სამცხე-ჯავახეთში ულამაზესი ადგილები, რომელიც უნდა ნახოთ.
სამცხე-ჯავახეთი საქართველოს ერთ-ერთი ყველაზე უნიკალური და შთამბეჭდავი რეგიონია. მისი ლანდშაფტები, კულტურული მემკვიდრეობა და ისტორიული ძეგლები განსაკუთრებულად იზიდავს ტურისტებს. ქვემოთ გაწვდილიათ რამდენიმე ადგილი, რომელიც ნამდვილად უნდა მოინახულოთ.
სამცხე-ჯავახეთში ულამაზესი ადგილები – აბასთუმანი მდებარეობს სამცხე-ჯავახეთში, ადიგენის მუნიციპალიტეტში მდინარე ოცხის ხეობაში. აბასთუმანი გამოღჩეულია საოცარი ბუნებით, სუფთა ჰაერით და სამკურნალო გოგირდოვან აბანოებით. აქ ნახავთ აბასთუმნის ობსერვატორიას, რომელსაც შეგილიათ დღის და ღამის ნერბიმერ მონაკვეთში ესტუმროთ, დააკვირდეთ პლანეტების მოძარობას და დატკბეთ ვარსკვლავებით მოჭედილი ცის ყურებით. აბასთუმნის მონახულება ყველა სეზონზე შეგიძლიათ, თუმცა განსაკუთრებით საოცარი მაისის თვეში, წიწვოვანი ხეების დამტვერვის პერიოდშია.
აბულის მთა მდებარეობს ჯავახეთში, ახალქალაქის მუნიციპალიტეტში. სამარის ქედზე. მთის სიმაღლე 3301 მეტრია. აბულის მთა ჩამქრალი ვულკანია. ვულკანურ კონუსს სიძველისა და დიდი სიმაღლის გამო დაკარგული აქვს წესიერი ფორმა. მთის უმეტესი ნაწილი შემოსილია ალპური მდელოებით. აბულის მთა საუკეთესო ადგილია ლაშქრობის მოყვარულებისთვის და მათთვის, ვისაც მძაფრი შეგრძნებები იზიდავს.
მწვანე მონასტერი ბორჯომიდან რამდენიმე კილომეტრში, სოფელ ჩითახევის მახლობლად, დაბურული ფოთლოვანი ტყის შუაგულში მდებარეობს. დღეს აქ მამათა მონასტერი ფუნქციონირებს და ბერები მოღვაწეობენ. ძეგლი მეცხრე საუკუნით თარიღდება. მეცნიერთა აზრით, ის ცნობილი ქართველი მოღვაწის, წმინდა გრიგოლ ხანძთელის მოწაფეების – ქრისტეფორესა და თევდორეს აშენებულია.
მონასტრის გვერდით ჩამოედინება ანკარა წყარო, სადაც ქვებზე დღემდე მოსჩანს სისხლის ნაკვალევი. ადგილობრივი მღვდელმსახურები მოგიყვებიან, რომ ისტორიული ცნობების თანახმად, მე-16 საუკუნეში შაჰ-თამაზის შემოსევების დროს მონასტერი დაურბევიათ, ბერები სასტიკად უწამებიათ და სწორედ ამ მდინარის პირას დაუხოცავთ. მონასტრის ტერიტორიაზე დღესაც შეგიძლიათ ნახოთ ძნელბედობის ჟამს დაღვრილი ბერების უხრწნელი სისხლის უამრავი ნაკვალევი. ეს ტაძრის უდიდესი სიწმინდეა, რომელსაც დრო და ჟამი ვერაფერს აკლებს.
ვარძია სამცხე-ჯავახეთის სავიზიტო ბარათია. კლდეში ნაკვეთი ქალაქი, მდებარეობს ასპინძის მუნიციპალიტეტში. ვარძია ყოველ ჯერზე აოცებს მნახველებს და ამოგზაურებს ოქროს ხანის პერიოდში.
ახალციხის ციხე (რაბათი) – ისტორიული ციხე საქართველოში, ახალციხის მუნიციპალიტეტში. მდებარეობს ქალაქ ახალციხეში, ზღვის დონიდან 1000 მ სიმაღლეზე.
საფარის მონასტერი, შუა საუკუნეების ქართული მონასტერია. სამცხის მფლობელ ჯაყელთა ერთ-ერთი რეზიდენცია. დაარსებულია არაუგვიანეს X საუკუნისა. მდებარეობს სამცხე-ჯავახეთის მხარის ახალციხის მუნიციპალიტეტის სოფელ ღრელთან. საფარის მონასტერი ულამაზესია წელიწადის ნებისმიერ დროს, თუმცა განსაკუთრებულ ელფერს შემოდგომით იძენს, როცა ტყე სხვადასხვა ფერად იღებება.
ფარავნის ტბა ვულკანური ტიპის ტბაა და მდებარეობს ნინოწმინდის მუნიციპალიტეტში, ზღვის დონიდან 2073 სიმაღლეზე. ფარავნის ტბის ირგვლივ გაშენებულია სოფლები: ფოკა, ვლადიმიროვკა, ტამბოვკა, როდიონოვკა და ასფარა. გაყინულ ფარავნის ტბას ზამთრობით სათევზაოდაც იყენებენ. არაჩვეულებრივი ხედები იშლება ტბის გარშემო. ტბა წელიწადის ყველა დროს მიმზიდველია და თვალწარმტაცი.
წუნდის ტბა რეგიონში მდებარეობს ტბა, რომელიც “თამარის სარკის” სახელით არის ცნობილი. ლეგენდის თანახმად, თამარ მეფე, რომელიც ამ მხარეს ხშირად სტუმრობდა, ტბის ანკარა წყალში იცქირებოდა და თმას ივარცხნიდა. ლეგენდის შესახებ, თითქმის ყველა ადგილობრივმა იცის და ისტორიას სიამაყით იხსენებს. ულამაზესი გარემო და გაშლილი ხედები ძალიან მიმზიდველს ხდის წუნდის ტბას ბუნებისა და ხეტიალის მოყვარულთათვის.ტბასთან ახლოს მდებარეობს თმოგვის ციხე, რომელიც საქართველოს სათავდაცვო ნაგებობათა შორის ერთ-ერთი შთამბეჭდავი ძეგლია.
დასკვნა
სამცხე-ჯავახეთი გთავაზობთ დაუვიწყარ გამოცდილებას და უნიკალურ ადგილებს, რომლებიც ღირს დასათვალიერებლად. ეს რეგიონი იდეალურია როგორც ისტორიული, ისე ბუნებრივი ტურიზმის მოყვარულთათვის.
