სათავგადასავლო ტურიზმის განვითარებისათვის, 3 დაცული ტერიტორიის – ყაზბეგის, ფშავ-ხევსურეთის და თუშეთის ერთმანეთთან ერთი საფეხმავლო ბილიკით დასაკავშირებლად, მოლაშქრეთა ბილიკებისა და სამთო ქოხების განვითარების პროექტი დასკვნით ფაზაშია.
პროექტს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი ახორციელებს. 3 დაცულ ტერიტორიას ერთმანეთთან 205 კილომეტრის სიგრძის საფეხმავლო ბილიკი აკავშირებს, საიდანაც 130 კილომეტრამდე სრულიად ახალი ბილიკი გაიჭრა.
დასრულების ეტაპზეა 205 კილომეტრიან ბილიკზე საინფორმაციო დაფების, საორიენტაციო მანიშნებლების და მცირე ტურისტული საფეხმავლო ხიდების მოწყობის სამუშაოებიც.
