15/09/2021
საზოგადოებრივი ჯანდაცვის ექსპერტი, გიორგი ფხაკაძე საზოგადოებას მიმართავს და სიფრთხილისკენ მოუწოდებს. ის ამბობს, რომ ეპიდსიტუაცია საარჩევნო გარემოს ბრალია, რადგან, წესით, მეოთხე ტალღის პიკი უნდა დასრულებულიყო, რომ არა წინასაარჩევნო კამპანია და დღესაც 60 გარდაცვლილი არ უნდა გვყავდეს. ის გვირჩევს, რაკი ჩვენზე, ხალხზე არავინ ზრუნავს, თავას მივხედოთ თავს და შემდეგი რჩევები გავითვალისწინოთ:
“1 არ ჩაეხუტოთ ერთმანეთს (კოცნაც გადადეთ ცოტა ხნით);
2 მოკლე მანძილზე ნუ გამოიყენებთ საზოგადოებრივ ტრანსპორტს და, საერთოდ, მაქსიმალურად მოერიდეთ საზოგადოებრივი ტრანსპირტით სარგებლობას;
3 საზოგადოებრივ ტრანსპორტში ნუ ლაპარაკობთ;
4 ტრანსპორტში კონდიციონერები გამორთული უნდა იყოს და ფანჯრები მაქსიმალურად ღია უნდა იყოს. ყველაზე უსაფრთხო ადგილი არის ღია ფანჯარასთან;
5 ტაქსიში “ორპირი გააკეთეთ” 2 ფანჯარა ღია 2 ფანჯარა ამოწეული;
6 შენობებში ცენტრალური კონდიცურება უნდა იქნას გამორთული და “ორპირი” უნდა იქნას შექმნილი, რათა რაც შეიძლება, მაქსიმალურად სუფთა ჰაერის ცირკულაცია ხდებოდეს;
7 გამოიყენეთ სამედიცინო პირბადე სახლიდან გასვლისას ყველგან
8 ხშირად დაიმუშავეთ ხელები
9 სანამ არის ფაიზერი ქვეყანაში, აიცერით
10 არა ნეგატივს: აერიდეთ/წაშალეთ/დაბლოკეთ /აღარ ნახოთ – ყველა ნეგატიური ამბავი, ადამიანები და აერიდეთ ნეგატიურ გარემოს. ნეგატივი არის მავნე თქვენი ორგანიზმისათვის
11 მიირთვით სუფთა წყალი, ამოიღეთ ხმარებიდან შაქარი, და მიირთვით სეზონური ხილი და ბოსტნეული.
12 გააკეთეთ მინიმუმ ერთი სიკეთე დღეში
ჯანმრთელობას გისურვებთ”
Professor Giorgi Pkhakadze, MD, MPH, PhD
#drpkhakadze #გიორგიფხაკაძე #accreditationge
Профессор Гиорги Пхакадзе. #ПрофессорПхакадзе
https://youtube.com/@drpkhakadze
Prepared by: ირინა დათაშვილი #datashvil
წყარო: https://www.alia.ge/kovidisgan-thavdatsvis-12-sashualeba-giorgi-phkhakadzis-rchevebi/
