საქართველო-სომხეთის საფეხბურთო მატჩის გამო, 23 მარტს “დინამო არენას” მიმდებარე ქუჩებზე სატრანსპორტო მოძრაობა დროებით შეიზღუდება. თბილისის მერიის ინფორმაციით, შეზღუდვა 23 მარტის 14:00 საათიდან დაიწყება და გაგრძელდება მატჩის დასრულებამდე, რის შემდეგაც მოძრაობა სრულად აღდგება.
“საქართველო-სომხეთის მატჩის გამო, „დინამო არენას“ მიმდებარე ქუჩებზე მოძრაობა დროებით შეიზღუდება
საქართველო-სომხეთის საფეხბურთო მატჩის გამო, „დინამო არენას“ მიმდებარე ქუჩებზე ტრანსპორტის მოძრაობა დროებით შეიზღუდება. შეზღუდვა 23 მარტის 14:00 საათიდან იმოქმედებს.
მატჩამდე და მატჩის პერიოდში ნაწილობრივ ან საჭიროებიდან გამომდინარე სრულად დაიკეტება აკაკი წერეთლის გამზირი, გიორგი ცაბაძის, მაიკოვსკის, ყიფიანის და მეტრეველის ქუჩები.
გადაადგილება შესაძლებელი იქნება თევდორე მღვდლის, აბასთუმნის, მიხეილ წინამძღვრიშვილის, თამარ მეფის გამზირის, არჩილ ქურდიანის, შოთა იამანიძისა და მურმან ლებანიძის ქუჩებზე.
რაც შეეხება საზოგადოებრივ ტრანსპორტს, ავტობუსები და მიკროავტობუსები წერეთლის გამზირიდან დაუკავშირდებიან ქუთაისის ქუჩას, ვახუშტის ხიდით გადავლენ სააკაძის მოედანზე, გმირთა მოედანზე და შემდეგ დადგენილი სქემით იმოძრავებენ.
აღნიშნულ ტერიტორიაზე ტრანსპორტის მოძრაობა მატჩის დასრულების შემდეგ აღდგება,” — ინფორმაციას თბილისის მერია ავრცელებს.
ფეხბურთის ქართველი ქომაგები გადამწყვეტი მატჩის მოლოდინში არიან – საქართველო – სომხეთის საპასუხო მატჩი 23 მარტს, თბილისში გაიმართება. შეხვედრა დინამო არენაზე შედგება და 18:00 საათზე დაიწყება.
საქართველოს ეროვნულმა ნაკრებმა ერთა ლიგის პლეი-ოფის პირველ მატჩში, 21 მარტს, სომხეთის ნაკრები დაამარცხა. ერევანში ჩატარებული შეხვედრა ჩვენი გუნდის გამარჯვებით დასრულდა – 0:3.
Հայերեն
Azərbaycan dili
English
ქართული
Русский