რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა თბილისში საერთაშორისო სტანდარტის ყინულის არენის მშენებლობა დაასრულა. ინფორმაციას რეგიონული განვითარებისა და ინფრასტრუქტურის სამინისტრო ავრცელებს.
„თბილისის ყინულის არენა 2025 წლის ევროპის ზამთრის ახალგაზრდულ ოლიმპიადას უკვე თებერვალში უმასპინძლებს.
უმაღლესი დონის თბილისის ყინულის არენის შენობაში მოეწყო 60 მეტრი 30 მეტრზე ზომის ყინულის მოედანი, 700-მდე მაყურებელზე გათვლილი ტრიბუნები, სავარჯიშო, ქორეოგრაფიული, დასასვენებელი, სამედიცინო, საგრიმიორო და საკონფერენციო დარბაზები, გასახდელები და სველი წერტილები. ასევე, გათვალისწინებულია სივრცე კაფესთვის – მოედნის პანორამული ხედით და ავტოსადგომი.
შენობაში დამონტაჟდა გაგრილების სისტემა, რომელიც, საერთაშორისო სტანდარტის შესაბამისად, უზრუნველყოფს სხვადასხვა ტემპერატურულ რეჟიმს და ყინულის საფარის გაგრილებასთან ერთად, არეგულირებს როგორც ტენიანობის დონეს, ისე მაყურებელთა სივრცის გათბობას. მოედანზე დამონტაჟდა ორი ტაბლო და განათების სისტემა. შენობა სრულად ადაპტირებულია შეზღუდული შესაძლებლობების მქონე პირებისთვის.
ყინულის არენა მოემსახურება ჰოკეის, ფიგურული სრიალისა და კერლინგის სპორტის სახეობებს.
სპორტული კომპლექსი აღიჭურვა ყინულის მოედნის მოსავლელი და საპრიალებელი ორი ერთეული მანქანა-დანადგარით. იატაკის სპეციალიზებული იზოლირებული საფარის საშუალებით ყინულის გადნობის გარეშე, მოედანი მოემსახურება საზაფხულო სპორტის სახეობებსა და სხვა სახის ღონისძიებებსაც (კალათბურთი, მინი ფეხბურთი, ხელბურთი და ა.შ).
ყინულის არენის უახლესი და საერთაშორისო სტანდარტების შესაბამისი ტექნოლოგიებით აღჭურვა და მონტაჟი უზრუნველყო ჩეხურმა კომპანიამ.
ყინულის არენის პროექტირება-მშენებლობა 2023 წლის დეკემბრიდან დაიწყო, რაც სახელმწიფო ბიუჯეტიდან 29.2 მილიონი ლარით დაფინანსდა.
2025 წლის ევროპის ზამთრის ახალგაზრდულ ფესტივალს საქართველო თებერვალში თბილისში ბაკურიანსა და ბათუმში უმასპინძლებს. ახალგაზრდული ფესტივალისთვის, რეგიონული განვითარებისა და ინფრასტრუქტურის სამინისტრომ, ბაკურიანში ბიათლონის მოედნისა და თხილამურებით რბოლის 3.5 კმ სიგრძის ტრასის მშენებლობაც დაასრულა”, – ნათქვამია ინფორმაციაში.
ღონისძიებას, პრემიერ-მინისტრ ირაკლი კობახიძესთან, რეგიონული განვითარებისა და ინფრასტრუქტურის მინისტრ ირაკლი ქარსელაძესთან და სპორტის მინისტრ შალვა გოგოლაძესთან ერთად, დედაქალაქის მერი კახა კალაძე დაესწრო.
„ოლიმპიური სტანდარტების ყინულის მოედნის მშენებლობის პროექტი რეგიონული განვითარებისა და ინფრასტრუქტურის სამინისტრომ განახორციელა. ხარისხი არის ისეთი, როგორიც ევროპულ სტანდარტს შეესაბამება და 2025 წლის საერთაშორისო ტურნირს, რომელიც 9 თებერვალს იღებს სტარტს, ღირსეულად ვუმასპინძლებთ. მე, როგორც ამ ქალაქში მცხოვრებს და თბილისის მერს, ძალიან მიხარია, რომ მსგავსი პროექტი განხორციელდა. როდესაც ასეთი ინფრასტრუქტურა იქმნება, რა თქმა უნდა, იქმნება შესაძლებლობაც, რომ აღნიშნული სპორტი კიდევ უფრო განვითარდეს, წინ წავიდეს და ხელი შეუწყოს ყველა იმ ახალგაზრდას, რომელიც სპორტის ამ სახეობაში ჩართვას აპირებს ან უკვე ჩართულია. მინდა, მადლობა გადავუხადო მინისტრ ირაკლი ქარსელაძეს, რადგან ძალიან კარგი ინფრასტრუქტურა შეიქმნა. წინ კიდევ ბევრი მნიშვნელოვანი პროექტი გველოდება“, – განაცხადა კახა კალაძემ.
თბილისის ყინულის არენა ჰოკეის, ფიგურული სრიალისა და კერლინგის სპორტის სახეობებს მოემსახურება. შენობაში მოეწყო 60/30 მეტრის ზომის ყინულის მოედანი, 700-მდე მაყურებელზე გათვლილი ტრიბუნები, სავარჯიშო, ქორეოგრაფიული, დასასვენებელი, სამედიცინო, საგრიმიორო და საკონფერენციო დარბაზები, გასახდელები და სველი წერტილები. ასევე, გათვალისწინებულია სივრცე კაფესთვის – მოედნის პანორამული ხედით და ავტოსადგომი. შენობა სრულად ადაპტირებულია შეზღუდული შესაძლებლობების მქონე პირთათვის.
ყინულის არენის უახლესი და საერთაშორისო სტანდარტების შესაბამისი ტექნოლოგიებით აღჭურვა და მონტაჟი ჩეხურმა კომპანიამ უზრუნველყო.
„ჩვენს ქვეყანას უკვე აქვს ოლიმპიური სტანდარტების შესაბამისი ყინულის არენა. ინფრასტრუქტურა, რომელიც აქამდე დედაქალაქს არ ჰქონდა დღეს დასრულდა. პროექტით გათვალისწინებულია საერთაშორისო ოლიმპიური კომიტეტის ყველა მოთხოვნა, როგორც პარამეტრების, ისე საინჟინრო და უსაფრთხოების მიმართულებით“- განაცხადა რეგიონული განვითარებისა და ინფრასტრუქტურის მინისტრმა ირაკლი ქარსელაძემ თბილისში საერთაშორისო სტანდარტის ყინულის არენის გახსნის შემდეგ.
რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა თბილისში საერთაშორისო სტანდარტის ყინულის არენის მშენებლობა დაასრულა.
როგორც ირაკლი ქარსელაძემ განაცხადა, ობიექტის მშენებლობისას გამოყენებული იყო თანამედროვე ტექნოლოგიები, უმაღლესი დონის ყინულის არენის შენობაში მოეწყო 60 მეტრი 30 მეტრზე ზომის ყინულის მოედანი, 700-მდე მაყურებელზე გათვლილი ტრიბუნები, სავარჯიშო, ქორეოგრაფიული, დასასვენებელი, სამედიცინო, საგრიმიორო და საკონფერენციო დარბაზები, გასახდელები და სველი წერტილები. ყინულის არენა მოემსახურება ჰოკეის, ფიგურული სრიალისა და კერლინგის სპორტის სახეობებს.
„თამამად შეიძლება ითქვას, რომ აღნიშნული ობიექტი სრულად აკმაყოფილებს ყველა საერთაშორისო მოთხოვნებს, გათვალისწინებულია სხვადასხვა სპორტის სახეობის საჭირო ყველა სივრცე. რამდენიმე დღეში ყინულის არენაში უკვე ევროპის ზამთრის ახალგაზრდული ოლიმპიური ფესტივალი გაიმართება, რომელიც კიდევ ერთხელ არის თბილისის ახალი ყინულის არენის მაღალი სტანდარტის და ხარისხის აღიარება,“-აღნიშნა ირაკლი ქარსელაძემ.
ყინულის არენის პროექტირება-მშენებლობა 2023 წლის დეკემბრიდან დაიწყო, რაც სახელმწიფო ბიუჯეტიდან 29.2 მილიონი ლარით დაფინანსდა.
