფონი: +995 599 10 02 19; +995 599 10 02 19;
+995 551 14 24 43; +995 551 14 24 43
ფასი საუზმით: 30 ლარი

სასტუმრო სახლში ვიზიტორებს ეთმობა 3 საძინებელი ოთახი, სადაც ჯამში 8 ადამიანის განთავსება არის შესაძლებელი. სველი წერტილი კეთილმოწყობილია

საოჯახო სასტუმრო ,,დიკლო”

საოჯახო სასტუმრო „დიკლო“
მისამართი: სოფელი დიკლო
საკონტაქტო პირი:  გულნაზი ხელაიძე
ტელეფონი: +995 599 77 53 72; +995 599 77 53 72
ფასი საუზმით: 30 ლარი

სასტუმრო სახლში ვიზიტორებს ეთმობა 2  საძინებელი ოთახი, სადაც ჯამში 8 ადამიანის განთავსება არის შესაძლებელი. სველი წერტილი კეთილმოწყობილია

საოჯახო სასტუმრო ,,ძველი თუშეთი”

საოჯახო სასტუმრო „ძველი თუშეთი“
მისამართი: სოფელი შენაქო
საკონტაქტო პირი:  ელდარ ბუქვაიძე
ტელეფონი: +995 558 27 20 06  +995 558 27 20 06
ფასი საუზმით: 30 ლარი

სასტუმრო სახლში ვიზიტორებს ეთმობა 5 საძინებელი ოთახი, სადაც ჯამში 13 ადამიანის განთავსება არის შესაძლებელი. სველი წერტილი კეთილმოწყობილია.

საოჯახო სასტუმრო ,,შენაქო”

საოჯახო სასტუმრო „შენაქო“
მისამართი: სოფელი შენაქო
საკონტაქტო პირი:  ელენე გაგოიძე
ტელეფონი: +995 599 48 18 12;  +995 599 48 18 12; +995 558 63 97 22; +995 558 63 97 22
ფასი საუზმით: 30 ლარი

სასტუმრო სახლში ვიზიტორებს ეთმობა 4 საძინებელი ოთახი, სადაც ჯამში 10 ადამიანის განთავსება არის შესაძლებელი. სველი წერტილი კეთილმოწყობილია.

საოჯახო სასტუმრო ,,ლოელი”

საოჯახო სასტუმრო „ლოელი“
მისამართი: სოფელი შტროლთა
საკონტაქტო პირი:  ლამზირა გოთაიძე
ტელეფონი: +995 599 21 81 39; +995 599 21 81 39
ფასი საუზმით: 30 ლარი

სასტუმრო სახლში ვიზიტორებს ეთმობა 4 საძინებელი ოთახი, სადაც ჯამში 14 ადამიანის განთავსება არის შესაძლებელი. სველი წერტილი კეთილმოწყობილია

საოჯახო სასტუმრო ,,კეხი”

საოჯახო სასტუმრო „კეხი“
მისამართი: სოფელი ხახაბო
საკონტაქტო პირი:  გიორგი ბაკურიძე
ტელეფონი: +995 557 14 39 07; +995 557 14 39 07;
+995 598 10 43 62; +995 598 10 43 62
ფასი საუზმით: 30 ლარი

სასტუმრო სახლში ვიზიტორებს ეთმობა 4 საძინებელი ოთახი, სადაც ჯამში 8 ადამიანის განთავსება არის შესაძლებელი. სველი წერტილი კეთილმოწყობილია.

საოჯახო სასტუმრო „გირევი“.

საოჯახო სასტუმრო „გირევი“
მისამართი: სოფელი გირევი
საკონტაქტო პირი:  ადამო მოზაიძე
ტელეფონი: +995 591 70 38 32; +995 591 70 38 32
ფასი საუზმით: 30 ლარი

სასტუმრო სახლში ვიზიტორებს ეთმობა 4 საძინებელი ოთახი, სადაც ჯამში 20 ადამიანის განთავსება არის შესაძლებელი. სველი წერტილი კეთილმოწყობილია.

საოჯახო სასტუმრო “კომიტო”

საოჯახო სასტუმრო “კომიტო”
მისამართი: სოფელი ჩეშო
საკონტაქტო პირი: ეკატერინე აბალოიდზე
ტელეფონი:  +995 591 25 74 02; +995 591 25 74 02
ფასი საუზმით: 30 ლარი.

სასტუმრო სახლში ვიზიტორებს ეთმობა 4 საძინებელი ოთახი, სადაც ჯამში 16 ადამიანის განთავსება არის შესაძლებელი. კეთილმოწყობილი სველი წერტილით.

საოჯახო სასტუმრო ,,ჯიქი”

საოჯახო სასტუმრო „ჯიქი“
მისამართი: სოფელი ჭეშო
საკონტაქტო პირი:  ელდინო ჯანგულაშვილი
ტელეფონი: +995 599 58 58 39; +995 599 58 58 39
ფასი საუზმით: 30 ლარი

სასტუმრო სახლში ვიზიტორებს ეთმობა 10 საძინებელი ოთახი, სადაც ჯამში 22 ადამიანის განთავსება არის შესაძლებელი. სველი წერტილი კეთილმოწყობილია

საოჯახო სასტუმრო “კვავლო”

საოჯახო სასტუმრო “კვავლო”
მისამართი: სოფელი კვავლო
საკონტაქტო პირი: ბესიკ გოცირიძე
ტელეფონი: +995 591 01 26 90; +995 591 01 26 90;
+995 599 68 76 90+995 599 68 76 90
ფასი საუზმით: 30 ლარი.

სტუმრო სახლში ვიზიტორებს ეთმობა 5 საძინებელი ოთახი, სადაც ჯამში 20 ადამიანის განთავსება არის შესაძლებელი. სველი წერტილი კეთილმოწყობილია.

წყარო:

#datashvil  #drpkhakadze #sheniambebi #shenidasveneba

კასპის მუნიციპალიტეტი გამოირჩევა კულტურული ძეგლების სიმრავლითა და ბუნების სილამაზით

მიერ
SheniDasvemeba.ge
-
0

კასპის მუნიციპალიტეტი — ადმინისტრაციული რაიონი შიდა ქართლის მხარეში.

ჩრდილოეთით მას აკრავს კავკასიონის სამხრეთი განშტოებანი, სამხრეთით — თრიალეთის ქედი. მუნიციპალიტეტის ტერიტორიაზე მიედინება მდინარეები მტკვარი, ქსანი, ლეხურა, კავთურა, თეძამი.

კასპის მუნიციპალიტეტი მდებარეობს  საქართველოს აღმოსავლეთ ნაწილში, შიდა ქართლში მდინარე მტკვრის ორივე მხარეს,  ზღვის დონიდან  560 მეტრზე და მოიცავს ლეხურის, თეძამის, კავთურის და ნაწილობრივ ქსნის ხეობებს.

მუნიციპალიტეტის მნიშვნელოვანი ნაწილი მდებარეობს შიდა ქართლის ვაკეზე. ჩრდლოეთით აკრავს კავკასიონის მთავარი ქედის სამხრეთ განშტოებანი, სამხრეთით – თრიალეთის ქედი. უმაღლესი მწვერვალია ობოლო კლდე (2080 მეტრი ზღვის დონიდან).

კასპის მუნიციპალიტეტი გამოირჩევა კულტურული ძეგლების სიმრავლითა და ბუნების სილამაზით.

კასპში ულამაზეს ბუნებასთან ერთად ბევრი მნიშვნელოვანი ისტორიულ-კულტურული ძეგლიც გვხვდება. აღსანიშნავია უნიკალური ჩუქურთმებით შემკული, ჰარმონიული პროპორციებით გამორჩეული სამთავისის ტაძარი, ქართული ხუროთმოძღვრების საეტაპო და მნიშვნელოვანი ძეგლი – ქვათახევის მონასტერი, რკონის სამონასტრო კომპლექსი, მეტეხი, არქეოლოგიური ძეგლი – გრაკლიანი გორა.

ქალაქ კასპში ფუნქციონირებს კასპის მხარეთმცოდნეობის მუზეუმი. მუზეუმში 20 000-ზე მეტი ექსპონატია დაცული, რომლებიც ბრინჯაოს ხანიდან შუასაუკუნეებამდე პერიოდებს მოცავს. რაიონში არის ჰავითა და სამკურნალო წყლებით გამორჩეული კურორტები (ხოვლე, გარიყულა, გოსტიბე), სადაც სასიამოვნო გარემოში დასვენებას შეძლებთ.

ასევე ნახავთ ცხავერისა და ნოსტეს ჩანჩქერს.

მუნიციპალიტეტში ზომიერად ნოტიო სუპტროპიკული ჰავაა, ზაფხული  გვალვიანია, გაბატონებულია დასავლეთის და აღმოსავლეთის ქარები. საშუალო წლიური ტემპერატურა დაახლოებით 11.40,C0,  შესაძლებელი მაქსიმუმია 38 C0, ხოლო შესაძლებელი მინიმუმი 5 C0.  კასპის მუნიციპალიტეტს აღმოსავლეთიდან ესაზღვრება მცხეთის, დასავლეთით გორის, სამხრეთით თეთრიწყაროს და წალკის, ჩრდილო-აღმოსავლეთით – დუშეთის   და ახალგორის მუნიციპალიტეტები.

1917 წლამდე, კასპი ტფილისის გუბერნიის გორის მაზრაში შედიოდა, 1930 წლიდან ცალკე ადმინისტრაციულ-ტერიტორიული ერთეულია. 1959 წლის ივნისიდან კასპი რაიონული დაქვემდებარების ქალაქია. მუნიციპალიტეტის ფართობი  შეადგენს 803,2 კვ.კმ. მუნიციპალიტეტში  17 ადმინისტრაციული ორგანოა, რომელშიც ერთი ქალაქი,  71 სოფელი და 60 ნასოფლარი შედის. ადმინისტრაციული ცენტრია ქალაქი კასპი, იგი ძირითადად გორაკ-ბორცვებზეა გაშენებული. თბილისიდან დაცილებულია 56, ხოლო გორიდან 40 კოლომეტრით. მუნიციპალიტეტს, აღმოსავლეთიდან დასავლეთით კვეთს რესპუბლიკის მთავარი საავტომობილო (ავტობანი) და სარკინიგზო მაგისტრალი, რკინიგზის 4 სადგურით.

მოსახლეობის რაოდენობა შეადგენს 51 829, მათ შორის ქალაქად 15 896, ხოლო სოფლად 35 933 კაცს.

არქეოლოგიური მასალა, უძველესი ნამოსახლარები და ნასახლარები, მატერილური კულტურის ძეგლები მოწმობენ, რომ კასპის ტერიტორიაზე ადამიანები უძველესი დროიდან, ქვის ხანიდან ცხოვრობდნენ. გეოგრაფიულ-სტრატეგიული მდებარეობის გამო იგი, ადრევე დაწინაურდა და  ციხე-ქალაქად ითვლებოდა, მას დიდი სამხედრო-სტრატეგიული და კულტურული მნიშვნელობა ჰქონდა,  როგორც ციხე-ქალაქი  საკუთარი სპასალარი ჰყოლია და  წარმოადგენდა გარკვეულ სამხედრო-ადმინისტრაციულ ერთეულს. მეხუთე საუკუნეში ვახტანგ გორგასლის მეფობის პერიოდში  მნიშვნელოვანი როლი  ენიჭებოდა.

#datashvil #drpkhakadze #sheniambebi #shenidasveneba

თბილისში სატრანსპორტო საშუალებების ხმაურის დონის დადგენის მიზნით საპილოტე პროექტი ხორციელდება

მიერ
SheniDasvemeba.ge
-
0
საპილოტე პროექტი

თბილისის მერიის მუნიციპალური სერვისების განვითარების სააგენტო, შინაგან საქმეთა სამინისტროსთან ერთად, ახორციელებს საპილოტე პროექტს, რომლის მიზანი კონკრეტულ ლოკაციებზე დამონტაჟებული დეტექტორების მეშვეობით, სატრანსპორტო საშუალებების ხმაურის დონის დადგენაა.

ამის შესახებ დედაქალაქის მერმა კახა კალაძემ მუნიციპალიტეტის მთავრობის სხდომაზე განაცხადა.

როგორც მან აღნიშნა, საპილოტე პროექტის განხორციელებით, შესაძლებელი იქნება ხმაურის დონის რეგულაციის დამრღვევი სატრანსპორტო საშუალებების გამოვლენა და მათი მფლობელებისთვის შესაბამისი ჯარიმის დაკისრება.

„აღნიშნული დეტექტორები უკვე დამონტაჟებულია ალექსანდრე ყაზბეგის გამზირზე, წინასწარ განსაზღვრულ ოთხ სხვადასხვა ლოკაციაზე. ამ დროისთვის მიმდინარეობს საპილოტე პროექტის ტესტირება. ტესტირების წარმატებით დასრულების შემდგომ, შესაძლებელი იქნება ხმაურის დონის რეგულაციის დამრღვევი სატრანსპორტო საშუალებების გამოვლენა და მათი მფლობელებისთვის შესაბამისი ჯარიმის დაკისრებაც. ზოგადად, ამ მიმართულებით გვაქვს პრობლემები. ძალიან წუხს მოსახლეობა სხვადასხვა უბანში, ქუჩაზე, სადაც განსაკუთრებით ღამის საათებში, გადაადგილდებიან ისეთი ავტომობილები, რომლებიც ხელს უშლიან თბილისის მცხოვრებლებს დასვენებასა და განტვირთვაში. საპილოტე პროექტის შედეგების საფუძველზე, ქალაქში განხორციელდება მასშტაბური პროექტი, რაც აღნიშნულ პრობლემას არსებითად გადაწყვეტს“, – განაცხადა კალაძემ.

#datashvil #drpkhakadze #sheniambebi #shenidasveneba

უმნიშვნელოვანესი არქეოლოგიური აღმოჩენებით ცნობილი ვანის ანტიკური ნაქალაქარი

მიერ
SheniDasvemeba.ge
-
0
“საყდრისის კომიტეტი კულტურული მემკვიდრეობისთვის“ აგრძელებს ახალ შემეცნებით პროექტს – „UNESCO-ს მსოფლიო მემკვიდრეობის საცდელ სიაში შესული ქართული ძეგლები.“
დღესდღეობით, UNESCO-ს საცდელ სიაში საქართველოდან 15 ისტორიული და ბუნებრივი ძეგლია. მათ შორისაა უმნიშვნელოვანესი არქეოლოგიური აღმოჩენებით ცნობილი ვანის ანტიკური ნაქალაქარი.
ვანი — ქალაქი საქართველოში, იმერეთის მხარეში, ვანის მუნიციპალიტეტის ადმინისტრაციული ცენტრი. მთავარი ღირსშესანიშნაობაა ანტიკური ნაქალაქარი, რომელიც 2007 წლის 24 ოქტომბრიდან შეტანილია იუნესკოს მსოფლიო მემკვიდრეობის საცდელ სიაში.
ანტიკურ ხანაში აქ მდებარეობდა ძველი კოლხეთის ერთ-ერთი მნიშვნელოვანი ქალაქი, რომელმაც აყვავებას მიაღწია ძვ. წ. III-I სს-ში. ვანის ნაქალაქარზე მოპოვებული, ჯერჯერობით უძველესი არქეოლოგიური მასალა ძვ. წ. VIII-VI საუკუნეებით თარიღდება და კერამიკული ფრაგმენტებითაა წარმოდგენილი.
აქვე მდებარეობს ვანის არქეოლოგიური მუზეუმ-ნაკრძალი.
ვანის არქეოლოგიურ მუზეუმში ინახება 1985 წლიდან ჩატარებული არქეოლოგიური გათხრების შედეგად მოპოვებული მასალის უმეტესობა. ვანში აღმოჩენილი მდიდრული სამარხების ინვენტარის საფუძველზე 1987 წელს მუზეუმში გაიხსნა ოქროს ფონდი, რომელშიც ინახება ოქრომჭედლობის უნიკალური ნიმუშები ვანის ნაქალაქარიდან. ვანის არქეოლოგიური მუზეუმის სტაციონარული ექსპოზიცია ასახავს ვანის ტერიტორიაზე არსებული კულტურის განვითარების პერიოდს ძვ. წ. VIII ს-დან I ს-ის ჩათვლით (ბრინჯაოს ქანდაკებები, მათი ცალკეული ფრაგმენტები, ოქროს, ვერცხლისა და ბრინჯაოს ნაკეთობანი, ნუმიზმატიკის ნიმუშები და სხვ.).
წყარო:

#datashvil #drpkhakadze #sheniambebi #shenidasveneba

აშშ-ში ქართული ღვინის სარეკლამო კამპანია გრძელდება

მიერ
SheniDasvemeba.ge
-
0
#image_title

ღვინის ეროვნული სააგენტო ამერიკის შეერთებულ შტატებში ქართული ღვინის ცნობადობის ზრდის კამპანიას აქტიურად აგრძელებს. ღვინის ეროვნული სააგენტოს ინფორმაციით, კამპანიის ფარგლებში, პრესტიჟული გამოცემის „The New York Times” ოფიციალურ ვებგვერდზე, რომელსაც კვირის განმავლობაში, საშუალოდ, 100 მლნ მომხმარებელი ჰყავს, ქართული ღვინის სარეკლამო ბანერების სლაიდშოუ განთავსდა.

ამერიკის შეერთებული შტატები წარმოადგენს ქართული ღვინის სტრატეგიულ ბაზარს, სადაც 2013 წლიდან ღვინის ეროვნული სააგენტოს მხარდაჭერით განხორციელებულმა ღონისძიებებმა მნიშვნელოვნად შეუწყო ხელი აშშ-ში ქართული ღვინის ცნობადობის და ექსპორტის ზრდას. მიმდინარე წლის იანვარ-ოქტომბერში, საქართველოდან აშშ-ში ექსპორტირებულია 1 მლნ ლიტრზე მეტი ღვინო, რაც გასული წლის ანალოგიური პერიოდის მაჩვენებელს 58%-ით აღემატება.

აშშ-ში ქართული ღვინის პოპულარიზაციისა და ცნობადობის გაზრდის კამპანიის ფარგლებში, მიმდინარე წლის შემოდგომაზე განხორციელდა ამერიკელი ღვინის პროფესიონალებისა და ჟურნალისტების საქართველოში ვიზიტები; ქალაქ ნიუ-იორკში, ორი კვირის განმავლობაში, 25 სარეკლამო აბრაზე (ლაითბოქსი) განთავსებული იყო ქართული ღვინის სარეკლამო ბანერები; ქალაქ ნიუ-იორკში ქართული ღვინის მასშტაბური წარდგენაც „გრანდ თეისტინგი“ ჩატარდა; გაგრძელდა თანამშრომლობა პრესტიჟულ ამერიკულ ღვინის გამოცემასთან „Wine Enthusiast“ და სხვა მედია საშუალებებთან.

აღსანიშნავია, 2023 წელს ღვინის ეროვნული სააგენტოს ინიციატივით განხორციელებული სარეკლამო კამპანია და თანამშრომლობა ისეთ გავლენიან მედია საშუალებებთან, როგორიც არის CBS და CNN, რამაც 2023 წლის ბოლოს და 2024 წლის განვლილი პერიოდში, აშშ-ში ქართული ღვინის გაყიდვების უპრეცენდენტო ზრდა განაპირობა.

აშშ-ში ქართული ღვინის მარკეტინგულ კამპანიას ღვინის ეროვნულ სააგენტო უმსხვილეს ამერიკულ მარკეტინგულ კომპანიასთან “Colangelo&Partners” თანამშრომლობით ახორციელებს.

„საქართველოს რკინიგზა” მგზავრებს აფრთხილებს

მიერ
SheniDasvemeba.ge
-
0

„საქართველოს რკინიგზა” მგზავრებს აფრთხილებს:

„ძვირფასო მგზავრებო, გაითვალისწინეთ, რომ 1-ლი ივლისიდან არაელექტრონული, ლამინირებული პირადობის მოწმობებით, მატარებლებით მგზავრობას ვეღარ შეძლებთ. გამგზავრების წინ, ელექტრონული პირადობის მოწმობები, ე.წ. ID ბარათები უნდა წარადგინოთ”,- ნათქვამია გავრცელებულ განცხადებაში.

ცნობისთვის, 2024 წლის 1 ივლისიდან უქმდება 2011 წლის 28 ივლისამდე გაცემული არაელექტრონული (ლამინირებული) პირადობის მოწმობები. 15 მარტიდან მიმდინარეობს პირადობის ელექტრონული მოწმობებით (ID ბარათი) უსასყიდლოდ ჩანაცვლების აქცია.

არაელექტრონული (ლამინირებული) პირადობის მოწმობის პირადობის ელექტრონული მოწმობით (ID ბარათით) უსასყიდლოდ ჩანაცვლებისთვის, მიმართეთ იუსტიციის სახლებს, სახელმწიფო სერვისების განვითარების სააგენტოს ტერიტორიულ სამსახურებსა და მობილურ იუსტიციის სახლებს.

#datashvil #drpkhakadze #sheniambebi #shenidasveneba

სადაც კი გაიხედავთ მარჯვნივ თუ მარცხნივ, ზეით თუ ქვეით, ამათ ნაშენებ ძეგლებს დაინახავთ

მიერ
SheniDasvemeba.ge
-
0
დღეს ქალაქი თბილისი გამშვენებულია ზუბალაშვილების აგებული ძეგლებით.
სადაც კი გაიხედავთ მარჯვნივ თუ მარცხნივ, ზეით თუ ქვეით, ამათ ნაშენებ ძეგლებს დაინახავთ.
ზაქარია ჭიჭინაძე ძმებ ზუბალაშვილებზე.

#datashvil #drpkhakadze #sheniambebi #shenidasveneba

“ვარძიაშია დღეობა დიდი, საკლავად მიჰყავთ ირმები” –  მთელი დღე გამილამაზა…

მიერ
SheniDasvemeba.ge
-
0
“ვარძიაშია დღეობა დიდი, საკლავად მიჰყავთ ირმები” –  მთელი დღე გამილამაზა ამ სიმღერამ, პირველად მოვისმინე.
ანსამბლი “მესხეთი”

#datashvil #drpkhakadze #sheniambebi #shenidasveneba

გილოცავთ – ბათუმმა კიდევ ერთი ტურიზმის “ოსკარი” მოიპოვა

მიერ
SheniDasvemeba.ge
-
0
ბათუმმა კიდევ ერთი ტურიზმის
#image_title

გილოცავთ – ბათუმმა კიდევ ერთი ტურიზმის “ოსკარი” მოიპოვა

World Travel Awards-ზე ბათუმი მსოფლიოს ყველა სეზონის ტურისტულ მიმართულებად დასახელდა.

ბათუმმა კიდევ ერთი ტურიზმის “ოსკარი” მოიპოვა. პორტუგალიის, კუნძულ მადეირაზე გამართულ World Travel Awards-ის გალა ცერემონიაზე, ბათუმი მსოფლიოს ყველა სეზონის ტურისტული მიმართულებად დასახელდა. პრესტიჟული ჯილდოს მოსაპოვებლად ბათუმმა კონკურენცია გაუწია ისეთ ქალაქებს, როგორებიცაა მელბორნი (ავსტრალია), ოსლო (ნორვეგია), ჟენევა (შვეიცარია), მიუნხენი (გერმანია), ასპენი (აშშ), ბეიჯინი (ჩინეთი) და ვისლერი (კანადა).

შეიძლება იყოს 5 ადამიანი and ტექსტი გამოსახულება
პრესტიჟული ჯილდოს მოსაპოვებლად ბათუმის კონკურენტები იყო მელბორნი (ავსტრალია), ოსლო (ნორვეგია), ჟენევა (შვეიცარია), მიუნხენი (გერმანია), ასპენი (აშშ), ბეიჯინი (ჩინეთი) და ვისლერი (კანადა).

World Travel Awards“ -ზე ასევე გამოვლინდა 2024 წელს, მსოფლიოს საუკეთესო ტურისტული მიმართულებები, ქვეყნები, სასტუმროები, ტურისტული სააგენტოები, ტურისტული ატრაქციები და სატრანსპორტო კომპანიები. წელს, მსოფლიოს საუკეთესო საზღვაო მიმართულებად ალგარვე, ხოლო მსოფლიოს წამყვან ტურისტულ მიმართულებად პორტუგალია დასახელდა.

„ბათუმი მუდმივად ვითარდება, აჭარის რეგიონს აქვს მრავალფეროვანი ტურისტული პროდუქტები, რომლებიც მიმზიდველია, როგორც ტურისტული და საინვესტიციო მიმართულება 4 სეზონის განმავლობაში.ეს ბუნებრივია ყურადღების მიღმა არ რჩება და ‘ევროპის ყველაზე სწრაფად მზარდი ტურისტული მიმართულების’ სტატუსის შემდეგ, ბათუმმა მიიღო ახალი აღიარება და მსოფლიოს ტურიზმის დაჯილდოვების ცერემონიაზე დასახელდა, როგორც “მსოფლიოს წამყვანი ყველა სეზონის ტურისტული მიმართულება. აღნიშნული ჯილდო მნიშვნელოვანია, რათა ჩამოყალიბდეს უფრო მეტი ნდობა ჩვენი ქალაქის მიმართ ვიზიტორებს და ინვესტორებში.

ეს აღიარება ხელს უწყობს ჩვენი ქალაქის პოპულარიზაციას და ცნობადობის ამაღლებას მსოფლიო მასშტაბით. ვულოცავ ბათუმს და ჩვენს ქვეყანას კიდევ ერთ პრესტიჟულ ჯილდოს და საერთაშორისო აღიარებას”, განაცხადა ქრისტინე ძიძიგურმზ, აჭარის ტურიზმის დეპარტამენტის ხელმძღვანელის მოადგილემ.

ბათუმის ჯილდოს ეხმიანება გრემ კუკი, World Travel Awards-ის დამფუძნებელი და პრეზიდენტი. “ვულოცავ ბათუმს გამარჯვებას – ყველა სეზონის ტურისტული მიმართულების ჯილდოს მოპოვებას, რაც მოიაზრებს თქვენი ქალაქისა და ზოგადად, საქართველოს ტურისტულ მიმზდიველობას წლის ნებისმიერ დროს, იქნება ეს გაზაფხული, ზაფხული, შემოდგომა თუ ზამთარი.

ეს არის ქვეყანა, რომელმაც თავისი კლიმატით, სტუმართმოყვარე ხალხით, ტურისტული პოტენციალით, მზარდი მიმართულებიდან მოწინავე პოზიციაზე გადმოინაცვლა. ყველას გილოცავთ ამ წარმატებას. მოგზაურები ეძებენ სიახლეებს – სათავგადასავლო თუ ველნეს ტურიზმი, ქვეყნის კულტურული და ისტორიული მემკვიდრეობა, ბუნებრივი რესურსები, და რაც მთავარია ხალხი – რომელიც საქართველოს უდიდესი სიმდიდრე გახლავთ. თქვენს ქვეყანას ახასიათებს გამორჩეული სტუმართმოყვარეობა და განსაკუთრებული კულინარია. მე და ჩემს გუნდს კარგად გვახსოვს შარშანდელი დახვედრის გამოცდილება, როდესაც ბათუმს ვესტუმრეთ. მე ყოველთვის ვამბობ, რომ ქვეყანასთან შეხება იწყება ჩასვლისთანავე მიღებული გამოცდილებით და სრულდება ქვეყნიდან გამგზავრებისას. ჩვენი ისტორიის განმავლობაში კი სწორედ ბათუმში გვქონდა ასეთი დახვედრა და ასეთივე გაცილება. სწორედ ამიტომ, უდავოდ, ბათუმი და საქართველო არის ის ადგილი, რომელსაც ჩვენ აუცილებლად დავუბრუნდებით”.

2019 წლიდან დღემდე, ბათუმმა World Travel Awards-ის პრესტიჟული ჯილდო 6- ჯერ მოიპოვა. თავდაპირველად, როგორც ევროპის, ხოლო მოგვიანებით, როგორც მსოფლიოს სწრაფად მზარდმა ტურისტულმა მიმართულებამ. 2023 წელს, კი მსოფლიოს ტურიზმის დაჯილდოების ევროპის გალა ცერემონიაზე, რომელსაც აჭარამ უმასპინძლა ბათუმი, აჭარა ევროპის ოთხი სეზონის ტურისტულ მიმართულებად დასახელდა.

შეიძლება იყოს 5 ადამიანი and ტექსტი გამოსახულება
World Travel Awards“ -ზე ასევე გამოვლინდა 2024 წელს, მსოფლიოს საუკეთესო ტურისტული მიმართულებები, ქვეყნები, სასტუმროები, ტურისტული სააგენტოები, ტურისტული ატრაქციები და სატრანსპორტო კომპანიები.
ინფორმაციას აჭარის ტურიზმისა და კურორტების დეპარტამენტი ავრცელებს.

სიღნაღი სიყვარულის ქალაქი – არაჩვეულებრივი ხედები აქვს ალაზნის ველსა და კავკასიონის მთებზე

მიერ
SheniDasvemeba.ge
-
0
სიღნაღი სიყვარულის ქალაქი - არაჩვეულებრივი ხედები აქვს ალაზნის ველსა და კავკასიონის მთებზე
#image_title

სიღნაღი სიყვარულის ქალაქი. სიღნაღს არაჩვეულებრივი ხედები აქვს ალაზნის ველსა და კავკასიონის მთებზე.

სიღნაღი – ქიზიყის გული,  მთაგორიანი ქალაქი… გომბორის ქედზე გოროზად გადმომდგარი და ალაზნის ველის ფხიზლად მოდარაჯე.

მეცნიერთა გამოკვლევით თანამედროვე სიღნაღის მუნიციპალიტეტის ტერიტორია დაახლოებით 30 მილიონი წლის წინათ ზღვით ყოფილა დაფარული, რომელშიც კუნძულის სახით გამოიყოფოდა ცივგომბორის ქედის ზოლი. მუნიციპალიტეტის თანამედროვე რელიეფის ჩამოყალიბება მომხდარა დაახლოებით ერთი მილიონი წლის წინათ.

ამ ტერიტორიაზე მოსახლეობა უხსოვარი დროიდან ცხოვრობს. ჩვენს წელთაღრიცხვამდე ტერიტორია შედიოდა იბერიის სამეფოში.

ბერძენი  გეოგრაფი და ისტორიკოსი სტრაბონი მას ,,კამბისენეს”  უწოდებდა. იბერიიდან ალბანეთში მიმავალი გზა უწყლო და უსწორმასწორო კამბისენეზე გადისო – წერდა იგი. ბერძენ ისტორიკოსს დიონ კასიოსს მდინარე იორიც  ,,კამბისად“  აქვს დასახელებული.

ქიზიყი გაძლიერდა და წელში გაიმართა მეთვრამეტე საუკუნეშ. ერეკლე მეორის მეფობის პერიოდში. მეფე ერეკლეს ჰყვარებია ქიზიყი და ქიზიყელები. მან პირველი საბრძოლო ნათლობა ქიზიყში მიიღო, როცა 15 წლისა მამაცურად წარუძღვა ქიზიყელთა ლაშქარს, სასტიკად დაამარცხა ლეკთა ჯარი და გამარჯვებული დაბრუნდა მაღაროს.

ხორნაბუჯის,  –  იმდროინდელი ცენტრის დასუსტების შემდებ სიღნაღი სულ უფრო წამყვან როლს ასრულებს ქიზიყის ცხოვრებაში.

ქართლ-კახეთის სამეფოს  გაუქმების შემდეგ, 1802 წლიდან, სიღნაღი სამაზრო ცენტრი გახდა. მას, ჭარ-ბელექანთან და დაღესტანთან მოსაზღვრეობის გამო, განსაკუთრებული სტრატეგიული მნიშვნელობა ნიენიჭა.. ამიტომაც, კავკასიის მთავარმართებლის გადაწყვეტილებით, მაზრაში რუსეთის იმპერიის ,,44-ე ნიჟეგოროდის დრაგუნთა“ პოლკი განთავსდა, რომელსაც რეგიონის დაცვა დაევალა.

ერეკლე მეფეს მიეწერება სიღნაღის გადაქცევა  ქალაქად.

სიღნაღი ქიზიყის ის ნაწილია, სადაც ყოველ კუთხეს, ადგილს, სახლს, ქვასაც კი თავისი ისტორია აქვს. იგი თავისი გალავნითა და კოშკებით აბჯარი ჩამჯდარი რაინდივით გადასცქერის ალაზნის ველს.

სიღნაღი მდებარეობს ცივგომბორის ქედის ჩრდილო კალთაზე. ზღვის დონიდან 750 მ სიმაღლეზე.ქალაქის ტერიტორია 296,5 ჰექტარზეა  მოსახლეობა.

ქალაქში ყოფილა ცხრამდე ღვინის მარანი, აგურის ქარხანა, სატრანსპორტო ,,ლინეიკების“ არტელი, ტყავის ქარხნები და სხვა.

ბოდბის მონასტერთან არსებობდა სკოლა. 1818 წლს სიღნაღში გაიხსნა სასულიერო სასწავლებელი, სადაც სწავლობდა ცნობილი ფილოსოფოსი სოლომონ დოდაშვილი. 1880 წლისთვის სიღნაღში იყო სასწავლებელი, რომელსაც სამი მოსამზადებელი კლასი ჰქონდა, სკოლის გამგე და მასწავლებელი იყო ივანე ჯავახიშვილის მამა ალექსანდრე.

სიღნაღის ციხე-გალავანი ერთ-ერთი უდიდესი ისტორიული მნიშვნელობის ძეგლია, არამარტო კახეთში, არამედ მთელ საქართველოში. გადმოცემის თანახმად, სიღნაღის  გალავანში ცოცხლად დაუტანებიათ ადამიანი.ლეგენდა გვამცნობს, ოსტატებმა სწრაფად მიატოვეს ცოდვიანი ადგილი, ხოლო, იმ კედლის ძირში, სადაც კაცი დაატანეს წყარო გადმოდისო.

სიღნაღის ციხე-გალავნის კედლები მოსკოვის კრემლისოდენა ფართობს მოიცავს, მას 40 ჰა ფართობი უჭირავს. გალავნის სიგრძე 4 კილომეტრამდეა. მას ჰქონია 23 კოშკი და 6 თაღოვანი კარიბჭე. ყველა თავის სახელს ატარებდა  სოფლების მიხედვით: მაღაროს ჭიშკარი და მისი ორი კოშკი, სამეფო ანუ ჯუგაანის კოშკი, კახეთის კოშკი პირველი და კახეთის კოშკი მეორე, შილდის კოშკი, და შილდის ჭიშკარი. ,,ნარინგკალეს“ კოშკი. ზიარ-ფხოველი კოშკი, კოშკი ვაქირის ჭიშკართან, ვაქირის ჭიშკარი, კარდენახის კოშკი, ბაკურციხის კოშკი, მაშნაარის ჭიშკარი, მისი მცველი ორი კოშკი, ანაგის კოშკი, საქობოს კოშკი, მაჩხაანის კოშკი, ბოდბის კოშკი.

მტრის შემოსევის დროს ციხე-გალავნის ამშენებელი სოფლების მთლი მოსახლეობა თავისი სარჩო-საბადებლით აქ აფარებდა თავს. კოშკების და გალავნების დაცვა მათ ევალებოდათ. ციხის კედლები ორიარუსიანია, ქვედა იარუსის კედლის სისქე 1,5 მეტრია, ზედა იარუსისა 70-80 სმ. ამ კედლების სისქეთა გამსხვავება შიგნიდან ქმნის საბრძოლო ბილიკს, რომლის სიგანე საკმარისი იყო მებრძოლთა სამოძრაოდ. ბილიკზე ასასვლელად კოშკების გვერდებსა და ციხის რამდენიმე სხვა ადგილზე მოწყობილი იყო ქვის კიბეები. კოშკების უმრავლესობას ჰქონია ორსართულიანი საბრძოლო ბანი. ციხე გალავანში ჩაშენებულია წმინდა სტეფანეს სახელობის ეკლესია.

სიღნაღის ციხე-გალავანი ნაგებია რიყის ქვით, ხოლო უმნიშვნელო რაოდენობითაა გამოყენებული აგური.

XIX  საუკუნის  II ნახევრიდან სიღნაღში ფეხს იკიდებს ქალაქური ცხოვრებისთვის დამახასიათებელი, სალონური ტიპის საღამოები, სადაც, უმთავრესად, ინტელექტუალური ელიტა იკრიბებოდა.

XIX  საუკუნის ბოლოსთვის, სიღნაღში შეიქმნა მოძრავი თეატრალური დასი, ჩამოყალიბდა ქართული და აღმოსავლური სამუსიკო დასები, იქმნებოდა სამუსიკო სალონები. სიღნაღი რეგიონის  კულტურულ და სავაჭრო ცენტრად იქცა.

სიღნაღი ამჟამად საქართველოს ერთ-ერთი ულამაზესი ქალაქია, რომლის მომხიბვლელობას  განაპირობებს, როგორც მისი დროთა განმავლობაში ჩამოყალიბებული ხუროთმოძღვრული სახე, ისევე ბუნებრივი მდებარეობა. სიღნაღს ხშირად ქალაქ-მუზეუმსაც უწოდებენ. ქალაქიდან იშლება არაჩვეულებრივი ხედი ალაზნის ველსა და კავკასიონის მთებზე.

2007 წელს ქალაქს ჩაუტარდა სარესტავრაციო სამუშაოები, გაიხსნა მუზეუმი და სასტუმროები.

1...626364...97გვერდი 63 of 97

ბოლო სიახლეები

პოპულარული ამბები

კატეგორიები

ჩვენ შესახებ

info@accreditation.ge
ჩვენ შესახებ / რეკლამა / კონტაქტი

გამოგვყევი სოციალურ ქსელებში

© SheniEkimi.ge