„თბილისთან ყველაზე ახლოს მცენარეების ბაღი და ზღაპრული საღონისძიებო სივრცეები. ბაღის მთავარი მშვენებაა ტბა, გულის ფორმის კუნძულით.
„შუაგულში“ გთავაზობთ შემდეგ სერვისს:
შუაგულის სანერგე – თქვენი ბაღების, ეზოებისა და ტერასების გასალამაზებლად გთავაზობთ უმაღლესი ხარისხის დეკორატიულ მცენარეებსა და ნერგებს, რომლებიც წლების მანძილზე იზრდება ჩვენთან, „შუაგულში“ და იდეალურად არის ადაპტირებული საქართველოს და განსაკუთრებით, თბილისისა და მისი შემოგარენის კლიმატურ პირობებთან.
შუაგულის ღონისძიებები – სივრცეები განსხვავებული სტილის ღონისძიებებისთვის – ქორწილი, ხელის მოწერის ცერემონია, დაბადების დღე, კორპორატიული საღამო, კონფერენცია, გუნდური თამაშები …
”გლემპინგი“ შუაგულში – ჩვენ გთავაზობთ სასტუმროს სრულიად განსხვავებულ კონცეფციას ეგზოტიკურ, გლამურულ სერვისს, რომელიც გლემპინგის სახელით არის ცნობილი. შუაგულის სივრცეში 6 გლემპინგ კოტეჯი ბუნებისა და კომფორტის საუკეთესო სინთეზია. გლემპინგს ყველაზე ხშირად წყვილები სტუმრობენ, თუმცა ოჯახისთვისაც იდეალურია.
ზღაპრული — დეტალები
შუაგულის მარანი და ქართული ტრადიციული კუთხე – ქვევრის ღვინის დეგუსტაცია, თონეში პურის ცხობისა და ჩურჩხელის დამზადების მასტერკლასები.
ცალკე აღსანიშნია „შუაგულის“ ცნობილი ტბა და მასზე ნავით გასეირნება, ასევე თევზაობა… გარდა ამისა, გვაქვს საცურაო აუზიც – თუ დასასვენებლად წასვლას ვერ ახერხებთ, ზაფხულის ცხელი დღეები თბილისთან ყველაზე ახლოს, „შუაგულის“ აუზზე უნდა გაატაროთ, დაისვენოთ და გაირუჯოთ“, – განმარტავს „შუაგულის“ მმართველი მენეჯერი ტატა ავალიშვილი და დასძენს, რომ „შუაგულს“ ხშირად სტუმრობენ ფოტოსესიებისთვისაც.
რაც შეეხება „შუაგულში“ სტუმრობის და გართობის ღირებულებას, ამ ეტაპზე დასასვენებელ-სადღესასწაულო სივრცის მენეჯმენტს შემუშავებული აქვს პაკეტი „ერთი დღე შუაგულში“, რომლის ღირებულებაც 95 ლარია. ამ პაკეტით შეგიძლიათ დილიდან ახვიდეთ „შუაგულში“ გაისეინოთ ტბაზე, გაირუჯოთ აუზზე, უყუროთ ფილმებს ღია კინოთეატრში – მოკლედ დაისვენოთ, განიტვირთოთ და საღამოს დაბრუნდეთ სახლში. ამ ღირებულებაში შედის 2-ჯერადი კვებაც. თუ კოტეჯში დარჩენაც გსურთ, ერთი ღამის ღირებულება – 150 ლარია.
„შუაგულის“ მისამართია: მუხრანის ველი.
დამატებითი ინფორმაცია
#datashvil #drpkhakadze #sheniambebi #shenidasveneba
QR კოდი
სტატიის ციტირება
შენი დასვენება. (2025). ზღაპრული „შუაგული“ – ტბა, გულის ფორმის კუნძული, ბაღი, კოტეჯები. 18 აგვისტო, 2025. https://shenidasveneba.ge/ზღაპრული-შუაგული-ტბა-გ/
იმოგზაურეთ საქართველოში GTour-თან ერთად
ყველა ტური gtour.ge-ზე · დაჯავშნა WhatsApp-ით +995 577 416 314
