სასტუმრო ,,დუენდე’’ ლაგოდეხში. “დუენდე,” რომელიც ესპანურად ვნებას ნიშნავს, ესპანელმა წყვილმა ლაგოდეხის სოფელ ხიზაში ააშენა. ტყიანი ეზო, ნომრები ტყეში და მდინარე ნინოს პირას მდგარი კოტეჯი დაუვიწყარ შეგრძნებებს დაგიტოვებთ.
ესპანელი ალეხანდრო პალომარი და ამერიკელი ნიკოლ ბარტონი საქართველოში 2 შვილთან ერთად 10 წლის წინ ჩამოვიდნენ.
როგორც ნიკოლ ბარტონმა განაცხადა, როგორც კი საქართველოში ჩამოვიდნენ, მათი ოცნება იყო, რომ რაიმე განსხვავებული და განსაკუთრებული გაეკეთებინათ.
„აქაურობა ძალიან ლამაზი და გასაოცარია. გვინდოდა, რაიმე განსხვავებული გაგვეკეთებინა. სასტუმროს სახელია Duende (დუენდე). სახელი ესპანურია და უკავშირდება ვნების შეგრძნებას, ვნების არსს“, – განაცხადა ბარტონმა.
სასტუმრო ბოჰემური სტილისაა. თითოეული კოტეჯის სიმაღლე 8 მეტრია. გარდა კოტეჯებისა, არის სამზარეულო და აბაზანა. სულ სასტუმრო 16 ადგილიანია. მთლიანმა ინვესტიციამ კი 150,000 დოლარი შეადგინა.
„ზოგადად, ბიზნესის კეთება საქართველოში ადვილია, თუკი ჭკვიანი ხართ და თუკი ღია დამოკიდებულება გექნებათ, საკმაოდ ადვილია. ჩვენ ბევრი გეგმები გგვაქვს. ვფიქრობთ, რომ მოთხოვნა უნდა იყოს, რატომაც არა?“ – განაცხადა ბარტონმა.
#datashvil #drpkhakadze #sheniambebi #shenidasveneba
მასალის გამოყენების პირობები
