ნახეთ, როგორი იქნება თელავის აეროპორტის ახალი ტერმინალი

კონკურსში, რომელიც 13 კომპანია მონაწილეობდა შპს „ხმალაძე არქიტექტორებმა” გაიმარჯვა. ჟიურიმ საუკეთესო კონცეფტ-დიზაინის პროექტად არქიტექტორ გიორგი ხმალაძის ნამუშევარი დაასახელა.

თელავის აეროპორტის განვითარების პროექტი კომპლექსურია და ახალი სატერმინალე ინფრასტრუქტურის გარდა, არსებული ასაფრენ-დასაფრენი ზოლის სრულად განახლებას მოიცავს. ასაფრენ-დასაფრენი ზოლი 1,7 კმ-მდე დაგრძელდება, ასევე მოეწყობა თანამედროვე სანავიგაციო სისტემები და აშენდება ახალი სანავიგაციო კოშკურა.

აეროპორტების გაერთიანებამ გამარჯვებულ კომპანიასთან ხელშეკრულება უკვე გააფორმა.

კონკურსის პირობების თანახმად, კონკურსანტს პროექტირების სფეროში სულ მცირე 3-წლიანი გამოცდილება უნდა ჰქონოდა. ასევე, აუცილებელია ფლობდეს 4500 მ2-ზე მეტი ფართის მქონე მრავალფუნქციური საზოგადოებრივი შენობის საპროექტო დოკუმენტაციის მომზადების და მინიმუმ ერთი მრავალფუნქციური საზოგადოებრივი შენობის დაპროექტების გამოცდილებას.

ამ პირობებს სრულად აკმაყოფილებს გამარჯვებული კომპანია – „ხმალაძე არქიტექტორები”, რომელთაც კონკურსზე თელავის აეროპორტის კონცეპტუალური და სქემატური დიზაინი წარმოადგინეს, მათ შორის – შენობების ექსტერიერის დიზაინი სამი ხედით, შენობების სქემატური შიდა სივრცითი დაგეგმარება, შენობების ინტერიერის სქემატური დიზაინი და ლანდშაფტის რენდერები.

საქართველოს აეროპორტების გაერთიანება / United Airports of Georgia

სამოქალაქო ავიაციის სააგენტო GCAA