იტალიელმა ასტროფოტოგრაფმა მარსელა პეისმა 10-წლიანი პროექტი შეაჯამა. მან ამ დროის განმავლობაში 48 სხვადასხვა ფერის სავსემთვარეობა დააფიქსირა. ნამუშევარი წლის ასტროფოტოგრაფიის დაჯილდოებაზეა ნომინირებული.
პეისი კარიერის ადრეულ წლებში დაწყებითი სკოლის მასწავლებელი იყო. მოგვიანებით ის ფოტოგრაფიით, უფრო ზუსტად კი – ასტრონომიითა და ასტროფოტოგრაფიით დაინტერესდა და გადაწყვიტა, მთვარის სურათების შეგროვება დაეწყო.
ფოტოები სხვადასხვა ქვეყანაში თუ კონტინენტზეა გადაღებული. როგორც თავად ამბობს, პროექტში ის დამოუკიდებლად იღებდა მონაწილეობას და ფოტოების შეგროვება “ერთი არაფრით გამორჩეული აპარატით შეძლო”. 10 წელი მან სხვადასხვა ფერის მთვარის ფოტოკოლაჟით შეაჯამა.
