ყოველწლიურად დედაღვთისას მონასტერს ასეულობით მორწმუნე სტუმრობს. მორწმუნეთა დიდ ნაწილს სწორედ უშვილობის პრობლემა აწუხებს და შესაბამისად ღვინკითის დედაღვთისას შესთხოვს, რომ შვილი აჩუქოს ღმერთმა.
გელათის სამონასტრო კომპლექსი ქართული ხუროთმოძღვრების გამორჩეული ძეგლია, რომელიც საქართველოს დიდებულ წარსულში და დავით აღმაშენებლის ბრწყინვალე ეპოქაში გამოგზაურებთ.
სამონასტრო კომპლექსი მოიცავს შემდეგ შენობებს:
გელათის მონასტერი 1106 წელს დავით IV აღმაშენებელმა, როგორც სამეფო სავანე დააფუძნა და აქვე შექმნა იმჟამინდელი ტიპის უმაღლესი სასწავლებელი – გელათის აკადემია.
მაშინვე დაიწყო მონასტრის მთავარი, ღმრთისმშობლის შობის ტაძრის მშენებლობა, რომელშიც სიწმინდედ ხახულის ღმრთისმშობლის მინანქროვანი ხატი დაასვენეს, (თავად ხატი X საუკუნისაა). ტაძარი გუმბათოვანია, „ჩაწერილი ჯვრის“ ტიპისა. მშენებლობა დავით IV აღმაშენებლის სიცოცხლეში დამთავრდა, ე.ი. 1125 წლამდე, ხოლო, მოიხატა უკვე მისი ძმის, დემეტრე I-ის დროს. ამ დროიდან შემოგვრჩა მხოლოდ საკურთხევლის კონქის მოზაიკა და „საეკლესიო კრებათა“ გამოსახულებანი. XII-XIII საუკუნეებში ტაძარს რამდენიმე ეგვტერი მიუშენეს.
ერთ-ერთში მეფე დავით ნარინისად წოდებულში, მისი დროის, ე.ი. XIII საუკუნის მიწურულის მხატვრობაა; მთავარი სივრცისა და სხვა ეგვტერების მოხატულობა XVI-XVII საუკუნეებისაა. გელათის ტაძარს უმდიდრესი სალარო ჰქონდა – ხატ-ჯვრები, ხელნაწერები, სხვადასხვა სამღვდელთმსახურო თუ მემორიალური ნივთები. მათი ნაწილი ადრევე დაიკარგა, ზოგი XIX საუკუნეში, რაც შემორჩა ახლა ქუთაისის და თბილისის მუზეუმებში ინახება.
სტატისტიკის ეროვნული სამსახურის ინფორმაციით:
„2023 წლის დეკემბერში, წინა თვესთან შედარებით, ინფლაციის დონე 0.1%-ით შემცირდა, ხოლო წლიურმა ინფლაციის დონემ საქართველოში 0.4% შეადგინა.
წინა წელთან შედარებით სურსათსა და უალკოჰოლო სასმელზე ფასი 3.1%-ით შემცირდა, ალკოჰოლურ სასმელებსა და თამბაქოზე კი – 3.4%-ით გაიზარდა. განათლება – 3.6%-ით გაძვირდა, საცხოვრებელი, წყალი, ელ.ენერგია და აირი 2.3%-ით, სასტუმროები, კაფეები და რესტორნები 6.4%-ით, ტრანსპორტი კი – 5.1%-ით.
ერთ წელში ფასი ყველაზე მეტად ჯანდაცვასა (-3.8%) და ავეჯი/საოჯახო ნივთები/სახლის მოვლაზე (-3.3%) შემცირდა. დასვენება-გართობა-კულტურა 1.6%-ით გაიაფდა, კავშირგაბმულობა 2.3%-ით და და ტანსაცმელი/ფეხსაცმელი 0.1%-ით.
სხვადასხვა საქონლისა და მომსახურების ჯგუფში ფასები გაიზარდა 10.1%-ით, რაც
0.53 პროცენტული პუნქტით აისახა წლიურ ინდექსზე. ფასები, უმეტესწილად, მომატებულია საფინანსო მომსახურებაზე (26.3%), პირად ჰიგიენასა (5.7%) და პირად ნივთებზე (6.1%).
სურსათისა და უალკოჰოლო სასმელების ჯგუფში ფასები შემცირდა ზეთსა
და ცხიმზე (-19.2%), ბოსტნეულსა და ბაღჩეულზე (-9.8%), პურსა და პურპროდუქტებზე (-8.0%), რძეზე, ყველსა და კვერცხზე (-3.3%-ით), შაქარზე, ჯემსა და სხვა ტკბილეულზე (-3.1%-ით). ამასთან, ფასები გაიზარდა ხილსა და ყურძენზე (17.3%), თევზეულზე (5%), ხორცსა და ხორცის პროდუქტებზე (5.6%), მინერალურ და წყაროს წყალზე, უალკოჰოლო სასმელებსა და ნატურალურ წვენებზე (3.3%)“
#datashvil #drpkhakadze #sheniganatleba #sheniambebi #sheniekimi
იოდით მდიდარი მინერალური წყალი “ზვარე” გამოიყენება მომნელებელი სისტემის, ღვიძლის, სანაღვლე გზების, ნივთიერებათა ცვლის დაავადებების სამკურნალოდ და პროფილაქტიკის მიზნით.
საბადო მდებარეობს იმერეთში, ზღვის დონიდან 800 მეტრის სიმაღლეზე, სოფლების ზვარესა და ჩრდილის საზღვარზე.
“ზვარე”, როგორც სხვა სამკურნალო წყაროები, აღმოჩენილია გონიერი ცხოველების წყალობით. გადმოცემით, არსებული საბადოს ტერიტორიაზე ჩნდებოდა წყლის გუბეები, რომელსაც პირუტყვი ხარბად ეტანებოდა.
მოსახლეობა დაინტერესდა წყლის თვისებებით და გამოკვლევებმა ზვარეს წყლის უნიკალურობა დაადასტურა.
1934 წელს დაიდგა პირველი ჭაბურღილი, ხოლო ორი წლის შემდეგ დაიწყო მინერალური წყლის ჩამოსხმა.
საბჭოთა ხელისუფლების წლებში ეს წყალი საბჭოთა რესპუბლიკებში დიდი პოპულარობით სარგებლობდა. 1980 წლის ოლიმპიადაზე “ზვარე” სპორტსმენების სუფრის ოფიციალური წყალი იყო, რაც მისი უნიკალური თვისების — ფიზიკური დატვირთვების დროს ორგანიზმში მინერალების აღდგენის დამსახურება იყო.
საბჭოთა კავშირის დაშლის შემდეგ ჩამოსასხმელი ქარხნის მუშაობა შეჩერდა. ჩამოსხმა კვლავ განახლდა 2010 წელს – ტექნიკური გადაიარაღების და კონსტრუქციული სამუშაოების ჩატარების შემდეგ.
რა სახის მომსახურებით სარგებლობენ შეზღუდული შესაძლებლობის მქონე მგზავრები.
“ნაბეღლავის” უნიკალური მინერალური წყაროები თავისი სამკურნალო თვისებებით “ბორჯომს” არაფრით ჩამოუვარდება.
“ნაბეღლავი” — ნახშირორჟანგით გამდიდრებული, ჰიდროკარბონატული ნატრიუმ–კალციუმიანი სუფრის წყალია. წყარო მდებარეობს ჩოხატაურის მუნიციპალიტეტის სოფელ ნაბეღლავის მიდამოებში, მდინარე გუბაზეულის ხეობაში, ზღვის დონიდან 475 მეტრის სიმაღლეზე.
სპეციალისტთა მტკიცებით, “ნაბეღლავის” რეგულარული მოხმარება წმენდს ორგანიზმს მავნე ნივთიერებისგან და მას საჭირო მინერალებით ამდიდრებს.
წყლის მაგნიუმის იონის მაღალი შემცველობა დადებით გავლენას ახდენს გულ-სისხლძარღვთა და ნერვულ სისტემებზე. ქლორის დაბალი შემცველობა წყლის სამკურნალო ეფექტს საგრძნობლად ზრდის, ხოლო სულფატების დიდი რაოდენობა მნიშვნელოვანია კუჭ-ნაწლავის დაავადებათა მკურნალობისას.
მინერალების უნიკალური კომპლექსის წყალობით “ნაბეღლავი” შესანიშნავად წმენდს ორგანიზმს, ამაღლებს იმუნიტეტს, ეფექტურია მომნელებელი სისტემის და ნივთიერებათა ცვლის დაავადებების მკურნალობის დროს.
“ნაბეღლავის” ისტორია 1905 წელს იწყება. გადმოცემის თანახმად, ადგილობრივებმა ყურადღება მიაქციეს წყაროს, რომლის წყალს ხარები ეტანებოდნენ. საბადოს პირველი კვლევა 1921 წელს ლატვიელმა მეცნიერმა რობერტ კუპცისმა ჩაატარა.
სოფელ ნაბეღლავში კურორტის დაარსების შემდეგ, 1958 წელს წყლის სამრეწველო ჩამოსხმა დაიწყო. მინერალური წყლების ადგილობრივი ქარხნის განვითარების ისტორიაში ახალი ეტაპი 1998 წელს დაიწყო, როდესაც წარმადობა და პროდუქციის ხარისხი საგრძნობლად გაიზარდა.
შუასაუკუნოვანი მიწისქვეშა საცხოვრისი, ადიგენში სოფელ ბენარასთან ადგილობრივებმა შემთხვევით აღმოაჩინეს.
„ზადენ გორაზე კვიცი ჩავარდა გორაში, რომელსაც ჩაჰყვა დედა. ახლოს მივედი, დავათვალიერე ეს მიწისქვეშა ოთახი, სავარაუდოდ ეს არის დანარის ტიპის დარბაზები…“, – ამბობს არქიმანდრიტი იობი ბრეგვაძე.
„საქართველომ Madrid Fusión-ს ქართული ღვინო და გასტრონომია გააცნო“-ამ სათაურით გამოცემა Vinos Y Camino მსოფლიოს უდიდეს გასტრო კონგრესზე საქართველოს სტუმრის სტატუსით მონაწილეობას ეხმაურება და კულინარიული და ღვინის ტურისტული მიმართულების შესახებ წერს.
„ქართული ღვინო სახელგანთქმულია მთელ მსოფლიოში, ახალი აღმოჩენებით საქართველო უძველესი ღვინის სამშობლოა, ქართული ღვინის წარმოება 8000 წლოვან ისტორიას ითვლის. შულავერში უძველეს დასახლებაში აღმოჩენილი არქეოლოგიური კვლევებით მტკიცდება, რომ საქართველო ღვინის აკვანია. მეღვინეობა საქართველოს 9 რეგიონს მოიცავს, თითოეული კუთხე განსხვავებულია კლიმატით და ნიადაგით. საქართველოში ვაზის 525 ჯიშია.
რაც შეეხება ქართულ გასტრონომიას, ეს არის კერძებისა და ღვინის ტრადიციების შერწყმა, რომელიც მოიცავს ქართული სტუმართმოყვარეობის ტრადიციას, ეს არის სუფრა, სადაც მრავალფეროვან კერძებთან და ღვინოსთან ერთად ადამიანები სადღეგრძელოებს ამბობენ და მღერიან“,-წერს Vinos Y Camino.
სტატიაში განსაკუთრებული ადგილი უკავია საქართველოს ტურისტული ადგილების აღწერას.
„ტურიზმი საქართველოს ეკონომიკაში დიდ როლს თამაშობს, საქართველო მდიდარია ტურისტული ადგილებით. აქ ნახავთ ორი ათასს მინერალურ წყაროს, 12 ათასზე მეტ ისტორიულ და კულტურულ ძეგლს, იუნესკოს მსოფლიო მემკვიდრეობის ძეგლებს, ტყეებს, დაცულ ტერიტორიებს, ეროვნულ პარკებს. საქართველოში შესაძლებელია ფრინველებზე დაკვირვება, ლაშქრობა, ცხენოსნობა, სპორტული თევზაობა და სხვა აქტივობები“,-წერს Vinos Y Camino.
ესპანეთში, მადრიდში მიმდინარე მსოფლიოში ყველაზე გავლენიან გასტრო კონგრესზე Madrid Fusión 2024 საქართველომ სტუმრის სტატუსით მიიღო მონაწილეობა.
საქართველოს ტურიზმის ეროვნული ადმინისტრაციის სტენდთან სტუმრები და კულინარიის სფეროს წარმომადგენლები ქართულ სამზარეულოს, ღვინოსა და ტურისტულ პროდუქტებს გაეცნენ.
კონგრესზე მადრიდში მდებარე რესტორანმა ნუნუკამ და შეფმზარეულმა დავით ნარიმანაშვილმა ქართული სამზარეულო წარადგინეს. გასტრო კონგრესის მონაწილეებს საქართველოს სომელიეთა ასოციაციის თავმჯდომარემ შალვა ხეცურიანმა ქართული ღვინის მრავალი საუკუნოვანი ისტორია გააცნო.
© SheniEkimi.ge
