ირაკლი ლომაია 13 წელია ემიგრანტია, ის ეხმარება ქართველ და არამარტო ქათველ ადამიანებს კანადის ვიზის მიღებაში.
ირაკლი არის ადამიანი, რომელსაც უხარია სხვისი სიხარული და წარმატება, რომელიც მუდმივად ზრუნავს იმაზე, რომ განვითარდეს, მიაღწიოს ყველა იმ მიზანს, რაც ჯერ კიდევ 7 წლის ასაკში ჰქონდა ჩაფიქრებული.
სანამ კანადაში წავიდოდა, ბევრგან იყო ტურისტად ნამყოფი. იმოგზაურა სხვადასხვა ქვეყანაში.
„გიჩნდება სურვილი, წახვიდე ისეთ ქვეყანაში, სადაც გაცილებით დაცული და უზრუნველყოფილი მომავალი გექნება. სწორედ ამ კრიტერიუმებზე დაყრდნობით გადავწყვიტე წავსულიყავი თავიდან აშშ-ში. იქ არ დამხვდა ის ატმოსფერო და გარემოება, როგორიც წარმომედგინა და გადავწყვიტე, მეცადა ბედი კანადაში, რამეთუ ამ ქვეყანაზე ძალიან ბევრი კარგი მსმენოდა და ვფიქრობდი, დამეხმარებოდა ჩემი მიზნების ასრულებაში“, – ამბობს ირაკლი ლომაია.
ენა არ იცოდა, ამან ძალიან შეუშალა ხელი ინტეგრირებაში. არ იცნობდა ქვეყანას და მის კანონებს, არ იყო ისეთი არავინ, ვინც მხარში დაუდგებოდა. ეტაპობრივად რამოდენიმე ქართველი ოჯახი გაიცნო და ისინი დაეხმარნენ, მარტოსულად რომ არ ეგრძნო თავი.
„სამწუხაროდ, ბევრი ემიგრანტი ვერ უძლებს. ბევრი ღამეები გამითენებია მშიერს, ყოფილა შემთხვევა საჭმლის ფულიც არ მქონია, მაგრამ გამიძლია და ვიცოდი, რომ ეს დროებითი იყო და მე სულ სხვა მიზანი მქონდა შესასრულებელი.
მუდმივად ყველა და ყველაფერი მენატრება. მენატრება ოჯახი, შვილები, მეგობრები, მეზობლები. მიუხედევად იმისა, რომ ხშირად დავფრინავ საქართველოში, ეს მაინც არ არის საკმარისი, იმისთვის რომ ის მონატრება გააქარწყლოს, რაც მაქვს. საქართველოში გამოფრენა მუდმივად მიხარია და აი, როცა უკან მიწევს დაბრუნება, თვითმფრიანავში მუდმივად ვტირი. სწორედ ამ გრძნობას სამშობლოს და შენი ოჯახის სიყვარული ჰქვია“, – აღნიშნავს ირაკლი.
ირაკლი ლომაია აღნიშნავს, რომ საბედნიეროდ, ამ ქვეყანამ მიიღო და ყველაფერი გააკეთა, რომ მიეღწია წარმატებისთვის.
„საბედნიეროდ, ამ ქვეყანამ მიმიღო და ყველაფერი გააკეთა ჩემთვის, რომ მიმეღწია იმ წარმატებისთვის, რაც რეალურად ჩაფიქრებული მქონდა. იმდენად მიყვარს კანადა, რომ ამ ქვეყანაში ვერ ვგრძნობ იმას, რომ ჩამოსული ვარ ოკეანის გამოღმიდან, არამედ ასე მგონია აქ დავიბადე. რაღაცნაირად ჩემი გახდა ეს ქვეყანა. საკმაოდ კარგი და კომფორტული გარემო მომცა. ჩემი აზრით, ზუსტად ის შედეგი მიჭირავს ხელში, რამდენიც მოვინდომე და ვიშრომე. აბა აქ ლანგარზე მორთმეული არავის არაფერი უანდერძია, რასაკვირველია, ნულიდან დავიწყე ცხოვრება და მივაღწიე საკმაოდ დიდ წარმატებებს ღვთის წყალობით. რა თქმა უნდა, რომ არა კანადური კანონები, მაშინ ვერ მექნებოდა იმხელა არეალი, რომ მქონოდა ამბიცია, თუნდაც გავმხდაარიყავი კანადის მოქალაქე, გამეხსნა ბიზნესები ან სხვა… აქედან გამომდინარე ყველა მოწესრიგებულ და ცივილურ ქვეყანაში კანონი თუ კანონობს, შედარებით მარტივია ახალი ცხოვრების დაწყება და ყველა ჩანაფიქრის ასრულება…
ჩვენ წარმოვადგენთ კანადაში ლეგალურ საკონსულტაციო კომპანიას, რომელიც რეგისტრირებულია ვანკუვერის ფედერალურ სასამართლოში. რომელიც მსოფლიო მაშტაბით გასცემს საკონსულტაციო სერვის აპლიკანტებისთვის, ვისაც სურს ჩამოსვლა კანადაში და ახალი ცხოვრების დაწყება. ჩვენი კომპანია ეხმარება აპლიკანტს, შეუქმნას მოთხოვნილ სტანდარტზე დაყრდნობით, სრული და მყარი, მათზე მორგებული ქეისები, რომელიც შემდგომ იგზავნება კანადის საკონსულოში, საიდანაც მოდის გადაწყვეტილება – გაიცემა თუ არა ვიზა აპლიკანტზე.
ზოგადად, საკუთარ მიზნებზე საჯაროდ საუბარი არ მიყვარს, მიმრჩევნია ეს სიურპრიზი იყოს იმ ადამიანებისთვის, ვისი ინტერესის სფეროც არის ირაკლი ლომაია. მადლობა!“ – განაცხადა ირაკლი ლომაიამ.
