სად გავატაროთ ახალი წელი საქართველოში – 5 საუკეთესო ადგილი საახალწლო ზეიმებისთვის საქართველოში, სადაც ახალი წლის გატარება დასამახსოვრებელს გახდის თქვენს დასვენებას
რატომ ბაკურიანი? – გიყვართ თოვლი და გართობა, ბაკურიანში ახალი წელი კარგი არჩევანია.
კურორტი ბაკურიანი გაშენებულია თრიალეთის ქედის ჩრდილოეთ კალთაზე, მდინარე ბაკურიანისწყლის ნაპირას. იგი ზღვის დონიდან 1700 მეტრზე.
ბაკურიანში 5 სასრიალო ტრასაა.
მაღალი მთების კრისტალივით სუფთა ჰაერი, უმეტესად წიწვიანი (ნაძვნარი) და წიფლნარი ტყის სურნელი, კოხტაგორას, კოხტაგორა II, საყველოს მთისა და ცხრაწყაროს მთების – ხედები წელიწადის ყოველ დროს იზიდავს დამსვენებელს.
ბაკურიანის კლიმატი სამკურნალო თვისებებით გამოირჩევა. ბაკურიანში ყოველ სეზონზე ბევრი დამსვენებელია.
რატომ ბათუმი? – საქართველოს ულამაზესი ქალაქი ბათუმი მთელი შავი ზღვის რეგიონში ერთ-ერთი გამორჩეული ტურისტული დანიშნულების ადგილია, საშობაო-საახალწლო განათებები ქალაქს საოცრად ამშვენებს.
ბათუმი დასავლეთ საქართველოში, აჭარაში მდებარეობს. ულამაზესი ზღვისპირა ქალაქია.
ხშირად გონიათ, რომ ახალი წელი და ზამთარი ბათუმში ფანტასტიკის სფეროა, რადგან საზღვაო ქალაქი ყოველთვის მწველი მზესთან და ზღვის ტალღებთან ასოცირდება.
თუ თქვენ ზღვის მოყვარული ხართ, ბათუმი შესაფერისი ადგილია. მართალია, ზღვის სეზონი ზაფხულია, თუმცა თუ ტალღების ხმაური და სანაპიროზე სიარული გიყვართ, გირჩევთ არჩევანი ბათუმზე გააკეთოთ.
რატომ მესტია? – დაუვიწყარი, ზღაპრული და მომაჯადოებელი მესტია
მესტია სწორედ აქ მდებარეობს. ქალაქი წლის ნებისმიერ დროს ულამაზესია. ეს კავკასიაში ყველაზე მაღალი დასახლებული ადგილია.
ახალი წელი თუ ვერ წარმოგიდგენიათ თოვლის გარეშე, მაშინ ეს ულამაზესი კუთხე – მესტია საუკეთესო არჩევანია თქვენი სადღესასწაულო შვებულებისთვის. მესტიაში ყოველთვის არის ახალ წელს დიდი თოვლი, რაც კურორტს ერთ-ერთ ყველაზე პოპულარულ დანიშნულებად აქცევს.
მესტიის რაიონულ ცენტრში მდებარეობს მუზეუმი, სადაც ინახება უძველესი საგანძური – ჭედური ხელოვნების ნიმუშები და ხელნაწერები, რომელთა ასაკიც ათ საუკუნეს აღემატება.