სოფელი გოსტიბე შიდა ქართლის მხარეში, კასპის მუნიციპალიტეტში მდებარეობს, თრიალეთის ქედის ჩრდილოეთ მთისწინეთში, მდინარე გოსტიბესწყლის ნაპირებზე, ზღვის დონიდან 1550 მეტრზე.
გოსტიბეს გარშემო მთები, ტყე და ალპური ზონა აქვს შემორტყმული. საოცრად ლამაზია დროის ყველა სეზონზე. შუასაუკუნეების ძეგლები სოფელს მიმზიდველს ხდის, როგორც ბუნების მოყვარულთათვის, ასევე კულტურით დაინტერესებული ადამიანებისთვის.
გოსტიბე საქართველოს ერთ-ერთი საინტერესო და პოპულარული ადგილია, ამ ულამაზეს სოფელს ყოველწლიურად უამრავი ადამიანი სტუმრობს.
სოფელსა და მის შემოგარენში შეგიძლიათ მოინახულოთ გოსტიბეს სამების ეკლესია, გოსტიბეს კოშკი, კაბერის წმ. გიორგის ეკლესია, კაბერის მცირე ეკლესია და სალომიის ლომისის საყდარი.
