„ქართული ღვინო ხარისხით, მსოფლიოს ნებისმიერ მაღალი ხარისხის ღვინოს არ ჩამოუვარდება“,-ამის შესახებ BM.GE-სთან ბიომეღვინეობა „გოცირიძის მეღვინეობა“ თანადამფუძნებელმა, ანდრო გოცირიძემ განაცხადა.
გიორგი ფხაკაძემ საიდუმლო გაგვიმხილა
საქართველოს საზოგადოებრივი ჯანდაცვის ინსტიტუტის ხელმძღვანელი, პროფესორი გიორგი ფხაკაძე საქართველოში იმყოფება.
28 ოქტომბერს ის თბილისში ქართული ხალიჩებისა და ფარდაგების მაღაზიას ეწვია. გიორგი ფხაკაძე ქართული ფარდაგების კოლექციას აგროვებს, რომლებიც პარიზისა და თბილისის რეზიდენციებში აქვს განთავსებული.
გიორგი ფხაკაძის ფავორიტი ორნამენტები ფარდაგებისა არის თუშური და მესხური…
იხილეთ ვიდეო:
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
შენი ექიმი – ცოდნა ჯანმრთელობისთვის.
მეცნიერებმა სამყაროს მთავარი სტრუქტურის – კოსმოსური აბლაბუდის საუკეთესო გამოსახულება მიიღეს
ასტრონომებმა კოსმოსური აბლაბუდის საუკეთესო გამოსახულება მიიღეს, რომლის სიგრძეც სამ მილიონ სინათლის წელიწადს შეადგენს, – წერს Phys-ი.
კოსმოსური აბლაბუდა შედგება შეჯგუფებული გალაქტიკებისა და გაზების ურთიერთდაკავშირებული ფილამენტებისგან; ისინი მთელ სამყაროშია გადაჭიმული და ერთმანეთისგან გიგანტური ცარიელი სივრცეები ყოფს.
სპეციალისტებისთვის, რომლებიც კოსმოსური აბლაბუდის შესწავლით არიან დაკავებულები, ერთ-ერთი მთავარი პრობლემა იმაში მდგომარეობს, რომ გალაქტიკათშორისი აირის აღმოჩენა შესაძლებელია იმით, თუ როგორ შთანთქავს ის შორეული ობიექტების სინათლეს, მაგრამ ასეთი კვლევების შედეგები ვერ ეხმარება სპეციალისტებს აირის განაწილების დადგენაში კოსმოსურ აბლაბუდაში.
ახალი კვლევის ავტორებმა გამოიყენეს უახლოესი სპექტოგრაფი MUSE, რომელიც ტელესკოპ VLT-ზეა დამონტაჟებული. მისი წყალობით მათ მიიღეს კოსმოსური აბლაბუდის აქამდე არსებული საუკეთესო გამოსახულება.
მეცნიერების თქმით, კოსმოსური აბლაბუდის უახლეს გამოსახულებაზე ორი გალაქტიკაა აღბეჭდილი, რომლებიც ფორმირების სტადიაზე იმყოფებიან. მკვლევრებმა კოსმოსური აბლაბუდის ძაფების შესწავლის ახალი მეთოდის დემონსტრირება მოახდინეს და აღნიშნეს, რომ ის მათ დაეხმარება მოიპოვონ მეტი ინფორმაცია გალაქტიკების წარმოქმნისა და სამყაროს ევოლუციის შესახებ.
ხალხური რეწვის ოსტატი თინა ნაყეური-დათაშვილი – „ამ სახლზე სულ ვოცნებობდი. თითქოს ღვთისგან მისია მქონდა ეს გამეკეთებინა“
ხალხური რეწვის ოსტატი თინა ნაყეური-დათაშვილი
რუბრიკაში #სახლ_მუზეუმი
„ამ სახლზე სულ ვოცნებობდი. თითქოს ღვთისგან მისია მქონდა ეს გამეკეთებინა“ – ხალხური რეწვის ოსტატი თინა ნაყეური-დათაშვილი.
თინა ნაყეური-დათაშვილი უკვე 30 წელია, უანგაროდ ემსახურება ხალხური რეწვის მივიწყებული დარგების აღდგენის საქმეს. ტრადიციული რეწვითაა დაინტერესებული, ულამაზეს ფშაურ ქსოვილებს ამზადებს. როგორც თავად ამბობს, ხელსაქმე მის ოჯახს თაობებია მოსდევს. 23 წელია, რაც თავის გამოცდილებას სხვებსაც უზიარებს, რითაც ტრადიციებსაც ინარჩუნებს და ფშაური რეწვის მეთოდებსაც აღადგენს. 2007 წელს საკუთარი საწარმო დააარსა და რამდენიმე ქალი დაასაქმა. მათ ტრადიციული ორნამენტების ქსოვას და ფერებთან მუშაობას ასწავლის. ძაფებს ბუნებრივი საღებავებით ღებავს და მართლაც საოცარ ფერებს იღებს. ამის შესახებ წაიკითხავთ წიგნში “მცენარეული საღებავები ფშაურ ტრადიციულ რეწვაში”, რომელიც პირველად 16 სექტემბერს წარუდგინა დაინტერესებულ ადამიანებს.
ამ დღეს არაგვის ფშავში, სოფელ მაღაროსკარში ეთნო-ფოლკლორული ცენტრი “ფშაური სახლი” გახსნა, რომლის სულისჩამდგმელიც სწორედ ქალბატონი თინა გახლავთ.
მცენარეული საღებავები ფშაურ ტრადიციულ რეწვაში- სასწავლო-შემეცნებითი სახელმძღვანელო
წიგნში მოცემულია საქართველოს ტყეებში გავრცელებული სამღებრო მცენარეების მოკლე დახასიათება და სპეციალური ლიტერატურიდან ამოკრეფილი წესები ღებვის შესახებ, რომლებიც გამოცდილი და დამუშავებულია ავტორის, თინა ნაყეური-დათაშვილის მიერ.
წიგნი CENN-ის პროექტის „ტყის მდგრადი მართვა სოფლის განვითარებისთვის“ ფარგლებში, ავსტრიის განვითარების თანამშრომლობის (ADC) მხარდაჭერით შეიქმნა.
კლდეში ნაკვეთი სარკინეთის მამათა მონასტერი – ულამაზესი და სტრატეგიული მნიშვნელობის ადგილი
სარკინეთის მამათა მონასტერი ძამის ხეობა შიდა ქართლში, ქარელის რაიონში, ერთ-ერთი ულამაზესი და სტრატეგიული მნიშვნელობის ადგილია.
ძამას ხეობა ერთ–ერთი ყველაზე მრავალფეროვანი ადგილია საქართველოში, რომელიც სხვადასხვა ისტორიულ და ბუნების ძეგლს აერთიანებს. ეს არის გასაოცარი ადგილი.
სარკინეთის მამათა მონასტერი შიდა ქართლში, ძამას ხეობაში, ქარელის მუნიციპალიტეტში მდებარეობს, სოფელ სარკინეთში.
X საუკუნეში აქ ყოფილა რეზიდენცია ძამის მთავრის ადარნასესი, რომელსაც მონაწილეობა მიუღია საქართველოს სამთავროების გაერთიანებისთვის ბრძოლაში. თამარ მეფის დროს ძამის ხეობა მნიშვნელოვან როლს თამაშობდა სახელმწიფოს პოლიტიკურ-კულტურულ ცხოვრებაში. XIII-XIV საუკუნეებში ეს ხეობა მონღოლებმა ააოხრეს. XV საუკუნეში იწყება მისი აღდგენა და განახლება ზაზა ფანასკერტელის მიერ. რამდენიმე საუკუნე ეს ადგილი წირვა-ლოცვის ღვთაებრივ მადლს მოწყვეტილი იყო. 1996 წლის 21 ოქტომბრიდან წმინდა სინოდის განჩინებით ურბნისისა და რუისის ეპარქიის მმართველად დაინიშნა მეუფე იობი (აქიაშვილი). მეუფე იობის დამსახურებაა ურბნისის და რუისის ეპარქიაში საეკლესიო ცხოვრების აღორძინება. ეპარქიაში შემავალ თითქმის ყველა სოფელში აღადგინეს ძველი და ააშენეს ახალი ეკლესიები. დაფუძნდა მამათა და დედათა მონასტრები, სასულიერო სასწავლებლები. მათგან აღსანიშნავია, კლდეში გამოკვეთილი ღირსი შიო დიდი საკვირველთმოქმედის სახელობის სარკინეთის მამათა მონასტერი.
შიო მღვიმელის სახელობის კლდეში ნაკვეთ ეკლესიას წარმოადგენს. სარკინეთის შიო მღვიმელის ეკლესია XIV საუკუნის შემდეგ პირველია, რომელიც კლდის გამოქვაბულში აშენდა.
ძამას ხეობით დაინტერესებულ პირებს ამ მხარის შესახებ საინტერესო ინფორმაციას გთავაზობთ
პარიზში 170 ლოკაციაზე საქართველოს ტურისტული ბანერი განთავსდა
საქართველოს ტურიზმის ეროვნული ადმინისტრაცია საფრანგეთში მასშტაბურ მარკეტინგულ კამპანიას ატარებს.
კამპანიის ფარგლებში, საფრანგეთის დედაქალაქში, პარიზის მეტროს სადგურებთან, 170 ლოკაციაზე, ქალაქის ცენტრალურ ქუჩებსა და მოედნებზე საქართველოს შესახებ ბანერები დამონტაჟდა. ბანერებზე საქართველოს ტურისტულად საინტერესო ადგილებია ასახული.
მეტროს მგზავრებსა და გამვლელებს შეუძლიათ გაეცნონ საქართველოს ბუნებას, კულტურასა და ისტორიულ ქალაქებს.
ტურიზმის ეროვნული ადმინისტრაციის მარკეტინგული კამპანიის ფარგლებში, მთელი წლის მანძილზე, საფრანგეთის ქალაქებში საქართველოს ტურისტული პოტენციალის წარმოსაჩენად სხვადასხვა ტიპის აქტივობა ტარდება.
კამპანიის მიზანია საქართველოს ცნობადობის ამაღლება და საფრანგეთიდან საქართველოში ტურისტული ნაკადების გაზრდა.
ინფორმაციას ტურიზმის ეროვნული ადმინისტრაცია ავრცელებს.
მომსახურების სააგენტომ საერთაშორისო მართვის მოწმობის გაცემა დაიწყო
მომსახურების სააგენტომ საერთაშორისო მართვის მოწმობის გაცემა დაიწყო
მომსახურების სააგენტომ „საგზაო მოძრაობის შესახებ“ ჟენევის 1949 წლის 19 სექტემბრის კონვენციით გათვალისწინებული საერთაშორისო მართვის მოწმობის გაცემა დაიწყო.
საერთაშორისო მართვის მოწმობა გაიცემა ერთი წლის ვადით, ეროვნული მართვის მოწმობის საფუძველზე.
დოკუმენტი მოქმედებს საქართველოს ფარგლებს გარეთ ჟენევის კონვენციის წევრ ქვეყნებში. ჟენევის კონვენციის წევრი ქვეყნების ჩამონათვალი იხილეთ ბმულზე: https://shorturl.at/oDUTR
მომსახურების სააგენტოს მიერ, ასევე „საგზაო მოძრაობის შესახებ“ ვენის 1968 წლის 8 ნოემბრის კონვენციით გათვალისწინებული საერთაშორისო მართვის მოწმობა გაიცემა, რომელიც მოქმედია 3 წლის ვადით.
დოკუმენტი მოქმედებს საქართველოს ფარგლებს გარეთ ვენის კონვენციის წევრ ქვეყნებში. ვენის კონვენციის წევრი ქვეყნების ჩამონათვალი იხილეთ ბმულზე: https://shorturl.at/meBqd
საერთაშორისო მართვის მოწმობის მისაღებად საჭიროა დაინტერესებულმა პირმა მომსახურების სააგენტოში წარმოადგინოს.
✔️პირადობის დამადასტურებელი დოკუმენტი;
✔️ეროვნული მართვის მოწმობა.
სრული კომფორტი, თქვენი და თქვენი ოჯახის ბედნიერი დასვენებისთვის საუკეთესო ხედების გარემოცვაში
სრული კომფორტი, თქვენი და თქვენი ოჯახის ბედნიერი დასვენებისთვის საუკეთესო ხედების გარემოცვაში
ახალი აბასთუმანი-New Abastumani გთავაზობთ ულამაზეს კოტეჯებს სრული კომფორტით.
ახალი აბასთუმანი-New Abastumani– სუფთა ჰაერი და სრული კომფორტი, თქვენი და თქვენი ოჯახის ბედნიერი დასვენებისთვის საუკეთესო ხედების გარემოცვაში.
ჩვენთან დაგხვდებათ მყუდრო და მშვიდი გარემო მთის ხედებითა და სუფთა ჰაერით. შეგიძლიათ დაისვენოთ როგორც ორმა ადამიანმა, აგრეთვე მთელმა ოჯახმა ან მეგობრებმა. კოტეჯები აღჭურვილია ყველანაირი საჭირო ტექნიკით, აქვს შიდა სამზარეულო, სასადილო, აგრეთვე გასაშლელი დივნები, ვერანდაზეც მოწყობილია მოსასვენებელი სივრცე.
მომსახურებაში შედის გარე აუზი, დიდი ეზო სადაც დაგხვდებათ ჰამაკები და ყველაფერი რაც საჭიროა თქვენი კომფორტისთვის. აგრეთვე სასტუმროს ტერიტორიაზე დაგხვდებათ კაფე-რესტორანი, რომელიც უგემრიელესი კერძებით გიმასპინძლებთ.
ჩვენთან ყველაფერია, რაც გჭირდებათ თქვენი შვებულების იდეალურად გატარებისთვის.
პიროტექნიკის ხმამ, შესაძლოა, ჩვილს სმენა დაუქვეითოს!
გადაცემა „იმუნიტეტი“
პიროტექნიკის ხმამ, შესაძლოა, ჩვილს სმენა დაუქვეითოს!
როგორ დავიცვათ თავი ახალი წლის ღამეს პიროტექნიკისგან?
Financial Times მკითხველს საქართველოში მოგზაურობას ურჩევს
გავლენიანი ბრიტანული გამოცემა Financial Times დიდი ბრიტანეთიდან საქართველოში ახალი ავიარეისების დანიშვნის შესახებ წერს.
გამოცემის ინფორმაციით, წელს ლონდონიდან თბილისის მიმართულებით ფრენებს easyJet და British Airways იწყებენ.
„აპრილიდან თბილისის მიმართულებით easyJet იფრენს, აქამდე აღმოსავლეთით ყველაზე შორ დისტანციაზე easyJet ლოდნოის ლუთონის აეროპორტიდან ჟენევამდე და მილანამდე დაფრინავდა. ამასობაში British Airways-იც განაახლებს ფრენებს ლონდონის ჰიდროუს აეროპორტიდან თბილისის მიმართულებით. ბოლო ფრენა ავიაკომპანიამ თბილისისკენ 2013 წელს შეასრულა. ამ დრომდე დიდ ბრიტანეთსა და საქართველოს შორის პირდაპირი საჰაერო მიმოსვლა არ არის“, – წერს Financial Times.
სტატიის ავტორი მკითხველს საქართველოს ტურისტულად საინტერესო ადგილების მონახულებას ურჩევს.
„საქართველოში მოგზაურობისას შეგიძლიათ გაეცნოთ ამ ქვეყნის მომხიბლავ დედაქალაქს, ასევე სამთო რეგიონებს, შეგიძლიათ ეწვიოთ ყაზბეგსა და სვანეთს“,-წერს Financial Times.
ინფორმაციას საქართველოს ტურიზმის ეროვნული ადმინისტრაცია ავრცელებს.