„ოკაცეს კანიონი” 12 თებერვალს დროებით დაიკეტა. მიზეზი ის ტექნიკური სამუშაოებია, რომელიც პერიოდულობით უტარდება ობიექტის ინფრასტრუქტურას.
ამ კანიონშია გავლებული საქართველოში კლდეებზე გადმოკიდებული პირველი ბილიკი, რომელიც ექსტრემალური ტურიზმის მოყვარულებისთვისაა შექმნილი. დაახლოებით 2-3 საათის საფეხმავლო გზის ნაწილია დადიანების ისტორიული ტყე-პარკი და 780 მ სიგრძის კიდულ ბილიკი.
კანიონი დასავლეთ საქართველოში, ხონის მუნიციპალიტეტში სოფელ გორდის მიმდებარედ არის. აქ ტურისტები მთელი წლის განმავლობაში იყრიან თავს.
“ოკაცეს კანიონი” ყოველწლიურად ათასობით ვიზიტორს ემსახურება.
დაცული ტერიტორიების სააგენტომ კონტრაქტორი ტენდერით შეარჩია. ტექნიკურ სამუშაოებში სახელმწიფო უწყება 864 555 ლარს დახარჯავს. კონტრაქტის მიხედვით, 1 მაისს შპს “ტალერი 2021”-ს დაკვეთა შესრულებული უნდა ჰქონდეს.
საქართველოში პირველი კიდული ბილიკი ოკაცეს კანიონშია.
ექსტრემალური ტურების მოყვარულთათვის ოკაცეს კანიონზე კიდული ბილიკია მოწყობილი, რომლის გავლას დაახლოებით 2-3 საათი სჭირდება. საფეხმავლო მარშრუტი დადიანების ისტორიულ ტყე-პარკსა და 780 მ სიგრძის კიდულ ბილიკს გაივლის და პანორამული გადასახედით სრულდება, სადაც ვიზიტორებს იქვე დამონტაჟებული სმარტ-სელფის აპარატით სამახსოვრო ფოტოსურათის გადაღება შეუძლიათ.
ოკაცეს კანიონი ახლოს არის დასავლეთ საქართველოს ცენტრალურ ქალაქ – ქუთაისთან, ასევე კანიონში მოგზაურობა კარგი გადაწყვეტილებაა აჭარაში დასვენების დროსაც.
#datashvil #drpkhakadze #sheniambebi #shenidasveneba
