ზოგი წყაროს თანახმად, მსოფლიოში ყველაზე პატარა მდინარე (18მეტრი სიგრძის) საქართველოში, აფხაზეთის ავტონომიურ რესპუბლიკაში მდებარეობს. მდ. რეპრუა გაგრის მუნიციპალიტეტში, ძველი გაგრის მიდამოებში ერთვის შავ ზღვას სათავიდან 18 მეტრის მოშორებით.
რეპრუა წარმოადგენს მძლავრ ვოკლუზურ კარსტულ ნაკადს, რომელიც გამოედინება გაგრის ქედის კალთებიდან, სანაპიროს ზონაში. აღსანიშნავია, რომ მისი სიგრძე ზვირთცემისას უფრო ნაკლებია და 6-10 მეტრს შეადგენს.
დღესდღეობით, გინესის რეკორდების წიგნის თანახმად, მსოფლიოს უმოკლეს მდინარედ აღიარებულია მდინარე რეუ (Roe River) მონტანას შტატში (აშშ) – 61 მეტრი, თუმცა, მდინარე დი (D River) ორეგონის შტატში ასევე მიიჩნევა მსოფლიოს უმოკლეს მდინარედ (36 მეტრი).
