01/10/2021
პროფესორი, დიპლომირებული მედიკოსი (MD), ჯანდაცვის მაგისტრატურა (MPH), მედიცინის დოქტორი (PhD), საზოგადოებრივი ჯანდაცვის ექსპერტი, გაეროს გენერალური მდივნის და ვაქცინებისა და იმუნიზაციების გლობალური ალიანსის (GAVI) მრჩეველი გიორგი ფხაკაძე იხსენებს იმ საწყის ეტაპს, როდესაც მისი ოცნება ქუთაისში, საღორის საავადმყოფოში ქირურგად მუშაობა იყო.
„ახლა უკან რომ ვიხედები, მიკვირს, ნუთუ მე, ერთმა ქუთაისელმა ბიჭმა ამდენი შევძელი… მიკვირს, ნეპალში დაკიდებულ აღმართზე, უფსკრულის პირას საცალფეხო ბილიკზე უშიშრად მიმავალს, როგორ არ მეშინოდა ფეხის დაცდენის… თავში როგორ მომდიოდა ის აზრი, რომ კვლევები მეწარმოებინა იქ, სადაც ჯერ კიდევ ხალხი ხეზე ცხოვრობდა.
დიდი გზა გავიარე, რთული და საინტერესო გზა, სულ უფსკრულის პირას ვიარე… დანაღმულ ველზე… გაუკვალავი გზებით ვიარე ქუთაისიდან ჟენევამდე“…
გიორგი ფხაკაძემ ავტობიოგრაფიული წიგნის გამოცემა თუ გადაწყვიტა, ალბათ, სქელტანიან შემოქმედებას ეს პროლოგი დაამშვენებდა.
ორწლიანი განშორების შემდეგ, უკვე მეორე დღეა, რაც ჯანდაცვის ექსპერტი გიორგი ფხაკაძე, სამშობლოშია. ის „პრაიმტაიმს“ საკუთარ ემოციებზე უყვება.
„მაინტერესებდა, რა შეიცვალა. ყოველთვის რაღაც სიახლეს ელოდები. პირველ რიგში, უყურებ გზას. აეროპორტიდან რომ წამოვედი, გზა განსაკუთრებით მომეწონა. ბავშვობიდან მახსოვს, ძალიან მაღალი მონუმენტი რომ არის, („ადამიანი და მზე“) 80-იანი წლებიდან საშინელ მდგომარეობაში იყო, ეს იყო პირველი ემოცია, მონუმენტი ლამაზ მდგომარეობაში რომ დავინახე, მომეწონა. პირველი რაც ვთქვი, იყო – ვაუ.
მომეწონა განათებული თბილისი. მოდი ასე ვთქვათ, იგივე თბილისია, იგივე ხალხია. ბოლო 2 წელიწადში პატარ-პატარა ცვლილებები შევამჩნიე. ადრე 3-6 თვით მოვდიოდი და ცვლილებებს ვერ ვხედავდი, ახლა 2 წლის შემდეგ ეს დავინახე. ახალი შენობებია, ავტობუსის ზოლი მომეწონა ძალიან. ველობილიკები მომეწონა ძალიან, ეს არის ევროპა. ვაკემდე ჯერ ვერ მივედი“, – ამბობს გიორგი ფხაკაძე „პრაიმტაიმთან“ მიცემულ ინტერვიუში.
Professor Giorgi Pkhakadze, MD, MPH, PhD
#drpkhakadze #გიორგიფხაკაძე #accreditationge
Профессор Гиорги Пхакадзе. #ПрофессорПхакадзе
https://youtube.com/@drpkhakadze
Prepared by: ირინა დათაშვილი #datashvil
