2025 წლის ყველაზე მონახულებად დაცულ ტერიტორიებს შორის წალკის კანიონი ერთ-ერთი ლიდერია. ინფორმაციას დაცული ტერიტორიების სააგენტო ავრცელებს.
მიმდინარე წლის 10 თვის მონაცემებით, წალკის კანიონმა 90 000-მდე ვიზიტორს უმასპინძლა.
წალკის კანიონი ქვემო ქართლის რეგიონში, წალკის მუნიციპალიტეტში, სოფელ დაშბაშის მიდამოებში მდებარეობს. ის ალგეთის ეროვნული პარკის ერთ-ერთი ბუნების ძეგლია, რომელიც 2013 წელს შევიდა ალგეთის დაცული ტერიტორიების შემადგენლობაში.
წალკის კანიონის ბუნების ძეგლი მდინარე ქციას (ხრამის) ხეობაში, დაშბაშის მაღლობზე, ჩაჭრილ კალაპოტში არსებული კანიონისებური ხეობაა. კანიონის ციცაბო ფერდობები იშვიათი ბიომრავლფეროვნებით გამოირჩევა, ულამაზესი ჩანჩქერები კი სრულიად განსხვავებულ ლანდშაფტს ქმნის, მისთვის დამახასიათებელი კლიმატით და თავისებური ფაუნით.
წალკის კანიონი როგორც სათავგადასავლო, ისე მშვიდი დასვენების მოყვარული ვიზიტორების ერთ-ერთი საყვარელი ადგილია. წალკის კანიონზე მოგზაურობას ვიზიტორთა ცენტრის დათვალიერებით დაიწყებთ. საფეხმავლო ბილიკებით სეირნობისას, გადასახედებიდან კანიონის ულამაზესი ხედებით დატკბებით, ბილიკის ბოლოს კი საოცარი სანახაობა გადაგეშლებათ წინ — საფეხურებად გადმომავალი, უნიკალური კასკადური ჩანჩქერი.
Sheni Network
აქ შეძლებთ 240 მეტრის სიმაღლეზე, კანიონზე გადაჭიმულ შუშის ხიდზე გაიაროთ და მის შუაგულში დაკიდებულ ბრილიანტის ფორმის მინის კაფეში შეისვენოთ.
თუ ექსტრემალურ ატრაქციებს — ზიპ ბაიკს და გიგანტურ საქანელას გამოცდით, თქვენს მოგზაურობას კიდევ უფრო მრავალფეროვანს გახდით.
საინტერესო დღის ბოლოს დასვენებას და ღამისთევასაც აქვე, კანიონის მიმდებარე ტერიტორიაზე, წიწვოვანი ტყის პირას მოწყობილ სასტუმროს ტიპის მყუდრო კოტეჯებში შეძლებთ.
წალკის კანიონის ტურისტული სივრცის მოსაწყობი სამუშაოები 2019 წელს დაიწყო; 2022 წელს კი გაიხსნა წალკის კანიონის უნიკალური და მასშტაბური ტურისტული კომპლექსი.
ეს იყო საქართველოს დაცულ ტერიტორიებზე განხორციელებული პირველი კერძო საერთაშორისო ინვესტიცია, რომლის მოცულობამ 120 000 000 ლარი შეადგინა.
აღნიშნული პროექტი განსაკუთრებით მნიშვნელოვანია, რადგან პროექტით გათვალისწინებული ობიექტები საქართველოსთვის ახალი და უნიკალურია.
ამ მოცულობის ინვესტიცია რეგიონისთვის რეკორდულია და მას მნიშვნელოვანი წვლილი შეაქვს ქვეყნის, განსაკუთრებით კი რეგიონის ტურიზმის განვითარებაში.
წალკის კანიონზე დასაქმებულია ადგილობრივი მოსახლეობა, ასევე, მათ გაუჩნდათ მოტივაცია და ისინი ეტაპობრივად ერთვებიან ტურისტულ ბიზნესში, რაც წალკის მუნიციპალიტეტში სოციალური და ეკონომიკური პირობების გაუმჯობესებას უწყობს ხელს.
გადმოწერე აპლიკაცია „შენი ექიმი“ – პირველი ქართული სამედიცინო პლატფორმა!
მიიღე სანდო და აქტუალური ინფორმაცია ჯანმრთელობის შესახებ – საქართველოდან და მთელი მსოფლიოდან.
iPhone: https://apps.apple.com/fr/app/sheni/id6746877342?l=en-GB
Android: https://play.google.com/store/apps/details…
Telegram არხი: https://t.me/SheniEkimi
შენი ექიმი – ცოდნა ჯანმრთელობისთვის.
#შენიექიმი #sheniekimi #
გიორგიფხაკაძე #ჯანმრთელობა #აქხარისხია #drpkhakadze
იხილეთ ასევე
- მაქმანებიანი სახლი გუდიაშვილის მოედანზე – ეს ულამაზესი სახლი აღა-მაჰმად- ხანის მიერ დანგრეული და შემდგომ აღდგენილი თბილისის ერთ-ერთი ყველაზე ძველი საერო ნაგებობაა
- რა საიდუმლოს ინახავს მისტიური ხვამლის მთა? – კითხვა ჯერ ისევ კითხვად რჩება. ხვამლის მთა მოლაშქრეების და არქეოლოგების საყვარელი ადგილია
- აჭარაში ევროპის ერთ-ერთი ყველაზე გრძელი ზიპლაინი შენდება
სკანირება
QR კოდი
shenidasveneba.ge
QR კოდი
სტატიის ციტირება
შენი დასვენება. (2025). 2025 წლის ყველაზე მონახულებად დაცულ ტერიტორიებს შორის წალკის კანიონი ერთ-ერთი ლიდერია – 90 000-მდე ვიზიტორს უმასპინძლა – სათავგადასავლო, ისე მშვიდი დასვენების მოყვარული ვიზიტორების ერთ-ერთი საყვარელი ადგილია. 3 ნოემბერი, 2025. https://shenidasveneba.ge/2025-წლის-ყველაზე-მონახულება/
სტატიის ციტირება
პროფ. გიორგი ფხაკაძე. 2025 წლის ყველაზე მონახულებად დაცულ ტერიტორიებს შორის წალკის კანიონი ერთ-ერთი ლიდერია – 90 000-მდე ვიზიტორს უმასპინძლა – სათავგადასავლო, ისე მშვიდი დასვენების მოყვარული ვიზიტორების ერთ-ერთი საყვარელი ადგილია [Internet]. თბილისი: Shenidasveneba.ge; 2025 [ციტირებულია: 2026 სექ 26]. ხელმისაწვდომია: https://shenidasveneba.ge/2025-%e1%83%ac%e1%83%9a%e1%83%98%e1%83%a1-%e1%83%a7%e1%83%95%e1%83%94%e1%83%9a%e1%83%90%e1%83%96%e1%83%94-%e1%83%9b%e1%83%9d%e1%83%9c%e1%83%90%e1%83%ae%e1%83%a3%e1%83%9a%e1%83%94%e1%83%91%e1%83%90/
shenidasveneba.ge
იმოგზაურეთ საქართველოში GTour-თან ერთად
საქართველო ზამთარში — გუდაური, თბილისი და კახეთი (6 დღე)€1,190 ერთ ადამიანზეგორი და უფლისციხე — კლდის ქალაქი ერთ დღეში€140 ერთ ადამიანზეგუდაური — მთის გასეირნება€150 ერთ ადამიანზეკახეთი — ღვინო და მემკვიდრეობა, 3 დღე€690 ერთ ადამიანზე
ყველა ტური gtour.ge-ზე · დაჯავშნა WhatsApp-ით +995 577 416 314
