„ხულუტის ციხე-დარბაზის რეაბილიტაცია დასრულდა“, – ამის შესახებ „ქალების ნარატივში” “საყდრისის კომიტეტი კულტურული მემკვიდეობისთვის“ დამფუძნებელმა, ნინო ბურჭულაძემ განაცხადა.
მისი თქმით, 2023 წელს დასრულდა ხულუტის ციხე-დარბაზის რეაბილიტაცია.
„2023 წელს დავასრულეთ ხულუტის ციხე-დარბაზის რეაბილიტაცია. ჯერ მხოლოდ 2017 წლიდან 2 წლის განმავლობაში რეაბილიტაციისთვის ვიბრძოდით, შემდეგ ჩვენი მონიტორინგით მოხდა ამ უნიკალური ძეგლის როგორც კლდის, ისე ქვის კვლევა, დღეს კი ხულუტის ციხე-დარბაზი არის ერთ-ერთი გამორჩეული ძეგლია, რომელიც უკვე რეაბილიტირებული სახით თავის ადგილს დაიმკვიდრებს ტურისტულ მარშუტებში,“- აღნიშნა ნინო ბურჭულაძემ.
ხულუტის ციხე-დარბაზის რეაბილიტაციისთვის სულ მილიონ ლარამდე დაიხარჯა, რომელიც სრულად RMG-ის მიერ დაფინანსდა:”120 000 ლარი მხოლოდ ძეგლისა და ქვის კვლევა დაჯდა, სარეაბილიტაციო სამუშაოები 775 000 ლარი, თუმცა შემდეგ ეს თანხა კიდევ გაიზარდა სამშენებლო სამუშაოების გაძვირების გამო,“ – განაცხადა ნინო ბურჭულაძემ.
ტურისტებისთვის ხულუტის ციხე-დარბაზის დათვალიერება გაზაფხულიდან იქნება შესაძლებელი.
“საყდრისის კომიტეტი კულტურული მემკვიდეობისთვის“ 2014 წელს მსოფლიოში უძველესი ოქროს მაღაროს- საყდრისის კულტურული მემკვიდრეობის ძეგლის დასაცავად შეიქმნა და მას შემდეგ საქართველოში კულტურულ მემკვიდროებას და გარემოს იცავს დიდი ბიზნესისგან.
