15 თებერვალს მირქმის საუფლო დღესასწაულია – რა უნდა ვიცოდეთ ამ დღის შესახებ და რა უნდა გააკეთოს ყოველმა ქრისტიანმა….
მირქმა იგივე მიგებებას ნიშნავს. ძველი აღთქმის ახალთან შეხვედრა, ძველი სამყაროს ახალ ქრისტიანულთან, ეს არის დღე, როცა პატარა იესო დაბადებიდან მე-40 დღეს იერუსალიმის ტაძარში მიიყვანეს და მას იქ სვიმეონ ღვთისმიმრქმელი შეხვდა.
სიტყვა “მირქმა” ასევ გულში ჩაკვრას ნიშნავს. ამ დღეს ადამიანი შეხვდა
ღმერთს იერუსალიმის ტაძარში.
საინტერესო ტრადიცია უკავშირდება მირქმას, რომლის უძველესი სახელწოდებაა ლამპრობა. იერუსალიმის ეკლესიაში არსებობდა ტრადიცია, რომლის მიხედვითაც მთელი მსახურების მანძილზე მორწმუნეები სანთლებს არ აქრობდნენ, შემდეგ კი ეწყობოდა ლიტანიობა.
კარგი იქნება, ვინც დაესწრება წირვას, წირვაზე დანთებული სანთელი წამოიღოს სახლში და მთელი წელი სახლში ლოცვისას დაანთოს.
პატრიარქის კურთხევით მირქმას თითოეულ ოჯახში ბავშვებმა დალოცონ მშობლები და მშობლებმაც – შვილები და ერთმანეთში გაცვალონ ანთებული სანთლები
ბავშვი ანთებულ სანთელს აწვდის ოჯახის უფროსს და ისიც თავის სანთელს გადასცემს ბავშვს, რაც სიმბოლოა ძველი და ახალი აღთქმის შეხვედრისა და გაერთიანებისა
ღმერთმა ჩაგიკრათ გულში, დაგილოცოთ თითოეულის თქვენთაგანს ბავშვები და მათი მომავალი ცხოვრება
