საქართველოს ტბებს შორის პალიასტომი სიდიდით მესამეა, 18.2 კვ.კმ-ზეა გადაჭიმული. პალიასტომის ტბა შედის კოლხეთის ეროვნული პარკის შემადგენლობაში. მისი მაქსიმალური სიღრმე 3,2 მეტრს აღწევს, საშუალო სიღრმე 2,6 მეტრს შეადგენს. პალიასტომის ტბა კოლხეთის ეროვნული პარკის ერთ-ერთი მთავარი ღირსშესანიშნაობაა. ტბის დიდი ნაწილი სამეგრელოში, ქალაქ ფოთთან მდებარეობს, თუმცა მისი დასავლეთ ნაწილი (მდინარე ფიჩორი) გურიის მხარეში შედის, ლანჩხუთის მუნიციპალიტეტის ტერიტორიაზე.
ტბის ფართობი 18 კილომეტრია. იგი ზღვის დონიდან 0.3 მეტრით დაბლა მდებარეობს. მთლიან მარშრუტს დამსვენებლები ნავებით ეცნობიან.
პალიასტომის ტბა თევსაჭერადაც გამოიყენება.
ტბის ჩრდილოეთით ჭაობიანი ადგილებია, სადაც თბილ ქვეყნებში გადასაფრენად მომზადებული ფრინველები არიან დაბინავებული: რუხი და მცირე ყანჩები, ილეოსები, ჟეროები, თეთრი და შავი ყარყატი, ჩვამა, ვარდისფერი ვარხვი.
