გრაკლიან გორაზე არქეოლოგიური სამუშაოები გრძელდება

საქართველოს კულტურული მემკვიდრეობის დაცვის ეროვნული სააგენტოს ინფორმაციით, გრაკლიან გორაზე არქეოლოგიური სამუშაოები გრძელდება.

როგორც ინფორმაციაშია აღნიშნული, არქეოლოგიურ გათხრებს ხელმძღვანელობს ელექტრონულ ტენდერში გამარჯვებული კომპანია – ა(ა)იპ „არქეოლოგიური ასოციაცია“.

„საქართველოს კულტურული მემკვიდრეობის დაცვის ეროვნული სააგენტოს ზედამხედველობით კასპის რაიონის სოფლების – იგოეთისა და სამთავისის ტერიტორიაზე, მდ. ლეხურის მარჯვენა ნაპირთან წამომართულ გრაკლიან გორაზე უმნიშვნელოვანესი არქეოლოგიური სამუშაოები გრძელდება.

ამჟამად მიმდინარეობს გათხრები I, III, IV და V ტერასებზე. ასევე, მიმდინარეობს პირველ ტერასაზე N4 თხრილში მდებარე N1-N2 სახლების პრეპარაცია და გამოვლენილია ძვ. წ. II საუკუნის პირველი ნახევრის შენობების ნგრევის კვალი, თუმცა ამ ორ ნაგებობას შორის შემორჩენილია ვიწრო „ქუჩის“ ნაშთიც, რაც, შესაძლოა, სამოსახლოს რეგულარულ დაგეგმარებაზე მიუთითებდეს.

Sheni Network

გრაკლიანი გორის მეოთხე ტერასაზე მიმდინარეობს წარწერების სინქრონული – ძვ. წ. X საუკუნის ორი ძლიერ დაზიანებული შენობის შესწავლა, ხოლო V ტერასაზე მთავრდება ცერემონიული დარბაზის გათხრა. აქ გამოვლინდა საკურთხეველზე დასვენებული მცირეწლოვანი ბავშვის სამარხი, დარბაზის აღმოსავლეთით კი – ძვ. წ. VII საუკუნეში გარდაცვლილი ქალის სამარხი.

არქეოლოგიურ გათხრებს ხელმძღვანელობს ელექტორნულ ტენდერში გამარჯვებული კომპანია – ა(ა)იპ „არქეოლოგიური ასოციაცია“. სსიპ საქართველოს კულტურული მემკვიდრეობის დაცვის ეროვნულმა სააგენტომ არქეოლოგიური სამუშაოების ჩასატარებლად გამოყო 50 000 ლარი.

სამუშაოებში აქტიურად არის ჩართული ივ. ჯავახიშვილის სახ. თბილისის სახელმწიფო უნივერსიტეტი, კერძოდ, პროფესორი ვახტანგ ლიჩელი.

ინფორმაციისთვის: 2022-2023 წელს საველე სამუშაოები მიმდინარეობდა საქართველოს კულტურული მემკვიდრეობის დაცვის ეროვნული სააგენტოს დაფინანსებით.

გრაკლიანი გორა უიშვიათესი არქეოლოგიური ძეგლია, სადაც აღმოჩენილია 11 სხვადასხვა პერიოდის კულტურული ნაშთები ქვის ხანიდან (დმანისის სინქრონული ნაშთები) ქრისტიანობამდე.

გრაკლიან გორაზე გაკეთდა საქართველოს ისტორიაში ყველაზე მნიშვნელოვანი ინტელექტუალური აღმოჩენა – გაითხარა ძვ. წ. X საუკუნის წარწერებიანი ტაძარი. ეს არის საქართველოში უძველესი წარწერები. ამ აღმოჩენამ რადიკალურად შეცვალა ქართული სახელმწიფოებრიობის, კულტურისა და ქვეყნის ინტელექტუალური პროგრესის შესახებ წარმოდგენა და საქართველო უდიდესი ცივილიზაციების გვერდით დააყენა.

2015 წელს გრაკლიან გორას ეროვნული კატეგორიის ძეგლის სტატუსი მიენიჭა“, – ნათქვამია ინფორმაციაში.

READ NASA-მ საშობაოდ ვარსკვლავთა კლასტერის გასაოცარი ფოტო გამოაქვეყნა

იხილეთ ასევე

სკანირება
QR კოდი

shenidasveneba.ge

სტატიის ციტირება

შენი დასვენება. (2026). გრაკლიან გორაზე არქეოლოგიური სამუშაოები გრძელდება. 27 აგვისტო, 2026. https://shenidasveneba.ge/გრაკლიან-გორაზე-არქეოლოგ/

სტატიის ციტირება

პროფ. გიორგი ფხაკაძე. გრაკლიან გორაზე არქეოლოგიური სამუშაოები გრძელდება [Internet]. თბილისი: Shenidasveneba.ge; 2026 [ციტირებულია: 2026 სექ 17]. ხელმისაწვდომია: https://shenidasveneba.ge/%e1%83%92%e1%83%a0%e1%83%90%e1%83%99%e1%83%9a%e1%83%98%e1%83%90%e1%83%9c-%e1%83%92%e1%83%9d%e1%83%a0%e1%83%90%e1%83%96%e1%83%94-%e1%83%90%e1%83%a0%e1%83%a5%e1%83%94%e1%83%9d%e1%83%9a%e1%83%9d%e1%83%92/

shenidasveneba.ge

პროფ. გიორგი ფხაკაძე

MD, MPH, PhD | საზოგადოებრივი ჯანდაცვის პროფესორი და ეპიდემიოლოგი | დავით ტვილდიანის სამედიცინო უნივერსიტეტის, საზოგადოებრივი ჯანდაცვის სკოლის ხელმძღვანელი | საქართველოს საზოგადოებრივი ჯანდაცვის ინსტიტუტის თავმჯდომარე | Georgian Medical Journal-ის მთავარი რედაქტორი | WHO-ს კონსულტანტი, ჯანდაცვა და მიგრაცია, ჟენევა | UEMS საზოგადოებრივი ჯანდაცვის სექციის მდივანი/ხაზინადარი | Accréditation Sans Frontières, პარიზი — დამფუძნებელი და პრეზიდენტი | COVID-19 პანდემიის დროს საქართველოს პრემიერ-მინისტრისა და მინისტრთა კაბინეტის მრჩეველი | 25+ ქვეყანაში გამოცდილება | ORCID: 0000-0001-7609-4515

See Full Bio

იმოგზაურეთ საქართველოში GTour-თან ერთად

ბათუმი და აჭარის მთები — 2 დღე€420 ერთ ადამიანზე ბორჯომი, ბაკურიანი და რაბათი — 2 დღე€420 ერთ ადამიანზე დავითგარეჯა — უდაბნოს მონასტრები საქართველოს კიდეზე€150 ერთ ადამიანზე საქართველო 10 დღეში — თბილისიდან სვანეთამდე და ზღვამდე€1,890 ერთ ადამიანზე

ყველა ტური gtour.ge-ზე · დაჯავშნა WhatsApp-ით +995 577 416 314