„სასწაულია მღვიმევის დედათა მონასტერი.
შეგეწიოთ და გფარავდეთ ყველას”.
მღვიმევის დედათა მონასტერი იმერეთში, ჭიათურის მუნიციპალიტეტის სოფელ მღვიმევის მახლობლად მდებარეობს. XIII საუკუნით თარიღდება. ჭიათურიდან მონასტრამდე მიემართება ვიწრო და საკმაოდ გრძელი კიბე, რომლის ავლის შემდეგაც შესაძლებელია ხელოვნურად გამოკვეთილ გვირაბში შესვლა. გვირაბის გადახურვა საყრდენი თაღებითაა შემაგრებული. სამონასტრო კომპლექსი რამდენიმე ნაგებობისაგან შედგება.
უამრავი საფეხური უნდა აითვალო, რომ ახვიდე კლდის ქიმზე, ცის კიდესთან დედათა მონასტერში.კიბე გრძელ გვირაბს უერთდება.გვირაბი ხელოვნურადაა გაყვანილი და შემაგრებულია საყრდენი თაღებით.
გვირაბით შედიხარ მთავარ გამოქვაბულში, რომელიც 35 მ–ის სიღრმეშია შეჭრილი კლდეში.სწორედ ამ დიდი, ბუნებრივი მღვიმის გამო ეწოდა “მღვიმევის დედათა მონასტერი”.მღვიმის შუაგულში არის დიდი ლოდი, რომელიც საუკუნეების მანძილზე მხართეძოზე წამოწოლილი ნელ–ნელა მილიმეტრობით იზრდება. სიღრმეში მოჩუხჩუხებს ანკარა წყარო.
მონასტერში ინახებოდა უნოკალური ჭედური ხატები, დღეს საქართველოს სახელმწიფო მუზეუმშია დაცული. აქ იყო აგრეთვე ხეზე კვეთის ბრწყინვალე ნომუში, ვაზის კარი (მუზეუმშია დაცული),
ტაძარი XIII საუკუნეში რატი რაჭის ერისთავს დაუარსებია. მონასტერში შემორჩენილია ფრესკები: დამაარსებლისა, მისი მეუღლისა და ძმისა.
ტაძარი XIII საუკუნეში რატი რაჭის ერისთავს დაუარსებია. მონასტერში შემორჩენილია ფრესკები: დამაარსებლისა, მისი მეუღლისა და ძმისა.
სამონასტრო კომპლექსი მრავალი ნაგებობისაგან შედგება. მთავარი ტაძარი მაცხოვრის სახელობისაა. ის წარმოადგენს ორნავიან ბაზილიკას, რომლის ნავებიც ერთმანეთისაგან მასიურ სვეტებზე დაყრდნობილი თაღებითაა გამოყოფილი. ნაშენია თლილი ქვისა და კირისაგან; მას სახურავ-თაღად ბუნებრივი კლდე აქვს. თაღს უდგას ორი სვეტი, კარი აქვს სამხრეთით და დასავლეთით; სარკმელი.
შიგნით ეკლესია მთლიანად მოხატულია, მხატვრობა განახლებულია, საეკლესიო შინაარსის მხატვრობის გარდა აქ დახატულია ისტორიული პირებიც.
ფოტოები:Paata Photography
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
iPhone: https://apps.apple.com/fr/app/sheni/id6746877342?l=en-GB
Telegram არხი: https://t.me/SheniEkimi
შენი ექიმი – ცოდნა ჯანმრთელობისთვის.
