„შემოიარე საქართველო“ 2025 დასრულდა. გარდაბნის მუნიციპალიტეტის მერიის ახალგაზრდულმა პროექტმა 2025 წლის ექსკურსია-ლაშქრობები დასავლეთ საქართველოში დაასრულა, – ინფორმაციას გარდაბნის მუნიციპალიტეტის მერია ავრცელებს.
„პროექტი, რომელიც უკვე მეათე წელია წარმატებით ხორციელდება, ითვალისწინებს მუნიციპალიტეტში მცხოვრები ახალგაზრდებისთვის ზაფხულის განმავლობაში საქართველოს ისტორიული მხარეების მონახულებას.
პროექტი ადგილობრივი ბიუჯეტიდან ფინანსდება და მასში ყოველწლიურად ასობით გარდაბნელი ახალგაზრდა მონაწილეობს“, – აღნიშნულია გავრცელებულ ინფორმაციაში.
