გარემოს ეროვნული სააგენტო მოსალოდნელი ამინდის შესახებ მოქალაქეებს აფრთხილებს.
სინოპტიკოსების პროგნოზით, 24 იანვრის ჩათვლით, აღმოსავლეთ საქართველოში მოსალოდნელია თოვლი, ზოგან – ძლიერი, ნისლი, გზებზე ლიპყინული, ელექტროგადამცემ სადენებზე შემოყინულობა.
„დიდთოვლობის, ხილვადობის გაუარესებისა და ლიპყინულის გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა“, – აღნიშნულია გარემოს ეროვნული სააგენტოს ინფორმაციაში.
28 მარტიდან, ქუთაისის დავით აღმაშენებლის სახელობის საერთაშორისო აეროპორტიდან ქალაქის ცენტრამდე და პირიქით, მგზავრებს 3 უახლესი SHUTTLE BUS მოემსახურება.
საქართველოს აეროპორტების გაერთიანებამ ახალი, ექსპლუატაციაში არმყოფი, Euro 6 ემისიის სტანდარტის ძრავის მქონე, M3 კატეგორიის ავტობუსები შეისყიდა.
საქართველოს აეროპორტების გაერთიანების გენერალური დირექტორის განცხადებით, ავტობუსები შატლის ტიპის, განკუთვნილი მხოლოდ ქალაქის ცენტრამდე აეროპორტის მგზავრის გადაყვანისთვის და პირიქით.
„ქუთაისში ტურიზმის განვითარების ხელშეწყობისთვის, იმისთვის, რომ ჩვენი აეროპორტის მგზავრი მარტივად და კომფორტულად გადაადგილდეს ქალაქამდე აუცილებელი იყო მუნიციპალური ავტობუსების დანიშვნა. ტენდერში გამარჯვებულ კომპანია ,,ჯ-თი გრუპ“-თან გავაფორმეთ ხელშეკრულება. რის საფუძველზე, დღეიდან, ქუთაისის აეროპორტიდან ქალაქის ცენტრამდე და პირიქით, ივლის ჩვენ მიერ დანიშნული ოფიციალური შატლის ტიპის ავტობუსები. ეს არ იქნება მუნიციპალური ტრანსპორტი. იქნება კონკრეტულად აეროპორტიდან ქალაქამდე და პირიქით, განკუთვნილი ტრანსპორტი, რომელსაც აქვს შესაბამისი ბრენდინგი, რომ ჩვენი აეროპორტის მგზავრებმა მარტივად იცნონ“, – განაცხადა ირაკლი ქარქაშაძემ.
ავტობუსების განრიგი ფრენების განრიგზე იქნება მორგებული და 1 გზის საფასური 5 ლარს შეადგენს. ანგარიშსწორება ნებისმიერი საბანკო ბარათის საშუალებით იქნება შესაძლებელი. ქუთაისის აეროპორტიდან შატლები DMO იმერეთის ოფისის მიმართულებით იმოძრავებენ, რომელიც ქალაქის ცენტრში მდებარეობს და იქიდან, ისევ დავით აღმაშენებლის სახელობის აეროპორტში დაბრუნდებიან.
ლევილში ქართული ფესტივალის პარალელურად სხვა ღონისძიებებიც იმართება. წმინდა იოანე ნათლისმცემლის ეკლესიაში ანსამბლებმა „ბასიანმა“ და „რუსთავმა“ ქართული საგალობლები შეასრულეს და ეროვნული ფოლკლორის ნიმუშები წარმოადგინეს.
აღსანიშნავია, რომ განსაკუთრებულად შთამბეჭდავი იყო „ბასიანისა“ და „რუსთავის“ ერთად შესრულებული ,,მრავალჟამიერი”.
საგულისხმოა, რომ ქართული საგალობლები და ხალხური სიმღერები სწორედ ლევილის წმინდა იოანე ნათლისმცემლის ეკლესიაში შესრულდა, რადგან ტაძარს ლევილში მცხოვრებ ქართველებთან მნიშვნელოვანი ისტორია აკავშირებს. გარდა იმისა, რომ ამ ტაძარში იმართებოდა ლევილის შატოში შეფარებული ქართული ოჯახებისთვის მნიშვნელოვანი საზეიმო თუ სამგლოვიარო ღონისძიებები, ლევილის მამულის მკვიდრისა და მმართველის, მამია ბერიშვილის, მეუღლის – კრისტიან ლეკლერკის, ინიციატივით, ტაძრის ულამაზესი ვიტრაჟები ქართველმა ოსტატმა, ემიგრაციის თვალსაჩინო წარმომადგენელმა გივი მელიავამ დაამზადა.
ეკლესიის ვიტრაჟები მეტისმეტად იყო დაზიანებული და მათ აუცილებლად სჭირდებოდა განახლება. 1961 წელს კრისტიან ლეკლერკს ვიტრაჟების დამზადებისთვის თანხის მოსაძიებლად გაუჩნდა იდეა, ლევილის მამულის პარკში დაბის მკვიდრთა სამრევლო დღესასწაული გაემართათ. ამ ინიციატივას სამრევლო უმალვე დათანხმდა. ლევილის მამულში გამართულმა დღესასწაულმა წარმატებით ჩაიარა და შემოსული თანხით ეკლესიისთვის ახალი ვიტრაჟები დამზადდა. 1961 წლიდან მოყოლებული, სამრევლო ზეიმი, რომელსაც დღეს „ალუბლების დღესასწაულს“ უწოდებენ, ტრადიციად იქცა და ყოველწლიურად იმართება ქართველთა მამულის პარკში 24 ივნისს – კათოლიკური კალენდრით წმინდა იოანე ნათლისმცემლის ხსენების დღეს.
შეგახსენებთ: ლევილის ისტორიულ მამულში მიმდინარე ქართულ ფესტივალში მონაწილეობდნენ ანსამბლები „ბასიანი“ და „რუსთავი“. ისინი აუდიტორიის წინაშე მეორე კვირის საფესტივალო ღონისძიებებზე წარდგნენ. გარდა ამისა, ფესტივალის მეორე კვირას გაიმართა შეხვედრები წარმატებულ ქართველ ფეხბურთელებთან (გიორგი ლომაია, გიორგი ნავალოვსკი, დავით სირაძე); ჩატარდა ტიხრული მინანქრის ოსტატის, სოფიო მუშკუდიანის, მასტერკლასი და გაიმართა მისი ნამუშევრების გამოფენა; საზოგადოების წინაშე წარდგნენ ეთნოჯაზბენდი „ირიაო“ და ქუთაისის სიმღერისა და ცეკვის სახელმწიფო აკადემიური ანსამბლი.
ინფორმაციისთვის: საქართველოს კულტურისა და სპორტის სამინისტროს ინიციატივითა და საქართველოს მთავრობის მხარდაჭერით 24 მაისიდან 14 ივლისამდე ლევილის ისტორიულ მამულში საზოგადოებას ქართული ფესტივალის კულტურული და სპორტული ღონისძიებები ელოდება. ღონისძიებები ყოველ შაბათ-კვირას იმართება და მათზე დასწრება თავისუფალია.
ქართულ ფესტივალში მონაწილეობის მისაღებად ლევილში სხვადასხვა დროს 700-ზე მეტი ხელოვანი და სპორტსმენი გაემგზავრება. ფესტივალში მონაწილეობენ: კულტურისა და სპორტის სახელოვანი წარმომადგენლები, მუნიციპალური სახელმწიფო თეატრები, სხვადასხვა რეგიონის ფოლკლორული და ქორეოგრაფიული ანსამბლები, შემოქმედებითი ჯგუფები.
წელს ფესტივალი მოიცავს არაერთ სპორტულ აქტივობას; ასევე, ღონისძიებებში პირველად მონაწილეობენ ხის ოსტატები, მწერლები და სამხატვრო აკადემიის სტუდენტები.
ქართული ფესტივალის მხარდამჭერები არიან ღვინის ეროვნული სააგენტო და შპს „ჯეოვაინ თრეიდინგი“.
ინფორმაციას კულტურის სამინისტრო ავრცელებს.
ნინო ლაცაბიძის განცხადებით, დამატებით 70 ახალი ავტობუსის შეძენით, რუსთაველების ათწლეულების განმავლობაში არსებული პრობლემა მოგვარდება. ტენდერის დასრულების შემდეგ შემოდგომიდან, რუსთავი-თბილისის მიმართულებით, თანამედროვე, ეკოლოგიურად სუფთა, შშმ პირებზე სრულად ადაპტირებული მუნიციპალური ტრანსპორტი, დედაქალაქში უკვე ბასლაინზე იმოძრავებს.
„ათასობით რუსთაველის პრობლემა გადაწყვეტილია, რუსთაველები თბილისის მიმართულებით კომფორტული მუნიციპალური ტრანსპორტით იმგზავრებენ. პრემიერ მინისტრის ირაკლი კობახიძის ძალიან დიდი თანადგომით და ჩვენი საპარლამენტო გუნდის წევრების ალექსანდრე დალაქიშვილისა და ირაკლი შატაკიშვილის მხარდაჭერით, რუსთავის ბიუჯეტი 20 მილიონი ლარით იზრდება. ეს კი ჩვენი ქალაქისთვის ისეთი უმნიშვნელოვანესი საკითხის მოგვარების შესაძლებლობას გვაძლევს, როგორიცაა რუსთავი-თბილისის მიმართულებით სატრანსპორტო საშუალებების შეძენა. საკითხი, რომელზეც საქართველოს მთავრობასთან და პარლამენტთან ერთად, რუსთავის მერიის გუნდი, ხანგრძლივი დროის განმავლობაში ვმუშაობდით, წარმატებით დასრულდა. შემოდგომიდან, რუსთაველებს, დედაქალაქის მიმართულებით, კომფორტულად და შეუფერხებლად მგზავრობის შესაძლებლობა ექნებათ. ჩვენ დღეს ვაცხადებთ ტენდერს, რის შემდეგაც უკვე გვექნება შესაძლებლობა ათასობით რუსთაველს, რუსთავის მერიამ მთელ გუნდთან ერთად, კიდევ უფრო გაუმჯობესებული სერვისი შევთავაზოთ სატრანსპორტო მიმართულებით. ჩვენ თვეების განმავლობაში ვმუშაობდით თბილისის მერიასთან, რისთვისაც მე მინდა მადლობა ვუთხრა მათ. რუსთავის ბიუჯეტის 20 მილიონი ლარით გაზრდა, მთავრობის განკარგულებით მოხდა, განსაკუთრებული მადლობა მინდა გადავუხადო პრემიერ მინისტრს, იმისთვის, რომ რუსთაველებისთვის წლების განმავლობაში მოუგვარებელი საკითხის გადაჭრის შესაძლებლობა მოგვცა”, – განაცხადა რუსთავის მერმა ნინო ლაცაბიძემ.
ახალი მუნიციპალური ტრანსპორტი, რუსთაველებს დედაქალაქში რამდენიმე მარშრუტზე გადაიყვანს და ბასლაინზე იმოძრავებს, რაც მგზავრების შეუფერხებლად გადაყვანის კიდევ ერთი გარანტი იქნება. მუნიციპალური ტრანსპორტის რეფორმა, რომელიც რუსთავის მერიამ 2022 წელს დაიწყო, წარმატებით გრძელდება და მოსახლეობისთვის მიცემული კიდევ ერთი პირობა-დედაქალაქის მიმართულებით კომფორტული მგზავრობის უზრუნველყოფა, ფაქტობრივად შესრულებულია.
გოგა ჩანადირი
ეს დეტალები ქალაქს ძველისა და ახლის, ისტორიისა და თანამედროვეობის შეხვედრის ადგილად აქცევენ და დიდ ინტერესს აღძრავენ ადგილობრივ თუ უცხოელ მნახველებში.
ბევრი რამ თბილისის შესახებ კი კვლავ ფარდის მიღმა, ფართო აუდიტორიისათვის უცნობი რჩება. თბილისური ლაბირინთები, ვიწრო ქუჩები, ქვით ნაშენი სახლები და ხის აივნები, “იტალიური ეზოები” და არტ ნუვო – ყოველივე ეს აქცევს თბილისს განსაკუთრებული კოლორიტის მქონე, კოსმოპოლიტური ბუნების ქალაქად, რომლის იდუმალი სილამაზეც ყველაზე კარგად სწორედ დეტალებში ჩანს.
თბილისურმა ხის სახლებმა რესტავრაციის შემდგომ თითქოს დაიბრუნეს კიდეც ძველებური დიდება, თუმცა, ბევრი მათგანის არქიტექურა დრომ და უკონტროლო მშენებლობებმა იმსხვერპლა, რამდენიმე სახლი კი დანგრევის პირასაა მისული. ბევრი ღირებული ნაგებობა დღემდე არცაა შემორჩენილი.
თბილისში გაცილებით მეტი რამაა სანახავი, ვიდრე ყველასათვის ცნობილი ღირსშესანიშნაობებია – ქალაქი ბევრ საიდუმლოს ინახავს, გამორჩეულ შენობასა თუ ადგილს, რომელთა უკანაც განსხვავებული და საინტერესო ისტორიები დგას.
ერთ-ერთი ასეთი შენობა, გასაოცარი არქიტექურით, აღმაშენებლის 36 ნომერში მდებარეობს. საკმარისია, კარები შეაღოთ, რომ მაშინათვე განსხვავებულ და განსაკუთრებულ გარემოში აღმოჩნდებით. მიუხედავად სიძველისა, შენობა დღემდე ინარჩუნებს უნიკალურ ხიბლს.
სახლი XIX-XX საუკუნეებში, ცნობილი ქველმოქმედისა და საზოგადო მოღვაწის, ერასტო ჭავჭანიძის მიერ აშენდა. როგორც იმ დროს აშენებული მდიდრული სახლებისთვის იყო დამახასიათებელი არქიტექტირა, ინტერიერი ოქროს ნიმუშებით არის მორთული. ჭერიდან ანგელოზები იყურებიან, ხოლო კედლები “ვეფხისტყაოსნის” ეპიკური სცენებითაა მორთული. ილუსტრაციები ზიჩისეულია.
უნიკალური ვიტრაჟი ბეთლემის ქუჩიდან დედაქალაქის არქიტექტურის კიდევ ერთი სამკაულია. ბეთლემის ქუჩაზე ეს ერთადერთი შენობაა ფერადი ფანჯრებით – უნიკალური სახლი მე-19 საუკუნით არის დათარიღებული და ლამაზი ფანჯრების გარდა, სახლს ხის მოჩუქურთმებული აივანიც ამშვენებს. 100 წლის შემდეგაც საუცხოოდ შემონახული ვიტრაჟები ტურისტებისათვის ერთ-ერთი გამორჩეული სანახაობაა.
2025 წლის 8 თვის განმავლობაში, საქართველოს დაცულ ტერიტორიებს 928 966 ვიზიტორი ესტუმრა. ვიზიტორთა შორის 44% ქართველი, ხოლო 56% სხვა ქვეყნის მოქალაქეა.
2025 წლის 8 თვეში, საქართველოს დაცულ ტერიტორიებზე ვიზიტორთა რაოდენობა, გასულ წელთან შედარებით, 11%-ით არის გაზრდილი.
აღსანიშნავია, რომ აღნიშნულ პერიოდში უცხოელი ვიზიტორების რაოდენობა გაზრდილია 10%-ით.
დაცული ტერიტორიების სააგენტო აქტიურად განაგრძობს ეკოტურიზმის განვითარების ხელშეწყობას, რაც მიზნად ისახავს ვიზიტორებისთვის დაცულ ტერიტორიებზე მოგზაურობის უფრო მარტივ და უსაფრთხო გარემოს შექმნას. ამჟამად, ქვეყნის მასშტაბით 12 დაცულ ტერიტორიაზე ხორციელდება სხვადასხვა ინიციატივა, რომელიც ითვალისწინებს საფეხმავლო ბილიკების ქსელის მოწყობასა და რეაბილიტაციას, შესაბამისი მცირე ინფრასტრუქტურის განთავსებით.
როგორც მან თბილისის მუნიციპალიტეტის მთავრობის სხდომაზე აღნიშნა, ღონისძიებები ორ ლოკაციაზე – რიყის პარკსა და ორბელიანის მოედანზე ჩატარდება. 28 და 29 სექტემბერს ბოტანიკური ბაღი „პურის ფესტივალს“ უმასპინძლებს
„ჩვენ ყოველ წელს აღვნიშნავთ ჩვენი ულამაზესი დედაქალაქის დღეებს. წელსაც, 5-6 ოქტომბერს გაიმართება „თბილისობა“. ღონისძიებები რიყის პარკსა და ორბელიანის მოედანზე ჩატარდება. ძალიან საინტერესო ღონისძიებებია დაგეგმილი, რის შესახებაც დეტალურ ინფორმაციას სულ მალე მივაწვდით საზოგადოებას. იქამდე კი მოინიშნეთ 5 და 6 ოქტომბერი და ერთად აღვნიშნოთ თბილისობა“, – განაცხადა კახა კალაძემ.
ღონისძიებების აღწერა
თბილისობის ფარგლებში დაგეგმილი აქტივობები მოიცავს:
თბილისობა ყოველწლიური დღესასწაულია, რომელსაც დიდი ისტორია აქვს. ეს არის ტრადიციული კულტურული ზეიმი, შემოდგომის ფესტივალი, რომელიც აღინიშნება ოქტომბერში
თბილისობის დღესასწაული 1079 წელს აღინიშნა. ეს იყო სიმბოლო უხვმოსავლიანობისა, ბარაქისა, ნაყოფიერებისა. აგრეთვე, კარგად წარმოაჩენს ქართველი ხალხის ხასიათს: მასპინძლობის საოცარი კულტურა, გულუხვობა და ხელგაშლილობა.
© SheniEkimi.ge
