აჭარაში ჩასულმა აუცილებლად უნდა ნახოთ მწვანე ტბაა. მწვანე ტბა ზემო აჭარაში, გოდერძის უღელტეხილთან ახლოს, არსიანის ქედის ჩრდილოეთით მდებარეობს.
აჭარის ალპური ტბებიდან მწვანე ტბა ის გამორჩეული ადგილია, რომელსაც ყველაზე მეტი ვიზიტორი სტუმრობს.
ტბა დღის განმავლობაში მართლაც მწვანე ფერისაა, საღამოს მოახლოებისას დღის ფერის და ამინდის ცვლილებასთან ერთად, მისი ფერიც იცვლება. მწვანე ტბა ხულოს მუნიციპალიტეტში, გოდერძის უღელტეხილიდან ჩრდილოეთით 6 კილომეტრში მდებარეობს.
ტბასთან მისვლა შესაძლებელია, როგორც მაღალი გამავლობის ავტომობილით, ასევე საფეხმავალო გზით.
ტბისკენ მიმავალ გზაზე, ადგილობრივების ყოფა-ცხოვრებისაც გაეცნობით, შეხვდებით მემთეურებს (მსხვილფეხა რქოსანის გამოსაკვებად მთაში დროებით საცხოვრებლად წასულ ადამიანს), რომლებიც აუცილებლად გაგიმასპინძლდებიან ღუმელზე მომზადებული ყავით და ადგილობრივი რძის პროდუქტებით. ტბაზე ასევე, შესაძლებელია დაბანაკება ღამის გასათევად, პიკნიკი და ნავით გასეირნება.
ტბაში წყაროს წყლები ჩაედინება და ამიტომ ულამაზესი ტბის სარკესავით კამკამა მწვანე წყალი ტბაში ყინულივით ცივია და მასში ბანაობას ბევრი ვერ ბედავს. ამასთანავე, ყველაზე ღრმა ნაწილში ტბა 19.4 მეტრს აღწევს.
ეწვიე — დეტალები
კემპინგი, ნავები, წყლის ველოსიპედები – ყველაფერი ეს ადგილზე დაგხვდება.
დამატებითი ინფორმაცია
#datashvil #drpkhakadze #sheniambebi #shenidasveneba
იმოგზაურეთ საქართველოში GTour-თან ერთად
ყაზბეგი — 2-დღიანი მთის მოგზაურობა€390 ერთ ადამიანზეყაზბეგი — გერგეთის სამება ერთ დღეში€160 ერთ ადამიანზექუთაისი და დასავლეთ საქართველო — 3 დღე€690 ერთ ადამიანზემარტვილი, ოკაცე და პრომეთეს მღვიმე — ერთ დღეში ქუთაისიდან€150 ერთ ადამიანზე
ყველა ტური gtour.ge-ზე · დაჯავშნა WhatsApp-ით +995 577 416 314
