“კონფლიქტი არავისთან მინდა, მაგრამ…”- ვის და რატომ აკრიტიკებს გიორგი ფხაკაძე

21/06/2021

“კონფლიქტი არავისთან მინდა, არ ვარ კონფლიქტური, პატივს ვცემ ყველა ჩემს კოლეგას, მაგრამ საჯარო პირი ასეთ რამეს როცა საჯაროდ ამბობს, მიუღებელია. იქნებ ეს ჩვენი მთავრობა თავის ჩინოვნიკებიანად ჩამოყალიბდნენ, ვინ და რომელია ჩვენი ქვეყნისთვის სამაგალითო: ამერიკის წამლის სააგენტო თუ ჯანმრთელობის მსოფლიო ორგანიზაცია?!”, – ამის შესახებ გაეროს გენერალური მდივნის მრჩეველმა ჯანდაცვის საკითებში გიორგი ფხაკაძე სოციალურ ქსელში ინფექციური საავადმყოდოს დირექტორის, თენგიზ ცერცვაძის მიერ გაკეთებული განცხადების საპასუხოდ დაწერა.

განმარტება:
თუ შემოგვაქვს “რემდესივირი” და არაპროფესიონალურ/არაეთიკულ რეკლამას ვუკეთებთ, მაშინ ლოგიკურად გამოდის, რომ ამ სიტუაციაში ამერიკის წამლის სააგენტო არის “ძლიერი მარეგულირებელი”. მაშინ ვაქცინებთან დაკავშირებითაც ასევე მოიქეცით და საქართველოში ავტორიზაცია მიეცით მხოლოდ “ფაიზერს”, “მოდერნას” და “ჯონსონი@ჯონსონის” ვაქცინებს (ჩინური ვაქცინები და “ასტრაზენეკა” ამერიკაში დაშვებული არ არის)
თუ თქვენთვის ჯანმრთელობის მსოფლიო ორგანიზაცია არის ძლიერი მარეგულირებელი, მაშინ მესმის “ასტრაზენეკას” და ჩინური ვაქცინების დაშვება ქვეყანაში, მაგრამ ამ ორგანიზაციამ 2020 წლის ნოემბერშივე თქვა, რომ “რემდესივირი” არაეფექტურია და ერთი თვის წინ საერთოდ ამოიღო კოვიდსამკურნალო პრეპარატების ოფიციალური სიიდან.
დამატებითი ინფორმაცია – ინდოეთმა, რომელიც არის “რემდესივირის” ყველაზე დიდი მწარმოებელი და მომხმარებელი, 17 მაისის გადაწყვეტილებით, “რემდესივირი” კოვიდმკურნალობის სქემიდან ოფიციალურად ამოიღო.

გაფიცებთ ლოგიკას, ამას თუ ხედავთ ?!

მე ვხედავ აქ:
არაპროფესიონალიზმს (წამლის ასეთი რეკლამა, ყველა სტანდარტის მიხედვით, დაუშვებელია).
სამედიცინო ეთიკის დარღვევას. ეს წამალი საქართველოში შემოვიდა კლინიკური კვლევის ფაზის ფარგლებში და ესეც არის ეთიკური გამჭირვალობის საკითხი, თუ რატომ უკეთებს საჯარო მოხელე საჯაროდ რეკლამას სამედიცინო პროდუქტს.
რა დაინტერესება აქვთ ამ პროცესში ჩართულ ყველა მონაწილეს (ფინანსური/თანამდებობრივი თუ სხვა ?! კორუფცია?! – ეს ჩემს კომპეტენციაში არ შედის. ამისთვის შესაბამისი ორგანოები არსებობენ.
.
და, ბოლოს,, მტკიცებულებებზე დაყრდნობით საუბარი ვისწავლოთ.

დასკვნა:
უწყვეტი სამედიცინო განათლება რომ აგეწყოთ, ასეთი პოსტები და საუბრები საჭირო არ იქნებოდა.

დიახ, გიორგი ფხაკაძე საქართველოში “რემდესივირის” შემოტანის წინააღმდეგია, ვინაიდან, ჯანმრთელობის მსოფლიო ორგანიზაცის საბოლოო დასკვნის მიხედვით, “რემდესივირი” ეფექტური არ არის!
მე, რა თქმა უნდა, ვეთანხმები!

საქართველოში დებატებში შესვლას არავისთან ვაპირებ. ამისთვის, როგორც მინიმუმ, მეორე მხარეს ჩემი დონის ეთიკური პრინციპები, პროფესიონალიზმი, გამოცდილება და რეპუტაცია უნდა ჰკონდეს…

შეგხსენებთ, ათი ათასი ფლაკონი “რემდესივირი“ საჩუქრად საქართველოს გამოეცა – 4 მილიონი დოლარის ღირებულების ტვირთი უკვე თბილისშია. თბილისის ინფექციური საავადმყოფოს გენერალური დირექტორის თქმით, ამერიკული კომპანია Gilead-ის გზავნილი ქვეყანას COVID პაციენტების წარმატებულ მართვაში მნიშვნელოვნად დაეხმარება.
ასევე, თენგიზ ცერცვაძე აცხადებს, რომ რამდენიმე ანგაჟირებულმა ექიმმა ყველაფერი გააკეთა ამ მედიკამენტის დისკრედიტაციისათვის, თუმცა ის დღემდე ფართოდ გამოიყენება მთელ მსოფლიოში.
“ამერიკისგან მივიღეთ დიდი დახმარება, ძალიან სერიოზული დახმარება, გამონაკლისის სახით, ერთჯერადი დონაციის სახით, უფასოდ გადმოსცა საქართველოს “რემდესივირის” 10 000 ფლაკონი.
​როგორც საქართველოში მცხოვრები, ისე საქართველოს გარეთ მცხოვრებმა ზოგიერთმა ქართველმა ექიმმა შეეცადნენ ამ მედიკამენტის დისკრედიტაციას, რაც გააბათილა ამ მედიკამენტის გამოყენების ძალიან კარგმა შედეგებმა,” – განაცხადა ცერცვაძემ.

Professor Giorgi Pkhakadze, MD, MPH, PhD

#drpkhakadze #გიორგიფხაკაძე #accreditationge

Профессор Гиорги Пхакадзе. #ПрофессорПхакадзе

https://youtube.com/@drpkhakadze

Prepared by: ირინა დათაშვილი #datashvil

წყარო: https://old.primetime.ge/konfliqti-aravistan-minda-magram-vis-da-ratom-akritikebs-giorgi-fkhakadze/