რაჭაში სასტუმრო „ციბენა“ .
რაჭაში სასტუმრო „ციბენა“ – ადგილი, სადაც შეიძლება განიტვირთო და ნაყოფიერად დაისვენო
„ციბენას“ მეპატრონე მერაბ ჯანელიძეა.
„ამბროლაურის რაიონში ვცხოვრობ. ეს არის რაჭის ცენტრი. გვერდით ჩამოდის რიონი, კრიხულა. ძალიან ახლოს არის ქალაქთან.
გვაქვს ღვინის ქარხნები. ჩვენი რაიონი პატარაა, მაგრამ მრავალფეროვანი ბუნებით და საოცარი ხედებით გამოირჩევა. ეს არის ადგილი, სადაც შეიძლება განიტვირთო და ნაყოფიერად დაისვენო“, – ამბობს მერაბ ჯანელიძე.
ციბენა გთავაზობთ კომფორტულ დასვენებას და უგემრიელეს ოჯახურ სამზარეულოს.
„მაქვს დიდი ვენახები. სამი ტონა ყურძენი მომყავს სეზონზე, ჩემი საკუთარი ღვინით ვუმასპინძლდები სტუმრებს.
ვთვლი, რომ ჩვენი სასტუმროს ერთ-ერთი ღირსება ჩვენი ეზო და ხედებია. სულ ეზოში და სამზარეულოში ფუსფუსებენ. ვცილობთ, სტუმრები რაჭული კერძებით გავანებივროთ. უგემრიელეს რაჭულ ლობიანებს აცხობენ, ამზადებენ შქმერულს და სხვა. აქვე მაქვს მაყალი და ამ ყველაფერს მოყვება ხოლმე სასიამოვნო საღამოები, განტვირთვა და შემდეგ ტკბილი მოგონებები.
ჩვენთან დღესასწაულებიც იმართება. ხელის მოწერის ცერემონიაც ყოფილა, ფოტოსესიები და ა.შ…
უცხოელებს ძალიან მოსწონთ, ჰაერი, ბუნება, სტუმართ-მასპინძლობა, კერძები, ღვინო… ეს იმას ნიშნავს, რომ მე უკვე რაღაცას ვაკეთებ ჩემი კუთხისთვის, ქვეყნისთვის, მისი პოპულარიზაციისთვის“ – განაცხადა „ციბენას“ მეპატრონე.
