ბორჯომის ხეობა უნდა მოიარო და ყველა სოფლის ჰაერი ჩაისუნთქო. თითოეულ სოფელს აქვს განსხვავებული სამკურნალო თვისებები, ქვენს წინაშეა უნიკალური კურორტი მზეთამზე.
კურორტ ცემისაგან განსხვავებით აქ შედარებით მშრალი ჰავაა, წაღვერის თემში, ზღვის დონიდან 1250 მეტრზე მდებარეობს და ბორჯომიდან 18 კილომეტრითაა დაშორებული. კურორტს უნიკალურობას მისი განსაკუთრებული მდებარეობისა და ბუნების გარდა, ისტორიული არტეფაქტებიც ანიჭებს.
სოფლის სახელის წარმოშობის ორი ვერსია არსებობს. ადგილობრივების გადმოცემით, ერთ-ერთი ნადირობის დროს, მონადირეებს ტყეში გზა აებნათ და შემთხვევით გამოქვაბულს მიადგნენ, როდესაც გამოქვაბულში შევიდნენ, მათ იხილეს ულამაზესი ქალწული და გაოცებისგან აღმოხდათ: მზესავით ლამაზი კიარა “მზეთამზეაო”.
თუმცა ისტორიული ფაქტები და არქეოლოგიური გათხრების შედეგად აღმოჩენილი ნივთები მეორე ვერსიას ადასტურებს. 1980-იან წლებში მზეთამზეში განხორციელებული გათხრების შედეგად აღმოაჩინეს რიტუალური სამარხები, რომლებშიც ქალები ემბრიონის პოზაში იყვნენ დამარხულნი და მუცელზე მზის ფორმის ბრინჯაოს დისკოები ჰქონდათ დამაგრებული. აღნიშნული არტეფაქტები, ამჟამად, ბორჯომის მხარეთმცოდნეობის მუზეუმში ინახება. სპეციალისტების მოსაზრებით, სამარხები 3500 წლის წინანდელია და მზის თაყვანისცემის პერიოდს ემთხვევა.
ბორჯომისა და ჯავახეთის ზეგანის ტერიტორიაზე ასეთი 25 დისკოა აღმოჩენილი. დისკოები ეკეთათ ქურუმ ქალებს, რომლებიც განსაკუთრებული წინასწარმეტყველების ნიჭით იყვნენ დაჯილდოებული. არსებობს მომსაზრება, რომ ეს დისკოები გარკვეულ ასტრონომიულ ცოდნასაც განასახიერებდნენ. კლიმატი შუამთისაა (ქვედა სარტყელი). ზამთარი ზომიერად რბილი და თოვლიანი, ზაფხული ზომიერად მშრალი და ზომიერად თბილი. ზემო და ქვემო მზეთამზე დაფარულია წიწვოვანი ტყეებით, გარშემორტყმულია მაღალი მთებით.
#datashvil #drpkhakadze #sheniambebi #shenidasveneba
იხილეთ ასევე
Sheni Network
სკანირება
QR კოდი
shenidasveneba.ge
QR კოდი
სტატიის ციტირება
შენი დასვენება. (2025). უნიკალური კურორტი მზეთამზე. 1 ოქტომბერი, 2025. https://shenidasveneba.ge/უნიკალური-კურორტი-მზეთამ/
სტატიის ციტირება
პროფ. გიორგი ფხაკაძე. უნიკალური კურორტი მზეთამზე [Internet]. თბილისი: Shenidasveneba.ge; 2025 [ციტირებულია: 2026 სექ 21]. ხელმისაწვდომია: https://shenidasveneba.ge/%e1%83%a3%e1%83%9c%e1%83%98%e1%83%99%e1%83%90%e1%83%9a%e1%83%a3%e1%83%a0%e1%83%98-%e1%83%99%e1%83%a3%e1%83%a0%e1%83%9d%e1%83%a0%e1%83%a2%e1%83%98-%e1%83%9b%e1%83%96%e1%83%94%e1%83%97%e1%83%90%e1%83%9b/
shenidasveneba.ge
იმოგზაურეთ საქართველოში GTour-თან ერთად
საქართველო ზამთარში — გუდაური, თბილისი და კახეთი (6 დღე)€1,190 ერთ ადამიანზეგორი და უფლისციხე — კლდის ქალაქი ერთ დღეში€140 ერთ ადამიანზეგუდაური — მთის გასეირნება€150 ერთ ადამიანზეკახეთი — ღვინო და მემკვიდრეობა, 3 დღე€690 ერთ ადამიანზე
ყველა ტური gtour.ge-ზე · დაჯავშნა WhatsApp-ით +995 577 416 314
